السلام عليكم
فيه ولد طفران (ماعنده ولا ريال) راح لابوه وقاله : عطني 15 ريال،،ودي اشتري
كوره
الاب : أقول إنقلع عني تراها واصله عندي
الولد : تكفا يبه ،، بس 15 ريال والا اقولك خلها عشرة ريالات
الاب : ماعندي فلوس ... إذا تبي فلوس روح بيع الديك مالك المريض اللي بالحوش
..
الولد : بس هذا مريض ومحد بيشتريه
الاب : ماعليّ منك ،،، دبر نفسك
والله الولد استسلم للأمر الواقع واخذ الديك
أول واحد قابله في وجهه اكيد أبوه .... قاله الولد: تشتري الديك؟
الاب : اقول بتنقلع عني ولا أقوم أدوسك في بطنك؟
الولد :خلاص خلاص لاتنفخ طلع الولد من البيت ومعه الديك في محاوله يائسه إن
الديك ينباع عرض الديك على أهل الفريج كلهم ولا واحد فيهم قبل إنه يشتري الديك
قال الولد: ممممممممم، والله مالي إلا فلانه ،، عقلها خفيف وأكيد بقدر ألعب
عليها بسهوله …
راح لها الولد عشان يبيع عليها الديك
الولد : تشترين الديك تكفين؟
قالت الحرمة: هلا والله بحبيبي .. تعال قرب مني عشان ابوسك بوسه خفيفه
الولد : اقول ماني فاضي لك .. خذي مني الديك وخليني اروح
قالت الحرمة: تروح وين ياعمري !! انا ماصدقت إني شفت رجال عندي في البيت ...
الولد :ومنهو اللي قالك إن انا رجال ؟ خذي مني الديك وخليني أنقلع
شوي الا الباب يدق خافت الحرمه وقالت للولد تعال اتخبا هنا في الدولاب لايطلع
زوجي ثم نروح فيها.
حطت الولد في الدولاب وراحت فتحت الباب إلا وطلعلها صديقها ..
الحرمه : هلا والله بعمري وحياتي
الرجال : يا هلا فيك عمري
ما أمدا الرجال يكمل كلمته إلا والباب يطق
الحرمه : ياويلي ويلاه ،، هذا شكله زوجي ،، تعال وادخل في الدولاب
دخل أخونا في الدولاب وفجاه في عز الظلام سمع صوت يكلمه داخل الدولاب ويقوله:
تشتري الديك؟
الرجال: اصصصصصصصص،،،خفض صوتك الله يرحم والديك لاتفضحنا !!!
الولد : أقول تشتري الديك؟
الرجال : ياخوي خلاص بشتري الديك بس قصر على حسك تكفا
الولد : طيب
الرجال: بس بكم تبيعه؟
الولد :ب100 ريال
الرجال : ايش!!!!!!!!!!!! هالديك المنتوف المريض ب 100ريال !!!!!!!!!!!!
الولد : تبي تشتري ولا ارفع صوتي؟
الرجال : لا لا خلاص ،،، بشتري وأمري لله ، جلسو 5 دقايق
الولد :تبيع الديك؟
الرجال : توك بايعه علي يابن الحلال!!
الولد :تبيعه علي ولا ارفع صوتي؟
الرجال: لا لا خلاص ،، اببيعه وأمري لله ،، بكم تشتريه؟
الولد :بريال
الرجال: أيش!! بريال !!!! انا مشتريه منك ب 100 وانت تشتريه مني بريال!!!!!
الولد : تبيعه علي ولا ارفع صوتي؟
الرجال : لا لا خلاص ،، اببيعه وأمري لله ،، جلسو 5 دقيق
الولد : تشتري الديك؟
الرجال : ياخوي توني مشتريه منك!
الولد : تبي تشتري ولا ارفع صوتي؟
الرجال : لا لا خلاص ،، ابشتري وأمري لله ،،، بكم تبيعه؟
الولد :ب200 ريال
الرجال: الله يخسك ان شاء لله ،،، توني مشتريه منك ب 100 ريال!
الولد : تبي تشتري ولا ارفع صوتي؟
الرجال : لا لا خلاص ،، ابشتري وأمري لله ،، جلسو 5 دقايق
الولد : تبيع الديك؟
الرجال: انا لله وإنا إليه راجعون ،،، بكم تبي تشتريه؟
الولد : بريال
الرجال : وش تبيني أقول !! تبيني أبكي ولا أشقق هدومي ،،، يالله خذ الديك
وببلاش بعد … اخذ الولد الديك
شوي ألا الحرمه فاتحه عليهم الدولاب وقالتلهم : يالله بسرعه انحاشو دام إن
زوجي في الحمام ،، بس واحد ورا الثاني وبشويش عشان لايحس فيكم زوجي
طلع الرجال وانحاش ولحقه الولد بعده ب5 دقايق المهم ،،،
قام الولد يتمشى في الشارع وهو مستانس لأنه صار معاه فلوس ..
بعدين راح للبيت يوم دخل البيت شاف ابوه قدامه .. راح قال لابوه: تشتري
الديك؟
الأب يشوف الولد والشرار طالع من عيونه وقاله: مايكفيك يابن (??) الــ 300
ريال اللي لطشتها مني في الدولاب؟؟؟
حلوة صح؟؟
