ترقيم البنات صارت حالة منتشرة بالمنتدى، لماذا؟؟

[Empress uae]

السلام عليكم و رحمة الله و بركاته




أحب أن أنشر لكم خبر بأن ترقيم البنات في المنتديات أصبحت حالة منتشرة جداً.





مرة دخلت إحدى المنتديات لأتعلم الفوتوشوب. و كنت عضوة جديدة لم تكن لدي أي مشاركة. و بعد أسبوع من مشاركاتي في قسم الفوتوشوب، و صلتني 3 رسائل تعارف!!!!!!!!!!!!!!!!!!!!!!




على أي أساس أرسلوها لي؟؟ و مشاركاتي لم تتعدى ال 10 مشاركات!!!!!!!!!!!!




هذا لو عشت بينهم لا أدري كيف سوف يكون حالي. تركت المنتدى بأكمله. و عدت لدياري سالمة و لله الحمد.



لا أصدق ما أرى، شخص يريد أن يتعرف على إنسانة لم يقرأ مشاركتها، كيف ذلك؟؟



فماذا يريد إذاً جراء ترقيمها؟؟ و هل هو المخطأ أو هي؟؟




موضوع أحب أن أناقشه معكم جميعاً بكل صراحة و إن خشيتم المشاركة بعضويتكم الأصلية فشاركوا بعضوية آخرى لو شعرتم بالإحراج.




و السلام عليكم و رحمة الله و بركاته

[ورد الليل]

تبي الصراحه هذيلا ناس متضايقين من الحياه و يدورون حد يتسلون عليه وفي النهايه الله اعلم بالحال اللي هوم فيه

المهم

انا ما حصلتلي هاي المشكله وحتى لو صارتلي ما راح ارد على التافه اللي طلب مني ها الشي

ليش افرط في نفسي من اجل شي راح اييبلي العار لاهلي وعشيرتي

شوفو ..........

انا انسانه مرتاحه من الدنيا وما فيها لاني اشوف شي الناس ما تشوف

انا

:arabchatr انسانه طايعه ربها :arabchatr

و والديها
:arabchatr
و محترمه الناس والناس يحترموني و اداري ( اعتني ) ب حلال اهلي ( مزارع . بوش . غنم )

وعندي رفيجتي واخوها وبنات عميه وخاليه دايما اكلمهوم ما افرقهوم ولا هوم يفارقوني

وناسه وضحك لين ما نجول بس

ليش اخرب نفسي بيدي

والله لو تفكرون شوي بهاي الدنيا بتلاقونها راح ادمركوم بكلمه بسيطه

بس انتو مش حاسين


بس ما اجول غير

ponder:
الله الله بعماركوم ولا تتسرعون على شي ما يسو وممكن اييب الضرر لانفسكوم اول شي

وثانيا لأهلكوم

والله العظيم تمنيت الناس كلهوم مثلي مرتاحين من الدنيا ومشاكلها

بس شو اجول ؟

الله يعين كل واحد طايح في مشاكل الدنيا


:arabchatr تسلملي على ها الموضوع اللي خلاني صريحه في كلامي :arabchatr

و مشكووووور ع الااااااااااااااخر

[Sonic]

طيب ليه كل ذا؟

في شباب أنتوا ظالمينهم والله وكمان أكثر الشباب

أنتي قلتي ثلاثة طيب وبقيت المنتدى خلاص بيكونوا زيهم علطول حكمتي؟

في شباب والله مظلومين وشباب يبغوا بالجزمة

طيب هو قال أبغى أتعرف قولي له لا ما ابغى أتعرف عليك حيرسل ثاني؟ أتحدى

طيب في منتدى المنتدى أحد أرسل لك رسالة يبغى يتعرف؟
السؤال موجه لك ولـ ورد الليل

ومشكورة على الموضوع وأتوقع أنه بيسوي تحسن في المنتدى ^^

وسلام^^

[Empress uae]

ورد الليل: مشكورة أختي على الرد و الله يحفظج أنتي و أهلج.



(سونك) : صحيح في شباب مظلومين، لكن أنا ما أتهمت هني بالمنتدى أي شخص.



أنا أتكلم عن حالة تصير بالمنتدى و لكن بالخفاء، سواء أنا أعرف هذه الشخصيات أو لا أعرف.

[HeRo]

السلام عليكم

ما شاء الله بدت الهوشة قبل ما تبدأ

المهم انا أشوف ان هاذ الشي منتشر تقريبا ..

