جهز (GYM) صالة حديد كاملة بـ 935 ريال فقط في غرفتك

[ODIN]

السلام عليكم



أول شي بعرفكم على غرفتي .. ناري وجنتي .. فيها كل الاستخدامات اليومية بحياتي ..





لا تستغربون من الفوضى ... لان الاستخدامات الي فيها اكثر من استيعابها بكثير .. ومنها التالي /



1- نوم

2- طاولة رسم للمشاريع والهندسه

3- كمبيوتر

4- تلفزيون بلاي ستيشن فيديو

5- استديو تصوير

6- GYM ><



تخيلوا كل هذي بغرفه مساحتها 6*4







طيب نجي للموضوع الرئيسي .. وهو كيف تنشئ جيم في غرفتك بطريقة اقتصاديه جدا !!



-----------



هل سئمت من المشاوير المتكررة لصالة الجيم يوميا ؟!



هل تريد ان تنشيء صالة رياضية متكاملة في غرفتك ؟



هل تريد مدرب خبير متواجد ومتفرغ لك 24 ساعه يوميا ومتى شئت ؟





اذن .. خلوكم معاي بتشوفون انواع التوفير والقعاطه حتى توفر كل هذي الاشياء ب 935 ريال بس





طيب



نبدأ بسم الله ..





انا شخصيا .. جتني فترة صار مشوار الجيم وتشغيل السيارة والوقوف بالاشارات هاجس كبير بالنسبة لي .. لانه باليوم الي تقرر تروح فيه للجيم .. اعتبر ان نص يومك انتهى .. !



فخلص اشتراك الصاله .. وبنفس الوقت فرحت لان المشاوير هذي انتهت .. لكن خفت ان بعد كل هذا الجهد وبناء الجسم راح ينهدم لاني راح اترك التمرين لان الاشتراك انتهى !!!



صدفه .. رحت لمكتبة جرير .. وتعرفت على مدرب خبير ومتخصص في بناء العضلات وتمارين الجيم ..

---------------------

مين هو ؟!



هو كتاب لمدرب اسمه كيرت برنجارد .. ولاحظت ان كل التمارين الي بالكتاب تقدر تأديه في البيت في غرفتك .. بكم اداة بس !!



هو عبارة عن ثلاث كتب .. واحد لتدريب الصدر والظهر والكتفين .. والثاني للذراعين والثالث للبطن ..



اذن هذا هو المدرب الي بيكون متفرغ لك 24 ساعه ..





طيب ومن هنا تبدأ المصاريف وخلونا نحسب الميزانية مع بعض ..



أول اداة /



ثلاثة كتب بسعر 75 ريال
-------------



طيب نجي لادوات الرياضة ..



معروف بالرياضه قبل لا تبدأ بالتمرين القاسي .. لابد انك تسخن وبكذا تحتاج اله للتسخين .. اما سيكل او سير ركض او أي اله ايروبريك اخرى ..



انا وقع اختياري على هذه الاله .. سعرها ب 450 ريال ..



اذن نقول .. آلة ايروبريك بسعر 450 ريال





نجي للأدوات الحديد ..



اهم داة لازم تكون عندك ..



( زوج من الدمبل ) .. منها تقدر تدرب ظهرك وكتوفك وذراعيك وحتى رجولك ! .. بس اطلع على الكتاب هذا ويشرحلك الطرق بالصور وبكل سهوله ..





سعرها تلاقيه باسعار مختلفه جدا على حسب النوعيه .. ابحث على ارخص شي لانها بالاخير مجرد حديده ووزن ما تفرق بالنسبة لك اذا كنت تبحث عن التوفير ..

لقيتها بسعر



100 ريال


الاداة الثانية /


بار .. حديدة طويلة .. وهذي مب مهمة كثير .. لكن تحتاجها في بعض الاحيان ..


ونقول ..

بار بسعر 140 ريال ..


الغرض الثالث الي تحتاجه .. وهو كرسي جيم لعمل تمارين مختلفه .. ويتميز هذا الكرسي انك ممكن تسدحه تخليه مثل السرير او تميله بزوايا مختلفه على حسب التمرين الي يشرحه لك الكتاب







انا حصلته بسعر مثالي جدا .. وهو ب 175 ريال .. خاصه الكرسي هذا اسعاره متفاوته كثير .. ابحث كثير حتى تلقى السعر الي يناسبك



--------



بهذي التجهيزات بس تقدر تسوي جيم خاص فيك ... وتوصل لاحلى جسم بس مجرد انك تتبع برامج الكتاب الي ذكرته ..



