تم حجب المنتدى للمره الثانيه !!!!!!!!!

[الخيال]

السلام عليكم
شباب المنتدى إنحجب للمره الثانيه -___-
montada2.com
لاحول ولاقوة الا بالله ، ياليت يكون الجهاز عندي ضارب ولامزود الخدمه خربان
بجد تحطيم يعني كل مره يتم الحجب تضيفوا رقم جديد 3&4 &5 طيب وين المشكله قسم بالله قهر قسم بالله تافهه بشكل كل شيء هاتك حجب

أنا داخل المنتدى عن طريق http://67.15.103.43

[OctoBot]

صارت عادة, كل ما موسم اختبارات يقفلون الموقع.

[! غــريــب !]

MAXIM:JE

يحزَ في النفس أن نستخدم أساليب غير شرعيه

بروكسي وخرابيط وبرامج ومدري وشو

خصوصاً إن منتدى المنتدى مثل ماذكرت في ردي في

المجلس ( مسالم جداً )

وعلى فكره المواضيع السياسه وحتى الإنتقادات

للشيوخ لايهدف أصحابها

إلا للشهره فقط ..!

ولا بالنسبه للطرح المفيد في القسم السياسي .. صدقني

ماعندك أحد

ومايخلوا من حالتين : مهاوش , شكراً على الموضوع

ولا نقاش واحد ( خش مزاجي )

بس ابيك تقولي رأيك في اللي يكتب موضوع

بحد زعمه ( سياسي ) ويجلس يكتب مايقارب الخمسين طعش سطر

وفي الأخير يكتب منقووول ويحط بين قوسين

بلون مختلف ( لاتنسون الترشيح ) ؟!!!

وربي الجامعه لو تدري إن الطرح بهذه السطحيه تبي تسلمنا مفاتيح

الرابط الأساسي من بكره ..

على فكره معظم القائمين على الحجب .. شيَاب لايعرفون

من الإكسبلورر إلا شكله ..

صارت عادة, كل ما موسم اختبارات يقفلون الموقع.

ياخي كويس يحافظون على التحصيل العلمي للطالب .. إذا كان موجود طبعاً

[الخيال]

يحزَ في النفس أن نستخدم أساليب غير شرعيه

بروكسي وخرابيط وبرامج ومدري وشو

من قالك إني أستخدم أساليب غير شرعيه ؟؟؟؟؟؟؟؟؟؟؟؟
أخوي في الاصل اسم الآي بي تبع المنتدى 67.15.103.43 فيصعب حفظه فهم يشترون لهم نطاق.com حتى يسهل حفظه .. روح إلى إبدأ ومنها الى تشغيل واكتبcmd واكتب بداخلها ping montada2.com راح يطلع الاي بي تبع الموقع... وكلٌ يرى الناس بعين طبعه -__-

[! غــريــب !]

من قالك إني أستخدم أساليب غير شرعيه ؟؟؟؟؟؟؟؟؟؟؟؟
أخوي في الاصل اسم الآي بي تبع المنتدى 67.15.103.43 فيصعب حفظه فهم يشترون لهم نطاق.com حتى يسهل حفظه .. روح إلى إبدأ ومنها الى تشغيل واكتبcmd واكتب بداخلها ping montada2.com راح يطلع الاي بي تبع الموقع... وكلٌ يرى الناس بعين طبعه -__-

القتله الثلاث :-

1- اللوم
2- أخذ الأمور على وجه سلبي
3- المقارنه

( إبراهيم الفقي )

وأنا بعد يالطيب استعمل نفس طريقتك لكن يبدو أن المعنى اللغوي

ماوصلك بالشكل المطلوب .. أنا وأنت نعرف هالطريقه ..

طيب اللي مايعرفها مو يبي يسوي اللي قلت لك عليه ؟

وتذكر ’كن إيجابياً وفكر بالأمور بحسن نيه تصل لـ مبتغاك بإذن الله : )

[عبودي]

http://67.15.103.43/
أو
http://67.15.103.43/~montada

[MD 3]

ولا بالنسبه للطرح المفيد في القسم السياسي .. صدقني

ماعندك أحد

كلام مضبوط رغم اني عمري مادخلت القسم السياسي
و ياليته يكون المنتدى شامل الامور الترفيهية العاب هوايات سياحة ..... الخ بس ويفكونا من وجع الدماغ المنتدى السياسي اللي ماله داعي

ولا ايش رايكم ؟

[transfer]

والله انا مثلكم ياشباب استعمل الip ايش نسوي غير كذا
و عندي سؤال: متى بيعملوا رابط جديد للمنتدى العزيز ؟
و جزاكم الله خير.

[عاشق X360]

ياليت والله يسكرون القسم السياسي لان ماله داعي أصلا مواضيع لاتودي ولاتجيب وهي سبب حجب المنتدى

[IRON]

ياليت والله يسكرون القسم السياسي لان ماله داعي أصلا مواضيع لاتودي ولاتجيب وهي سبب حجب المنتدى

يمكن من القسم السياسي

[Affar]

هذا اللي كتبته لمدينة الملك عبدالعزيز يوم لقيت الموقع مقفل

والله مادري وش قصتكم!!!!

يأخوان الموقع مافيه صور جنسية ولا يتكلم عن عقائد فاسدة ولا يلمس مواضيع سياسية حساسة.

ولا شادين همتكم على الضعوف؟؟؟؟؟؟؟

لا ويقولون بيردون على بريدي خلال 48 ساعة. وإلي يومك ذا ماوصلتني رسالة.

[uchiha.aid]

..المفروض يقفلون المنتدى السياسي وبس مو المنتديات كلها..

تحياتي............

[uchiha.aid]

مو المنتديات كلها...

[uchiha.aid]

تحياتي...........

[زعيم الإحساس]

تكفون يا مشرفين انا كلمت (مدينة الملك عبدالعزيز)الي حجبوا الموقع قالوا خلوا راعي المنتدى يجي يوقع على اوراق وزي كذا ... تكفون شوفوا لنا حل ولا قفلوا المنتدى السياسي