خصوصا اذا شخص تعرفه مدة طويلة وتعزه ومتطن له حتى لو بنت راح تطلب أيميلها ..

لكن أعتقد ان الشي مبالغ فيه اذا طلبت رقم تلفونها

حتى لو كانت من بلدك ما يحق لك تاخذ رقم تلفونها

الترقيم الحلو ما يصير الا لما في حد يحب الثاني << ملاحظة انا ما أرقم

قصدي في ناس يرقمون بنات ..مثل رفيجي في الصف تلفونه كل بنات

على العموم الله يعينهم ^^

شكرا على الموضوع ^^

سلااامز

[Empress uae]

و عليكم السلام و رحمة الله و بركاته




ما شاء الله عليك يا أخي HeRo شاطر لأنك ما ترقم.

[ورد الليل]

طيب في منتدى المنتدى أحد أرسل لك رسالة يبغى يتعرف؟
السؤال موجه لك ولـ ورد الليل
........................................................................................

جوابي

هيه في وااااااااااااااااااااااااااااااااايدين يبون يتعرفون علي واكثرهوم بنات

و ممكن 3او 4 من الشباب بعد فيهوم

بس جلتلهوم ( انا اضيف بنات ما اجدر اضيفكوم اسمحولي وااااااسفه )

جالو ( ليش ؟؟؟؟؟؟؟؟؟؟؟؟؟؟؟؟؟؟؟؟ )

جلتلهوم ( انا عندي اخو رفيجتي و ما احب اتعرف على حد غيره لانه هو مكفيني عن الدنيا وما فيها واااااااااسفه اعذرووني )
.
.
.
ردو علي بكلام وقح وخايس وسافل



وخبرت اخو رفيجتي بها الكلام

جالي..( لو هوم رياييل وعيال ناس ما ردو عليج كذا شراتهوم يراعون ظروفج ومشاعرج .. بس ما عليه الله يسامحهوم
ونصيحتي لج

( انج ما تراسلينهوم.... خليهوم لا تعورين قلبج عليهوم ( عوريه عشاني اوكيه )

هههههههههههههههههه

جلتله .. من عيوني الثنتين

هههههههههههههههههههه


والله اطيب من اخو رفيجتي ما شفت... اتصدق اني شفته مره من بعدها ماشفته كله

بس اتكلم معاه على( الموبايل ) وعمره ما جال ابي اشوفج ولا حتى انا

لان تربيته ما تسمحله ان يسو كذا


المهم
.
.
.
شوف في موضوع

بنانا جير

( و بتعرف اول يوم شفته )

و موضوعي

منو اقوى واحد في ها المنتدى

(وبتعرف كيف اغناني عن الدنيا وما فيها)

المهم

انا كتبت ها الشي من الغيض اللي فيني


بس
ااااااااااااااسفه اذا غلت على حد وسامحني


وتسملي على سؤالك
:arabchatr
مع السلامه

[Empress uae]

أقول أختي ورد الليل أهلج يدرون أنج تكلمين أخو صديقتج أو لا؟؟

[Sander]

السلام عليكم
موضوع في وقته ..

وصلتني رسالة قبل فترة من عضو يطلب الطرد كان ناوي يترك المنتدى و مادري ليش يبي يصير "عضو مطرود"
المهم في رسالته السخيفة قال /
أنو سبب تسجيل معظم الأعضاء هنا بالمنتدى هو عشان البنات .. يقول من السهل التعرف على البنات هنا ..!
مادري بصراحة بس غريبة .. يعني اذا الولد جاي يلعب ليه البنت ترد عليه؟
و أيش بتستفيد أنت أساسا ً لما ترسل رقمك بهدف تلاعب ؟
و اذا البنت مسكينة و على قدها و صدقت أنك معجب.. و تعلقت بك.. شو بعدين ؟
إلى وين بتوصل أنت و هي؟

اذا فيه أولاد تفكيرهم مريض و همهم يلعبون ع الخاص و ينشرون أرقام , ليه البنت ترد عليهم؟

يعني خلل عند الجميع, كلا الطرفين غلطان ..


