اليوم الظهر
قالت لي امي ارتب غرفتي عشان يجي الفلبيني ويصبغها بنفسجيه....ايه والله صبغت غرفتي بنفسجي يهبل
":"
المهم...
وانا ارتب غريضاتي...لقيت اشياء مغبره..اوراقنا وسواليفنا ايام اولى ثانوي..ورسوماتنا...وحشاتنا..وفيه بعد اغراض الفنيه اللي طلبوها مننا
فجأه...لقيت ورقه مسفطه ومعفطه
فتحتها...يوم فتحتها...اغرورقت عيناي بالدموع التي سالت مدرارا مدرارا :": (اموووووت يافصحى انا)
في يوم من الايام...وليلتا من الليالي...وصلتنا هذي الرسمه كتكريم على انجازاتنا ايام سنه اولى
طبعا يمكن نصكم عارف منهي ابله ندى..ابله الاحياء...اللي كانت السبب الرئيسي في دخولنا للادبي
وكيف ان احنا ماانتقلنا من سنه اولى الى ثانيه...الا بالدف...ساقطين بالاحياء بس اعفونا الماده ونجحونا
كانت حاااااالتنا حاله مع ندى ذي...توعدتنا انها تسقطنا
كم مره تهاوشنا معه...كم مره لعبنا بحصتها...كم مره رحنا للاداره وتعبت ملفاتنا تعهدات والسبب مشاكلنا مع ابله الاحياء...ندى
آآآآآه ايام راحت وولت...ليتها تعود ونهبل بندى
كان هذاك عهدنا الذهبي...وكنا في اوج عظمتنا وتفوقنا على جميع بنات المدرسه..
كل الصفوف كانوا يحترمون ويقدرون شله الانــس (سيلفي,ياورد,بلو روز,ريم)
لانهم الشله الوحيده في جميع دفعات اولى ثانوي على مدى السنوات اللي قدرت تخلي ابله ندى تطلع من الصف وهي تجعر (اي تبكي)
سمعتنا انتشرت بالمدرسه...اوووووه من قدنا...
وقتها...كان عندنا طالبه بثاني ثانوي...مشهوره برسمها الكاريكاتوري (انشالله كتبتها صح)
كافئتنا بهذي الرسمه...وهي عباره عن صوره مصغره لما يحدث بين شله الانس وابله ندى...في حصه الاحياء
خخخخخخخخخخخخ معليش لاتستغربون من قراوه ابله ندى...هي كذا دايم لبسها يجيب المرض...الجزمه الفسفوريه
لاتفوتكم الطاولات بس لاعبين بحسبتها...
الرسمه هذي بريشه الفنانه أريــــــــــج (هي قالت رزوا أسمي معكم)
ملاحظه أخيـــــــره:
ترى اشكالنا بالرسمه خياليه...متعمدين حاطينها تضحك....يعين لحد يصدق انها تشبهناويستلمنا تطنز
بس شكل ابله ندى...امممممممم تقدرون تقولون...نسخه طبق الاصل منها
ملاحظه ثانيـــــه:
ترى الاسماء المكتوبه بالانجليزي...والجمله المكتوبه على السبوره (الاحياء متعه ووناسه) خطي
والله ثم والله اللي يتطنز على خطي ياوييييييله...انا ماني ناقصه تحطيم!!
ملاحظه أخرى...
هو كان مكتوب تعليقات على الرسمه....بس انا مسحتها....لان ماله داعي فضايح
فاللي عنده تعليق...او حش في ابله ندى...اووو ايييي شي....يتفضل يكتب عادي وخذوا راحتكم...
شكررررررا...استنى رأيكم