هذا الحد الادنى طبعا من التجهيزات الي تحتاجها .. وانا اشوف انها كافيه خصوصا للمبتدئين .





وشكرا

[Dr_X]

صراحة موضوع رائع جداًًًً

فعلاً أنا أحتاج كنت محتاج لهذا الموضوع .....

مع إن الأدوات اللي ذكرتها ما ادري فين أحطها ... ما أعتقد إن غرفتي تكفي ....... لو أشتريتها ما حايبقى موطى قدم في الغرفة ....

لأن غرفتي 4 في 5 تقريباً وفيها جهازين كمبيوتر كل جهاز بطاولته ..... و طاولة مكتب كبيرة و رفوف للكتب و طبعا سرير و دولاب للملابس و أوراق بأرقام فلكية ..... .. يعني نو واي ..... :mad22:

صعبة جداً بالنسبة لي ..... لازم إعادة تنظيم للغرفة كلها ... و ربما الإستغناء عن بعض الأغراض...

[القــعـقـاع]

فكرة حلوة و اقتصادية جداً...لكن اللي يبغى يسوي ذا الحركة يسوي مثل اودن,,يروح يتمرن في gym اول و يخلي المدرب يضبط له تكنيك و شكل الحركة و بعدين يبدا يتمرن في البيت... و بالاماكن تصور نفسك فيديو و تعمل مقارنة بمقاطع فيديو من الانترنت مثلا


و نقطة نسى اودن يذكرها ...اذا انت بتتمرن لوحدك فابحث في الانترنت عن نظريات و برامج التغذية و اذا حاب عن المكملات بعد...

من وجهة نظري الgym افضل بكثير..عندك:
1-ناس تحمسك
2-ناس يساعدونك في الاوزان الثقيلة
3-ناس تقارن نفسك بهم و تتبادلون خبرات
4-مدرب
5-تقدر تثقل الاوزان الين تنهلك
6- و اخيرا: الرجول تمرينها في الgym افضل

على فكرة..الصالة حقتنا ما بيني و بينها الا 3 كيلو و من دون اشارات

[نيو ايرفين]

نسيت أهم شي الجاكوزي وينه!!؟

انا ما اروح ال GYM الا علشانه

بس معاك حق من ناحية المشاوير والاشارات

وشكرا

[Master ArNab]

ما شاء الله .. فيري فيري نايس .. والأسعار رخيصة

ناقصك شي واحد بس .. ال punching bag ( اللي مربوطه بسلسلة ) وهي بخاطري والله T_T

علشان الواحد ( في نهاية اليوم , وقبل لا ينام ) يطلع حَرته .. ترفيس وتلكيم والعض إذا لزم الأمر

[Classic Evil]

وعليكم السلام ورحمة الله وبركاته


" الجيم " جيد , ورياضة رايعة ومفيدة لكن يضيع فيها وقتك تضيع بدون ما تحس ...

لكن من رأيي المتواضع أكبر خطأ توضع مثل هالادوات في غرفة النوم !!!

تخيل بعد التمرين عفوا يعني ريحة الغرفة ؟؟؟ كلها عرق ؟؟؟ كلنا جربنا الصالات ومع الملطفات يالله يالله تشم هوا نظيف ...


بالنسبة للكتب , هل فيها تمارين متعلقة بآلات ؟ ولا تمارين رياضية بس ؟؟؟ وصالتك كم حركة فيها باااين صغيرة ...


بس غريبة ما سويت ملعب كورة

[Angel whisper]

from my experience..

regular gym > home gym ..

amusing room tho ..

keep up the good work.

[ODIN]

Dr_X

حياك الله اخوي نورت الموضوع

مو شرط تحط الجيم بغرفتك .. اي غرفه ثانيه تكفي بالبيت ممكن تقلبها لنادي لك

القــعـقـاع

دايم صاحب افيد مشاركة بالمواضيع هذي

كل كلامك صحيح وواقعي .. التمرين بالبيت يحتاجله همه اكثر ..

لكن انا استغنيت عن الحديث عن الانظمة الغذائيه لانها موجوده حتى بالكتاب ..

الي يشتريه راح يعرف كل شي عن الاغذيه اللازمه وحتى المكملات الغذائيه


بس فيه اشاعه او معلومه خاطئه مهمه جدا ما عرفتها الا من الكتاب .. وانت ذكرتها

وهو انك لو تشيل وزن متوسط وتسوي بالشكل المثالي وبشكل بطيئ .. افضل بكثير من انك تاخذ اوزان كثيرة وتسويها وفي احد يساعدك فيها ..

لان الوزن الكبير بتسويه بسرعه غالبا .. ومساعده المدرب تخفف الشد على العضله ..

