أبي مساعدة جدا ضرورية في ( سايلنت هيل ) و ( كرونو كروس ) ... و بسرعة بسرعة .

**M7MOOOD** · 20-10-2001, 02:47 PM

أولا : سايلنت هيل ...

أنا وصلت عند المستشفى .. و تحديدا عند لغز الباب اللي فيه 8 مربعات ... 4 موجودين و 4 مفقودين ... المهم أنا لقيت الأربعة المفقودين بس المشكلة هي .... أني ما أعرف شلون أرتب المربعات الأربعة على الباب .... فممكن تقولولي ترتيب المربعات .

ثانيا : كرونو كروس ...

أنا وصلت ( طبعا في الدسك الأول و تقريبا في بداية اللعبة ) عند المكان( اللي بعد الغابة ) اللي أتنكر فيه بملابس جنود التنين ... و هناك وصلت عند لغز الباب اللي يمه تمثال ... و هالتمثال لازم أحركة كم دوره لليمين .. و كم دوره للشمال ... و اذا غلطت أطيح تحت داخل قفص ... فممكن تقولولي شلون أحل هاللغز ... و بعدين وين أروح ....

و هم ممكن تعطوني شفرات لهذه اللعبة .

و شكرا للي راح يساعدني .

**Batigol9** · 20-10-2001, 04:16 PM

في كرونو كروس لازم أطيح في السجن تم دق الحديد
بعدين كد بتي تساعدك بعد ما تتنكر روح غرفة نوم الجنود
بتلقى قلين فى الغرفة أترياة لين ما يطلع ألحقة الى الغرفة
الثانية هو بيكتب شىء على الجدار روح طالع شو كتب
بعدين بتلقا المطلوب على ما أذكر
وعن الشفراة هاذي الوصلة تفضل

وعن سايلنة هيل ما أعرف لي أنى ما ليعبتها

**M7MOOOD** · 20-10-2001, 04:23 PM

مشكووووووووووووور على هالمساعدة ....

و الله ما قصرت ...

بس ممكن تكتبلي الشفرات اللي أبيهم ( لأن كلهم مكتوبين بالأنجليزي و ما فهمت شي ) ...

و أنا اللي أبيه هو ( طاقة لا نهائية لجميع الشخصيات و نقود لا نهائية ) و بس .

و ممكن عضو يقدم لي المساعدة في لعبة ( سايلنت هيل ) ؟؟

**ريـــنــــوا** · 21-10-2001, 03:02 PM

أنا مع الاسف ما لعبت اللعبه ( خوافه ) بس هذا هو الحل المكتوب بالحل الكامل:

Take out the colours already present and the order starting top right
is : Blue, Green, Yellow, Red.
يعني :
ابدأ من جهة اليمين فوق أول أزرق بعدين أخضر بعدين أصفر بعدين أحمر.

ترا مو متأكده انه صحيح بس اتمنى انه يكون.

**Batigol9** · 21-10-2001, 06:42 PM

حاضرين

99.999.999 gold
800719a8e0ff
800719aa05f5

Max HP All Characters
50002ccc0000
8006ebde03e7
50002ccc0000
8006ec8003e7

**M7MOOOD** · 21-10-2001, 10:13 PM

شكرا جزيلا يا أخت ( رنـــــوا ) على مساعدتك لي ...

و مشكوووووووور يا أخ ( Batigol9 ) على الشفرات ... والله ما قصرت ...

بس ممكن مساعدة ثانية في ( كرونو كروس ) ‍‍‍؟؟

أنا وصلت عند المكان اللي تقاتلت فيه لأول مرة مع البنت الصغيرة ... و بعد المعركة و لما رجعت عند المبنى الرئيسي قابلت مهرج فرنسي ... و بعد الحديث معاه قام و راح عندي .... المشكلة الحين هي ( أني ما أقدر أنزل تحت ... لأن ما عندي ملابس الجنود ) و في هالمكان على اليمين في باب حارسه حارس شكله وحش لونه أصفر ... و في الأمام أي الناهية الشمالية في جنود ما يخلوني أمر ألا اذا يبتلهم أمر خاص .... فممن تقولي وين أروح ؟؟ و شو أعمل ؟؟ و شككرا للي يرد و يجاوب علي .

