صور ل 360 (جهازي الشخصي)+ بعض المعلومات

[Angry Odin]

السلام عليكم

هذي بعض الصور لجهازي ال360 وصور من الالعاب اللي لعبتها...طبعاً نوعية الكاميرا اللي استخدمتها رديئة..فلا تواخذونا على ردائة الصور...


طبعاً الجلدة اللي على الجنب ماتجي مع الجهاز ..انا ركبتها..تعطيك راحة ومسكة افضل للجهاز


طبعاً الجهاز واضح ومافيه اي تعقيد...الجديد هو الزر اللي بالنص..تقدر تشغل وتطفي الجهاز منه..تقدر عن طريقة تدخل على المنيو حق الاكس بوكس..تشيك على الرسايل..على قائمة الاصدقاء..ممكن يوديك للداش بورد..





الفتحة اللي فوق عن طريقها تقدر تشحن الجهاز ...لكن لازم يكون عندك جهاز الشحن الخاص ..

هذا تلفزيوني

هذي بعض الصور من need for speed>> للاسف انه الصور ماطلعت واضحة.. لانها في الواقع افضل من كذا 1000 مره

هذي صورة ثانية من نيد فور سبيد..

هذي صورة من داخل اللعبة ...الصراحة اعتبرها افضل لعبة من ناحية التحكم..اول مره يكون عندي لعبة سيارات اكون ماشي 150 ولا امكل سباق كامل من غير ماصدم بكل لفة

هذي صورة الداش بورد ..فالاعلى تشوف الgamercard وهو نفسه اسمي في XBL . تحته موجود الgamer score وهي تعتر مجموعة النقاط اللي حصلت عليها من كل لعبة...على ماعتقد كل لعبة عندك 1000 نقطة..كل ماتعدي مراحل تحصل على نقاط اكثر..اذا انهيتها تاخذ 1000 نقطة... عن طريق الداش بورد تقدر تقارن بين انجازاتك بلالعاب وانجازات شخص اخر عندك بقائمة الاصدقاء ...
اخر شي موجود market place وهو عبارة سوق تقدر عن طريقة تجدد او تشتري اشتراك للايف..تقدر تشتري صور او اغاني الاعاب..تقدر تشتري العاب الاركيد.

الصورة اللي فوق هي عبارة عن صفحة الdemos والtrailers..لحد الان موجود تقريبا 58 ديمو وترايلر قابلة للتحميل مجاناً ..كل واحد منهم يخيرك اذا تبيها 480 او 720 من ناحية الوضوح..السعة بالنسبة للتريلير تتراوح بين 50 الى 200 ميقا ..

هذي الصورة تقدر تلقى فيها جميع انجازاتك بالاعاب المختلفة..تتفرج على المواد اللي حملتها من قبل ..تقدر تلعب بالعاب الاركيد اللي شريتها من market place>

هذي مجموعة من صور call of duty >>








اتمنا ان الموضوع يكون حاز على رضائكم ..مع اني متأكد ان اغلب المعلومات انتم عارفينها من قبل...

[Mr_Gamer]

wow
حماااااااااس

الف شكر لك على الموضوع

[52x]

ما شاء الله
روووووووووووعة
مبرووووووووووووووووووك
يسلمو ايديك عالصور
سالام

[SNYMA]

حمااااااس من قلب
اليد شكلها ممتاز جداً

[Burning Sky]

الف مبروك عليك الجهاز , والله يهنيك ^__^

[hussien-11]

ألف مبروك عليك الجهاز ، تتهنى فيه ان شاء الله

[THE_MATRIX]

مبروووووووووك عزيزي ^^..

[paul_king]

اشكرك على الصور والله صراحتاً حمستني اشتري الجهاز

[SALM0RE]

الله يعطيك العافية ..مبروك .

