عمايل عصر السرعه
1- في مره من المرارير (جمع مره )بالصدفه دخلت الباسوورد تبعك في المايكروويف .
2- ما تفتكر اخر مره لعبت فيها سوليتير بأوراق كوتشينه طبيعيه كانت قبل كم سنه..
3- عندك ليسته ب15 رقم عشان توصل لعيلتك اللي مكونه من 3 أشخاص.
4-وبالنسبه للي بيشتغلوا كم مرة ارسلتوا ايميل للشخص اللي بيشتغل في المكتب اللي جنبك؟؟.
5- السبب الرئيسي عشان ما تتواصل مع بعض من اصدقاء وبعض من عائلتك انو ما عندهم ايميلات او نت.
6- وقفت في الطريق عشان تدق ع البيتوتبغى تعرف اذا في احد يساعدك بشيلة اغراض البقاله.
7- كل دعايه في التلفزيون ليها مكان صغير في ركن الشاشه التحتاني. (عاجبتني تحتاني)(تحتاني=تحت)
8- لما تسيب البيت وتنسى الجوال اللي ما كان عندك من 20 او يمكن 30 سنه قبل كدا فجأه يصير نسيانو مصدر رعب ونرفزة في السياره وتضطر انك ترجع البيت تاني عشان تجيبو.(والله هادي انا اسويها بس ما اعتقد اني انسى الجوال انسى نفسي ولا انساه)
10- في يوم صحيت من النوم ودخلت على طول اونلاين عشان تشوف مين ع المسنجر قبل ما تشرب قهوة الصبح (او تفطر).انا كزا مره سويتها
11- الان انت بدأت تهز راسك وتبدأ تضحك من المعلومات الي تكون صحيحه وصارت لك.
12- بدأت تقرا وتضحك من قلبك .. :
13- وكمان انت تبغى تحول دا الموضوع لايميل و عارف بالضبط لمين تبغى ترسلو.
14- انت كنت مشغول بالقرايه وما لاحظت انو مافي رقم 9 في الليسته.
15- انت رجعت للبدايه بين 8 و 10 عشان تتأكد انو مافي رقم 9
:vereymad: (ترى انا ما اكذب). :vereymad:
انت دحين بتضحك على نفسك
و انشالله تكون ضحكت وعجبك الموضوع
