Undertaker Is Back From The Dead

[L O - M I]

بسم الله الرحمن الرحيم

انا كتبت الموضوع قبل كده لكن للاسف الصور اللي انا رفعتها مكنتش ظاهرة وانا كنت تعبت
في كتابته فارجو ان يكون الموضوع ده متجدد وانا حضيف اخبار الاندرتيكر فيه كل اسبوع
سواء في smackdown او البطولات الشهرية يعني كموضوع اخبار اسبوعية بس
للاندرتيكر وعايز اسمع ارائكم.
وده الموضوع من الاول

في survivor series رجع الاندرتيكر في عرض مبهر لما اتحرق التابوت وطلع منه
والرسالة واضحة لاورتين ان الاندرتيكر ميت اصلا dead man ازاي تحرق رجل ميت
وموقع wwe كاتب the dead rises again اي الموت يصل مرة اخري



ده معناه ان في مباراة قريبة بين اورتين واندرتيكر ولكن اندرتيكر مش حيرحم اورتين المرة دي خصوصا ان اندرتيكر رجع زي كل مرة بشكل جديد والمرة دي رجع للشكل القديم
classic undertaker وكل مرة بيغير شكله بيرجع متعطش للدمار وده اللي حصل لما رجع وضرب جميع اللي كانوا علي الحلبة من smack down والرسالة طبعا لاورتين
ان الاندرتيكر رجع وبقوة











وكما نري الاندرتيكر فعلا رجع بشكل جديد classic undertaker الشكل القديم
ايام التسعينيات



ويريت نشوف الاندرتيكر معاه الحزام تاني بالشكل الجديد
وشكرا

[L O - M I]

بسم الله الرحمن الرحيم

29-11-2005

smackdown spicial



مباراة بين Rey Mysterio vs Big show
Rey Mysterio يضرب big show بالكرسي ويعمل frog splash
حركة ايدي جاريرو



لكن يدخل كين ويمسك مستريو هو والبيج شو حركة chokesalm from hell





وتنطفيء الانوار ويدق جرس الاندرتيكر وكين والبيج شو
يجدوا اندرتيكر واقف خلفهم يضرب البيج شو ويعمل chokeslam لكين





فيخرج اورتين كالعادة يعمل للاندرتيكر من خلف الاندرتيكر ويعمل RKO



وينزل يجيب عصا من شنطة سيارة ايدي جاريرو اللي دخل بيها ري مستريو ويقوم الاندرتيكر وينزله ويضرب اورتين لكن ابوه يشغل الاندرتيكر يروح اورتين ضربه بالعصا
علي راسه فيقع علي السيارة فيظل يضربه علي راسه



وبعدين يركب اورتين السيارة وهي عليها الاندرتيكر ويروح بيها لغاية شاشة العرض ويصدمها في الديكور وبعدين يطلع منها فتنفجر في اعلان سقوط جديد للاندرتيكر
علي اساس انه مات (ده طبعا في السيناريو)













ووصف موقع wwe هذا العرض بانه hell ride او جولة الجحيم اعتقد ان اندرتيكر حيكون انتقامه قريب وحيكون قوي والي متي حيفضل اورتين منتصر علي حساب اندرتيكر
في السيناريو؟



وده المصدر:
www.wwe.com

وشكرا

[WweTakeR]

شكرا على الموضوع

[L O - M I]

ايه يا جماعة اللي بيحصل انا برفع الصور من w6w تاني يوم القيها اختفت
ممكن حد يقولي ليه ولو في موقع احسن لرفع الصور حد يقولي
وشكرا

[Lord of Darkness]

مشكور أخوي على الموضوع

[L O - M I]

ده الفيديو بتاع الاندرتيكر واورتين ده حصري
ومش حتشوفه في smack down يوم الاحد
ده اللينك:
SmackDown_Special_29_November_2005.zip

[L O - M I]

بسم الله الرحمن الرحيم

2-12-2005

Friday Night Smackdown




الاسبوع ده من smackdown كان بمثابة الحلم لاورتين لان بعد هزيمة مات هاردي
اورتين احس بانها ليلة لا تنتهي لان هذه المرة لو يظهر الاندرتيكر بس اتكلم وارتين
مش شايفه وكان كل مكان يروح ليه اورتين داخل المبني يحيط به الاندرتيكر والاندرتيكر
قال انت بتحاول تقتل شخص ميت انت خايف من التابوت اللي انا كنت فيه طبعا اورتين
كالعادة ممثل قدير جري ويروح هنا وهنا وبيدور علي اندرتيكر ويتوسل اليه انه يظهر
لكن اندرتيكر اختار المرة دي عدم الظهور لترهيب اورتين وتشويق الجمهور













وفي النهاية تم ما كنا ننتظره اندرتيكر يتحدي اورتين في اقوي انواع المباريات
hell in a cell match في ArmAgeddon



وانتظار اورتين لن يكون طويلا هذه المرة ففي 18 ديسمبر 2005 سيكون العقاب والانتقام



وانا اتمني ان يحدث مانتوقعه وهو فوز الاندرتيكر علي اورتين وتحقيق الانردتيكر لانتقامه
لما فعله اورتين

وشكرا

[WweTakeR]

مشكوووووووووور

[L O - M I]

بسم الله الرحمن الرحيم

9-12-2005

Friday Night Smackdown




في عرض مبهر ومخيف واكشن وكل حاجة من عروض smackdown من سلسلة
عروض اندرتيكر واورتين بعنوان mind game او الخداع

يخرج اورتين الي الحلبة ويعلن عن استسلامه وانه يريد ان ينهي ما بداه لانه تعب من
استمرار عدواته مع الاندرتيكر ولكن اندرتيكر كان له راي اخر