ههه أنا و لسبب ما كانوا يحسبوني بنت أول ما سجلت وصلتني رسايل زي كذه
بس كانت طلب إضافة ع المسنجر , كنت برد عليهم تراني ولد و بعدها ماشوف لهم رد < أثر الصدمة
بعدين لما عرفوني ولد صاروا يسألوني عن البنات .. مادري ليه حاسبيني هاوي و بجري وراء البنات ؟
كلن يرى الناس بعين طبعه

برأيي لو البنت تبغى تنتبه لنفسها بإمكانها تطنش و تلجأ للإدارة حتى تتخلص من هؤلاء
بيكون هذا أقل شي ممكن تعمله لحماية نفسها بالمنتدى,

و أما الأولاد فـ لو فكرتوا شوي و أنتبهتوا للي تعملوه بتعرفوا قد أيش سخيفة حركات الترقيم ذي..

لو أختك أو قريبتك تتعرض للمضايقات , بترضى؟
كيف شي ماترضاه لأهلك بتروح تعمله مع بنات الناس؟

اما عقليات مريضة صحيح ..

مشكورة عمتي الإمبراطورة على إتاحة المجال , أتمنى رسالتك توصل .

[{رنين}]

ورد الليل اسمحيلي كلامك مرررررررره مو منطقي..

وأكيد حتتهزئي من الشباب..

لأنك ما رفضتيهم الا لأنه في غيرهم ماليلك عينك..

ولو كنتي فاضيه ما كنتي رفضتيهم..

لأن الظاهر ما عندك مبدأ تمشي عليه وتتطبقيه..

أما حكايه الترقيم..الشباب ما يرسلوا ارقام تلفوناتهم..بس ايميلاتهم..

وبيتهيألي انهم ما اتعدوا حدودهم..

الا اذا جاكي كلام يزعلك..وانا ما بأتوقع كدا..لأن شباب المنتدى بالذات..

كلهم لزاز والظاهر اولاد ناس..

ووووووووو

طبعا ما يخلى الوضع من واحد والا اتنين..:vereymad:

لكن ممكن البنت ترفض بأدب او ما تجاوب أحسن منعا للأحراج..

وسلامتكم..

[$*DeATh*$]

انا بقول اللي في خاطري .. اول شيء كيفكم و حياكم الله..


والله عجب حتى الواحد ما يقدر يأتمن على المنتديات ... وين وصلنا ؟؟

زين والله الحين وحدة تبا تسأل عن شيء يالها الرد ابا رقمج !!

بدون محد ينكر ... هذي فينا نحن العرب ..

والله خلكم صادقين .. بتقولون هذا يتفلسف ومب شايف عمره ..

انا بقولها انا حتى ياتني نفس هالتجربه .. بس يوم ورا يوم عرفت انها في النهاية هباللللللللللة ... والله من صدق ..

انت يالعاشق المتوهم تظن انها ياتك من النت بهالسرعة حق جمالك ولا كلامك ولا شي ؟؟ وانتي يا حلوة تظنينه يا

نفس فارس الاحلام اللي تشوفينه في الرسوم ؟؟

بقلكم شيء انتوا ياللي ترقمون ... فوق ال 80 بالمية من هالعلاقات تخرب .. ليش ؟

1- هذي اللي ياتك بالنت واللي قلتلها تعالي و حصلتها قدامك .. يا حبيبي هذي و اسمحولي اقولها بايعة عمرها ..

هذي مثل ما حلصتك بهالسهولة ترا بتحصل غيرك .. بدون مشقة ولا تعب ,, و اجمع فهالزمن 100 بنت بتحصل 1 بنت

حلال و تفكيرها حلال ... والباقي الله يستر عليه .

2- هذا اللي حصلتيه .. واللي تظنينه روميو وانتي جوليت .. صدقيني لو مدار سنتين واتأكدي انه بن حلال فزين ما

زين لكن فهالوقت والله أغلبية الشباب بس همهم متعة و تضييع وقت و خداع .. والباقي تعرفينه با بنت العرب ...

3- 98 بالميةةةةةةةة علاقات من ورا ظهور الاهالي .. ليش؟؟

و دعا الوالدين ترا ما يروح هبا ,,, اسألني انا مجرب .. ترا لو طاحت عين والديك منك او منج .. ترا والله صعب تترد ..