**ريـــنــــوا** · 22-10-2001, 02:26 PM

على ما أذكر أظن أن الكرسي الي في القاعه هو مصعد روح عنده و ضغط عليه و يوصلك فوق.

**M7MOOOD** · 22-10-2001, 02:39 PM

شكرا يا أخت رنـــوا على هالحل ...

و الحين يه دور ( سايلنت هيل ) ...

أنا طلعت من المستشفى ... و رحت مكان موجود في أعلى المدينة ( بقاله بابها مفتوح ) .... و دخلت داخل و دزيت الكبت و طلع وراه في فجوة و بعدين لقيت الشرطية ... و بعد ما لقيتها قرر هنري أنه ثيدخل الفجوة الأول و بعدين ييت حق هنري هالة الأغماء مرة ثانية ... و لقى نفسه في المستشفى مع الممرضة ليزا مرة ثانية ... و بعدين مرة ثانية رجع للمكان اللي ألتقى فيه الشرطية ( و لكن هذه المرة و هو في حالة الغيبوبة ) ... و بعدين طلعت بره و ما أعرف وين أروح ... فممكن المساعدة .

**ريـــنــــوا** · 22-10-2001, 02:46 PM

رجع على المستشفى

بس ممكن تحدد لي أكثر أنت فين.
أخذت الفأس ولا لا ؟

**M7MOOOD** · 22-10-2001, 02:51 PM

و الله مشكووووووووووورة يا العزيزة ( رنـــوا ) على ردك السريع لي ...

و الله يعطيك ألف عافية على المساعدات اللي تقدمينها لي .

**M7MOOOD** · 22-10-2001, 09:45 PM

بس يا أخت ( رنـــوا ) ...

في لعبة ( كرونو مروس ) ما لقيت لا كرسي و لا مصعد ... بس فيه أثنين حراس في الناهية الشمالية ما يخلوني أدخل ألا بأمر خاص ... و في الناهية الجنوبية اليمينية فيه حارس على شكل وحش أصفر .. هم هو بعد ما يخليني أمر ‍‍؟؟

فممكن أحد يساعدني و بسرعة ...Pleeeeeeeeeeeeeeeeeeease .

**Batigol9** · 22-10-2001, 10:04 PM

على ما أذكر في المنطقه على يسار الجنود في شيء تكدر تضغط عليه
بعد ماتضغط عليه بتقدر تركب المصعد

ملاحضه \\\ لازم أتدور الشيء الي لازم تضغط عليه لأني ماعرف مكانه بضبط?:

**ريـــنــــوا** · 23-10-2001, 03:21 PM

أنا أذكر القصر و أذكر الوحش الاصفر أمش الى جهه الشمال راح تلاقي قاعه كبيره في رأس القاعه في شيء زي الكرسي أو مصعد ما أدري روح عنده و هو يطلعك و راح تلاقي الاميره فوق.

**M7MOOOD** · 25-10-2001, 10:58 PM

و الله أنا محتاااااااار ...

القاعة لافيها مصعد ... و لا كرسي ... و لا زر ؟؟؟

يا ناااااااااااس .... وييييين أروووووووووح !!!

**Knight** · 25-10-2001, 11:11 PM

شفت الشخصيات وين واقفين (يم العامود) إهني في زر إضغط عليه .

الموضوع: أبي مساعدة جدا ضرورية في ( سايلنت هيل ) و ( كرونو كروس ) ... و بسرعة بسرعة .

أدوات الموضوع

أبي مساعدة جدا ضرورية في ( سايلنت هيل ) و ( كرونو كروس ) ... و بسرعة بسرعة .

ضوابط المشاركة