السلام عليكم ورحمة الله وبركاته
أخواني ...
حال النصر هذه الأيام لا يطمّن ...
والأحداث اللي شاهدناها منذ تولّي أبو فهد لرئاسة النصر
إلى ما بعد الإستقالة أكدت لنا أن هناك أعداء للنجاح ...
بل أعداء للنصر ...
أترككم مع القصيدة ...
ألا يا بو فهد كفّيت ومثلك حبّه الجمهور
وتكفى لا تجافينا ولا يهمّك كلام الجار
على دمع الحزن كل ٍ بكى نصره بدون شعور
يشوف الحال كيف الحال يا نصر ٍ كلته النار
على صمت الحضور اللي على نصره بدا مقهور
أبكتب والقلم سيّل من حروف الشقا أنهار
لسان النصر لو ينطق حكى بالخافي المستور
نزف جرحه وبدا حزنه وقاضى اللي ظلمه وجار
ألا يا اللي هدم نصري كفايه هالقسا والجور
دخيلك تنظر لحاله وكيف إنه كذا ينهار
عقب عزّه تبيه يعود لأول ما بدا مغمور
تبي تمحي نصف قرن وتشوّه زينة التذكار
أنا بسألك يا ممدوح وش اللي في فضاك يدور
علامك قمت تتخبّط وتخلق للردى أعذار
علامك تضرب بنصرك إلين إنه غدا مكسور
تعيب الغير لا والله وغيرك واجه الإعصار
ألا يا عين أبو خالد تعالي وإشهدي المذكور
وشوفي اللي تشوفينه وكيف إن الزمن دوّار
تعالي واشهدي اللي صار واللي سبّب المحظور
هذاك اللي تبلانا ولا همّه وش اللي صار
ألا يهل العقل فزّوا وحطّوا للنصر دكتور
ترى الحاله هي الحاله بلا سر وبلا أسرار
حثالة للأسف تطعن بلا إذن وبليّا شور
بإسم النصر تطعنّا وهي أنجس من أيّة فار
خلاص اليوم في لحظة كشفنا الخافي المستور
يهون النصر لا والله يهون اللي ظلمه وجار
منقول من الكاتب الكبير في منتدى العالمي ( صادق النية) ..
شكرا للجميع ...
ألا يا للي هدم نصري .. كفاية هالقسا والجور ( قصيدة وتصميم )..
