~ & سجل حضورك ببيت شعري جميل - الجزء الثاني & ~

[غالي الساهر]

السلام عليكم ورحمة الله وبركاته

كيف حالكم يا شعراء المنتدى ^^

حبيت أقدم لكم الجزء الثاني من " سجل حضورك ببيت شعر جميل "

وأتمنى أن يكون أكثر حماس وأكثر تفاعل من الجزء الأول

وبالتوفيق للجميع ..

تحياتي
غالي الساهر

[iSRT8]

مشكور غالي السهر على الموضوع الممتع

وان شاء الله يكون التفاعل احسن من الجزء الأول


[[ ان قلت احبك قالها قبلي الناس ودي بكلمه عجزو الناس عنها ]]

تحياتي
:
lubu المرعب

[Batistuta]

أتنوخذ البحر ولا ارسي بجال المضيق
والشي بالشي لا عيبه ولا استحسنـه
الا الرفيق اللي يستغل طيب الرفيـق
هـذي لا هـي مقبولـه ولا ممكنـه

[قلب الحياة]

مااقوى على فرقاك يازين مااقوى....لكن خسارة وش يفيد التمني؟

آمر .. تدلل.. واطلب العمر فدوى....وان كان مايرضيك..خيبت ظني
هجر الاحبة .. للمحبين بلوى .... وش حيلتي حكم الظروف أجبرني
وش فايدةدنياي..وش عاد تسوى .... من غيرك انته ياغرامي وفني
بحياعلى ذكراك وإن مت فدوى.... فداك عمري ..والفرح .. والتهني

[Batistuta]

الفراق اللي له أيـام وشهـور **** وانا اتلوع مـن لهيـب التجافـي

جتني حسبت انها تبي تقول(معذور) **** جيت اعترفللك ابخطاي وحسافـي

والا تبي تعلـن خفايـا ومستـور **** شـيٍ قديـم بحبنـا كـان خافــــــــــــــــي

قلت اتركيني خاطري منك مكسور **** واللي جرالي مـن محبتـك كافــــــي

قالت ترى ماجيتك اجرح بك شعور **** جيتك اقول (اليوم موعـد زفافــــي)

حاولت ابدل نبرة الحزن بسـرور **** بس افضحتني دمعتـي وارتجافـــــــي

وهذي حياتي عقبها عشت مقهـور **** مثل الذي يمشي على الشوك حافـــي

ارثي ليالي ماتت بطعنـة الجـور **** واترجم احزاني بنبـض القوافـــــــــــي

[قلب الحياة]

أنت

يامن تسئل من أكون وكيف أكون

انا نغمة حزن في آذان السامعين

أنا وردة حب بين آيادي العاشقين

انا دمعة ألم في خد اليتيم

أنا أكون بين ظلمات الليل الحزين

أتعرف من اكون

أنا دمعة وله في عيون المحرومين

أكون بين احضان التائهين

فأنا شمعة تضيء الليل الدفين

أنا شهقه من ذالك الثغر المحروم

سأخبرك من اكون

أنا ذالك القلب الحزين

هــذا انا

هذا ما أكون

[Batistuta]

اظالمـه زينـك بشيـن السوايـا
من وين لك قلبً على طول جايـر
ما بغى الدواء لصار جرحك دوايـا
باكر على الظالـم تـدور الدوايـر
آخر علاجي الكي وأنتـي الكوايـا
للحب عبره وأنتي قربـك عبايـر
(( لو هي على زينك ) بنلقى صبايا
المشكله بالحـب تعمـى البصايـر

[قلب الحياة]

الصمت قاسي لكن الحكي مجروح....والحب نعمة لكن الشوق قاسي

[Batistuta]

هذا النصيب وما كتب لي على اللوح
(( قصة )) عذابً تبكي اللي قراهـا
قصة شقا ماهي سواليف ومـزووح
ليت القـدر يومـه كتبهـا محاهـا

[قلب الحياة]

يا سيدي ما لي على الحب سلطان
انت الذي تامره بأمرك وتنهاه
كلٍ له اصحابٍ .. وربع ٍ .. وخلان
ناسٍ تبي نعده وناسٍ تمناه
إلا أنت كل الخلق في حبك انسان
قلبه معك دايم صباحه وممساه

[Angel Never Cry]

بعد الي قريته عرفت اني نكره امام الباجي
بس هذي الي كتبته
ابي رايكم
قالوا انها آية في الجمال ..... وقلت منو هذي الملاك

رايكم بلييييييييز

[بنت الشيبه]

خلك معي دايم وأنا أكون مبسوط ..... لا تغيب عني يوم ويضيق صدري قلبي وهب لك صادق الحب مصفوط ..... والأعلى غيرك من الناس بدري

[Dr.Luigi]

مشكوور اخوي عالموضوع ..
و الصراحة انا بديت بكتابه شعر .. و مب قادر اخلص بيتين والله .. ^^ .. و هذا شي صعب بالنسبه لمبتدىء مثلي .. المهم انشالله اتعلم قواعد الشعر و اكون شاعر ..

الشعر يتكلم عن زايد الله يرحمه و يغمد روحه الجنه يا رب .. ^^

لــــــك يا زايــــــدي في القـــلب مكانـــه *** مــــالي حــــد في هالدنيا يقدر يمــــــليه
من بعد ما غبت عنا صارت حالتي حاله *** و الدمع في عيني صار مستحيل اغطيه

لا تضحكون .. ^^ .. ترا اول مرة في حياتي اكتب شعر
^^ ..

[بنت الشيبه]

ليش تزعل وانت ماتعرف ظروفي ليش ما تسمع كلامي للنهاية اقتنع بالعذر ترضيكم حلوفي والله ان اللي حصل ماهو برضاية من وعدني بلتزم بالوعد يوفي ليش تلعب بي وتلعب في هواية

[C.RONALDO]

مشكور على الموضوع الحلووو اخوي ..

وانا عندي بيت شعر :

*** &( ™مسكت~القلم~لأكتب~همومي~فبكي~القلم~قبل~ان~تبكي~عيوني™ )&***

من تأليفي ..

تحياتي \ C.RONALDO