اخواني كم فضيحة شهدت عيوننا ؟؟
كم فضيحة سمعت اذوننا ؟؟

مع هذا كنه ما صار شيء الاغلبية مستمرين ... لين اليوم اللي بيشوفوا صورتهم في فيديو ولا في تليفون ولا في نت

و لا توصل الجرايد نفس ناس الله يسترهم !!
انتي ياللي انفضحتي او انته .. هل كنت متوقع يوم انه هذا اللي هو هذا اللي حبيته و الخ .... يخونك و يطعنك من

ظهرك ؟؟

الحق و فتح عيونك اخوي وانتي بعد اختي ... ترا محد يدوم مستور .. واللي يهتك حد ترا الله بيجيب من يهتكه و يفضحه

و الله يجمعنا بالخير امين ..

و هالله هالله في احاديث الرسول اللي كانت تصف هالوقت ..

والله المستعان ..

[Sander]

^^^^^^^^^^^^^^

[دلوعة العالم]

السلاام..

مشكووره اختي على طرحك للمووضووع..




والله البنت على حسب تربيه اهلها ..



البنت الي تفكر في الثقه الي اهلها عطوها اياها ....رااح ترفض اي ترقييم يجيها..




مانقوول في بنات ماتغلط ..
فيه تغلط بعديين تفكر وتتراجع ...وانا صراحه البنت الي تغلط وتتراجع تعجبني ..لاني احس لحد الحيين تفكيرها مافارقها..



ومو كل الشباب يرقموون ... بعظهم عيني عليهم بارده ..يحترم نفسه ..واذا تحدث مع البناات يتحدث بادب ولا يتعدا حدووده..



انا تجييني رسايل خاصه في المنتدى يطلب الايميل او الرقم ... بس انا ياني مارد عليه او اني اقووله لا ..




اذا كان محترم بيسكت وبيقدر رغبتي ...



وموسائل ليش ..



وفي نااس يطلبوون بتهديد .وانا اموت ضحك علييهم ..زي يقوول عطيني ايميلك ولا ارسلك فايروس..



ولما يتمادا ..ويصر فطلبه ..اسالييه السؤال التقليدي؟؟



وهو..؟؟ لو انا اختك وانت واحد ماعرفك ترضا الي يصير ..؟؟



مااتوقع بيرد علييك ..واذا رد هاذ اصلا ماعننده غييره..



واصلا يجب على الاهل انهم مايعطوون عياالهم الثقه الكامله ..فبعض الاحيان تجي اخطاء على الابناء..فيحتاجوون توجييه بسييط..



بس ماتوصل لحد اني اشك فيييهم في كل شئ فلابد من ثقه ..



وانا لااعني بذلك اني كل البنات او الشباب بل البعض ..بل الاغلبيه



وهذا الي عندي ومن وجهة نظري .. واتقبل اي تعلييق منكم..



وشكراً..

[Unreachable]

و عليكم الســـلام
مشـــــكورة أختي الأمبـــراطورة على فتــح هـ الموضوع

إلي يـــرقمون بصـــراحة ناس فاضين و ما عندهــم شغلة
+ ما عنــدهم وازع دينــي
يعني أبا أفهم ألحين : شو بتستفيد البنت أو الولد ؟ من هـ القصة كلهــا
ناس فاضية و مب صاحية ،،
خاصة البنـــت إذا اختربت سمعتها مستـــــحيل تتعــدل عكس الولد
بعـــدين الأنســانة إلي محترمة نفسها و عارفة الصح من الغلط
لو كانت في مكان فيه 100 ريال ما بتخترب
يعني البنت هي تسمح أو تمنع الغلط عن عمرها

على العمــــوم مشــكورة أخي الأمبراطورة على الموضوع
و الله يهدي الجميـــع إن شالله

[Empress uae]

السلام عليكم
موضوع في وقته ..

وصلتني رسالة قبل فترة من عضو يطلب الطرد كان ناوي يترك المنتدى و مادري ليش يبي يصير "عضو مطرود"
المهم في رسالته السخيفة قال /
أنو سبب تسجيل معظم الأعضاء هنا بالمنتدى هو عشان البنات .. يقول من السهل التعرف على البنات هنا ..!

مشكورة عمتي الإمبراطورة على إتاحة المجال , أتمنى رسالتك توصل .

مسكين يمكن يريد يتوب توبة نصوح بأي طريقة.




أختي رنين:

أما حكايه الترقيم..الشباب ما يرسلوا ارقام تلفوناتهم..بس ايميلاتهم..

وبيتهيألي انهم ما اتعدوا حدودهم

منو قالج؟؟ أنا رقمني أكثر عن شخص. سواء أعرفه أو ما أعرفه. لذلك يمكن تتعرض بنات ثانيات لنفس الحالة.