[xnnx]

منك المال ومنة الاشرطة
مبروك
بس عندي سؤال بالنسبة لي الديمو هل التحميل ببلاش

[jack47]

بعد العيون الباردة اللي عليك


بس عن جهاز جهاز التحكم كيف يكون و أنت تلعب يشحن؟؟ أو لازم شاحن خاص؟؟؟

و ماذا عن المشاكل؟؟؟ هل الكلام كان مجرد إشاعات؟؟؟

[JAK]

مبروك عليك الجهاز اخوي ان شاء الله يوصل اخر الاسبوع .. و بخصوص كلامك عن نيد فور سبيد اللعبه عندي على الPSP و كلامك صحيح ان مهما كنت مسرع ماراح تدعم كثير بسبب التحكم

[Snake-87]

ألف ألف ألف مبروك

ولكن هل الخبر الي سمعته صحيح؟

انه المروحة في جميع الأجهزة مو قوية

وتلعب 4 ساعات او 3 ويحترق الجهاز

فقامت مايكروسوفت بانتاج دفعة جديدة تصل أول السنة معدلين فيها المراوح

هذا الخبر من أحد أصدقائي

وهل يشخط الcd?

ما شاء الله فاتح ورشة XD

سونيتين وأكس بوكس ثنتين

مااشاء الله

والحذاء بالزاوية عجبني

أبيه

وفيه حبل صغير اسود على القنفة باليسار

كأنه حبل الشنطة مالت السوني 2 صح؟؟

[Angry Odin]

الله يبارك فيكم جميعاً وعقبالكم ان شاءالله

بس عندي سؤال بالنسبة لي الديمو هل التحميل ببلاش

تحميل العروض والdemos مجاني..

بس عن جهاز جهاز التحكم كيف يكون و أنت تلعب يشحن؟؟ أو لازم شاحن خاص؟؟؟

و ماذا عن المشاكل؟؟؟ هل الكلام كان مجرد إشاعات؟؟؟

طبعاً في وصلة خاصة للشحن تجي مع play and charge kit ..تقدر تشحن الجهاز وانت تلعب ..او تقدر تشبك الوصلة بالكمبيوتر وتشحن الجهاز عن طريق الusb >>
بالنسبة للمشاكل الحمدلله ماواجهتني اي مشاكل ..في نسبة من الاجهزة كان فيها مشاكل ..لكن قدروها 3-5% ..اكثر مشكلة تكلموا عنها هي الحرارة..تقدر تتفادها انك تحط الجهاز مثا مانا حاطه ..حطه لوحده في الهواء الطلق..عشان يشم هوا من كل مكان ..لان مافي الا مروحة وحدة والجهاز 3.2 قيقا ..

لف ألف ألف مبروك

ولكن هل الخبر الي سمعته صحيح؟

انه المروحة في جميع الأجهزة مو قوية

وتلعب 4 ساعات او 3 ويحترق الجهاز

فقامت مايكروسوفت بانتاج دفعة جديدة تصل أول السنة معدلين فيها المراوح

هذا الخبر من أحد أصدقائي

وهل يشخط الcd?

انا شفت صور...لكن شخصيا ماوجهتني مشكلة تمخيش الاشرطة... مثل ماقلت قبل اكبر مشكلة كانت الحرارة والfereeze >>, ومثل مانت عارف الحرارة تؤدي الى الfreeze ..

ما شاء الله فاتح ورشة XD

سونيتين وأكس بوكس ثنتين

مااشاء الله

والحذاء بالزاوية عجبني

أبيه

وفيه حبل صغير اسود على القنفة باليسار

كأنه حبل الشنطة مالت السوني 2 صح؟؟

هههههههههه.....
مدري ليه مع اني استخدم الجهاز واعاملة بكل احترام ..لكن لازم بعد فترة تخرب العدسة ..والمشكلة بامريكا ماعندنا هنود يصلحونها ..لازم يبدلونها ..يعني تاخذ جديد افضلك ... والحبل هو حبل الكاميرا اللي صورت فيها ...

[السفاح المرعب]

مبروك عليك الجهاز

وصور رائعه



وماشاء الله تلفزيون رائع


الف الف شكر على الموضوع