فهدفك هنا تكون العضله مشدوده طول التمرين ..

وحياك الله

Human
اه يالجاكوزي ... املي البانيو حقكم ماء حار وخلاص قص على روحك -__-

Master ArNab
البنشينج باج من جد خاطري فيها !!

مع انها مالها علاقه بالجيم هي للملاكمه .. بس مرة احس مفيده تقوي اليدين

evilneverdie
ايفل .. بالنسبة لمشكلة الرائحه الي ذكرتها ..

هذي تلاقها بالاماكن العامه المختلطه الي فيه كثير ناس يعرقون مثل صالات الجيم .. والله يهديهم كثير منهم ما يهتمون كثير بنظافة اجسامهم بحيث انه تطلع رائحه سيئه اول ما يعرف ..

عن نفسي انا الحمدلله مالاحظت المشكله هذي لاني مو من النوع الي يعرق كثير .. واهم شي ان الواحد حافظ على النظافه الشخصية حتى لو عرق كثير ما تطلع رائحه .

وحياك الله

انجل

حياك الله نورتي الموضوع

[bosson]

ارحم نفسك يا اخي اودن ,, الحجره ما فيها نفس

اعطيك شوي من مساحه حجرتي ......بس بشرط تقنع الوالد يسوي لي gym لأنه يقول بعدني صغير

وانا كنت بسألك: هل للمرحله العمريه تأثير في ممارسه كمال الأجسام ؟

[الكوبرا]

ODIN

هناك ملاحظات و تساؤلات أرجوا أن يتسع صدرك لها:

1
سؤال في الصورة الثانية :
ما علاقة أستوديو التصوير الذي وضعته في موضوعك؟
أخشى أن يكون وراءه ما وراءه..!!

2
سؤال في الصورة الثالثة :
كيف تسمح لنفسك أن تنشر صورة لرجل
مظهراً عورته..و أقصد الجزء الذي تحت السرة
و كما هو معلوم أن عورة الرجل من الركبة
حتى السرة!!

3
سؤال في الصورة الأولى :
وضع مجسم محشي بالقطن لكائن حي وهو الدب المعلق ألا ترى
أنه من غير اللائق على مسلم اقتناء مثل هذه الدمى!!

4
سؤال في الصورة الأخيره :
هناك جهاز آخر غير ما ذكرته و هو الرسيفر!!
( الدش بالعامي )..لماذا تقتنيه؟



















أحرجتك صح..













أخوي بدر
موضوعك قليل عليه كلمة رائع
و تعليقي أعتبره " نيران صديقة "..

و من جهة أخرى رد أعتبار لي بعد وصفك لي بأني

" أرهابي أصولي "


سلاااامي

[Flowers Lover]

شكرا لك على الموضوع
ولكن الكتاب باللغة العربية ؟؟؟؟!!

[Flowers Lover]

آسف على السؤال لأني شفت الموضوع بدون الصور

[ODIN]

bosson

قولي كم عمرك

بالنسبة للحديد الي اعرفه على حسب معلوماتي المتواضعه انه مو خاص للشباب الي فوق العشرين

ممكن للي تحت العشرين يمارسونه

الحلو ان الواحد يبني عضلاته من هو صغير حتى تأثر كثير على تكوينه لما يكبر تكون عضلاته اقوى من غيره حتى لو ترك الحديد

انصحك انك لا تدخل فيه بشكل قوي .. ابدا على خفيييف خفيف تدريبات بسيطه بس اتوقع انها مستحيل تضر

وبالنسبة للاعتقاد ان الحديد يقصر القامه .. فهذا خاطئ


وشكرا لك

الكوبرا /

هههههههههه ياخي ما تتصور قد ايش ضحكت من قلب على ردك خاصه المجسم المحشي بالقطن هههه


نورت الموضوع يا حبيبي ويا حلاة نيرانك الصديقه

Fix Wizard

الكتاب اسأل عنه بجرير . وحياك الله نورت الموضوع

[MaxSteel]

صراحة موضوعك جدا مهم ..

وفعلا .. اذا كان الجيم قريب فهذا أفضل وأضمن للتواصل ...

سوف أشرع في تنفيذ مخططك .. ولكن في حال استقراري في القريب العاجل ..

تحياتي لك ..

[RamZero]

والله ياشباب موضوع جيد بس برضوا ماأظن انه التمرين بيكون فيه حماس وانت قاعد تتمرن وتطالع السرير على جنبك ماراح تفرق بين وقت التمرين والنوم

عدة حديد + سرير+عدة تصوير= والله مدري ايش راح يصير
سلام