فتدق اجراس الاندرتيكر وتنطفيء الانوار



ويبدا اندرتيكر بزرع الخوف في قلب اورتين طبعا ده في السيناريو عن طريق عرض
بعض الاقوال عن الجحيم و لقطات من مبارياته داخل الـHell In A Cell

المقولة الاولي:



بمعني: (ابواب الجحيم مفتوحة ليلا نهارا) لــVirgil

المقولة الثانية:



بمعني: (ان تعذيب الضمير السيء هو جحيم الروح) لــJohn Calvin

المقولة الثالثة:



بمعني: (للعقول المختلفة نفس العالم جنة ونار) لــRalph Waldo Emerson

المقولة الرابعة:



بمعني: (افقد كل امل لك لانك انت الذي سوف تدخل هنا لا محالة) لــDante
وطبعا الاندرتكر يقصد الدخول الي القفص او Hell In A Cell



وهذا كله هو غرضه زرع الخوف في نفس اورتين طبعا هذا في السيناريو
والرسالة واضحة ان اندرتكر لن يرحمه في القفص
وبعد هذا تاتي الكاميرات علي اورتين المصدوم ففعلا ادؤاه كان جيد ومقنع انه خايف
وحيموت من الخوف



ليظهر صوت الاندرتيكر من جديد ويقول لاورتين انه علي الان علي الطريق
السريع الي الجحيم فياخذ اورتين صدمة اخري واظهار الاداء التمثيلي الرائع
وانه فقد الامل وانه مفيش مهرب من الاندرتيكر



ونستكمل الموضوع اورتين يغسل وجهه من لربما يفيق من الصدمة
وينظر في المرأة ليري الاندرتيكر



ليلتف وراءه ولم يجد الاندرتيكر





ثم يخرج اورتين باتجاه سيارته ليغادر المبني ولكن المذيع Josh Mathews
ويساله عن عداوته مع الاندرتيكر ولكن تدخل روح الاندرتيكر اليه
فيقول بصوت الاندرتيكر لاورتين تمتع انت علي الطريق السريع للجحيم





فعلا عرض مثير وبه كثير من الخدع السينمائية
واتمني تثبيت هذا الموضوع لان ان شاء الله انا حكتب كل اخبار الاندرتكر سواء اسبوعيا
في Smackdown او في البطولات الشهرية PPV
واي حد من الاعضاء عنده فكرة جديدة ممكن نضيفها عن الموضوع يقولي
او يكلمني علي الميل

وشكرا

[دكتورالحب]

فعلا عرض مثير

بس انا اتسائل هل فعلا كله تمثيل في تمثيل


ام فقط السيناريو تمثيل والمصارعه حقيقة


صراحه ضحكت جدا من العرض لانه حسيت كانه فلم مرعب

سماك داون اتقنت جدا الحبكة السينمائية

[L O - M I]

شكرا علي ردك
وبالنسبة لسؤالك هو كله تمثيل لان المصارع ماهو الا ممثل يتدرب علي السيناريو كنص وتسلسل الحركات وطبعا بيكون عارف مين طالع يضربوا ومين طالع معاه ومين حيكسب
واللي يفرق بينه وبين الممثل السينمائي ان المصارع يؤدي الحركات الخطيرة بنفسه بعكس الممثلين دائما
هناك دوبلير يؤدي الحركات الصعبة بالاضافة للخدع السينمائية وفعلا smackdown
اتقنتها وكانت هناك حبكة درامية واداء اورتين الاكثر من رائع وتظاهره بالخوف جعل من العرض اكثر مصداقية بصراحة اورتين المفروض يمثل ويسيبوا من المصارعة.

[Gangrel]

مشكور اخوي على الموضوع ..

::تـحـيـاتـي::

" المجهول 2005 "

[OD3N]

مشكور اخوي

والله موضوع حلو وشيق

[L O - M I]

بسم الله الرحمن الرحيم

16-12-2005
Friday Night Smackdown



في سلسلة حلقات عداوة الاندرتيكر واورتين اورتين يتحلي بالشجاعة اخيرا ويرتكب غلطة
فظيعة فتبدا القصة بظهور اورتين ويدعي انه عايز يعتزل او يتقاعد لانه مش عايز يبقي قدره في الـــHell In a Cell ودعا الاندرتيكر للظهور وفعلا المرة دي الاندرتيكر يظهر
ومن غير نار ولا شاشات ولا ارواح شريرة داخل من الباب مع الاجراس عادي ويطلع
علي الرينج



فيخرج كاهن من الواقفين يحمل جرة الموت بتاعة الاندرتيكر ويطلع في الاخر طبعا بوب
اورتين كنوع من الخداع



وارتين يروح يجيب كرسي ويضرب اندرتيكر علي دماغه ويمسح الدم اللي علي الكرسي
علي صدره واورتين يكلم الاندرتيكر ويقول هي دي نهايتك



وطبعا اندرتيكر يقوم تاني والمرة دي اورتين يخد الجرة من ابوه ويضرب بيها
الاندرتيكر









ويقول اورتين في المايك للاندرتيكر اراك يوم الاحد في ArmAgeddon



وينتهي العرض في انتظار المباراة الدموية والله انا خايف اندرتيكر يخسر بس
هو المفروض يرد اعتباره علي كل اللي عمله اورتين لان اورتين الوحيد اللي عمل كده مع الاندرتيكر

وشكرا

[L O - M I]

وده لينك الفيديو بتاع الاندرتيكر
http://rapidshare.de/files/9363827/SmackDown_16_December_2005.wmv.html
ويريت حد يقول شكرا