موضوع نقاش : " دورة في تصميم الشعارات " .. رأيكم واقتراحاتكم ,,

[HaMaNi]

السلام عليكم والرحمة ,,

ان شاء الله تكونو بخير ..

اعتذر عن انقطاعي ودخولي المتقطع في الفترة هذي
شفت نفسي لي فترة ما نزلت درس ... فحبيت أناقشكم في دورة تكون بالعطلة .. بعد اسبوع تقريبا
أكون تفرغت شوي عالأقل ..

أبناقشكم في دورة أبسويها
وأتمنى اقتراحاتكم وآراؤكم وأفكاركم وكل شيء يخطر في بالكم
لأن الدورة لكم أولا وأخيرا ً

لأني ما شفت درس يشرح هالشيء .. ويعتبر تصميم شعار أحد فنون التصميم الاحترافية واللي تبين مقدرة تحكم المصمم من برامج التصميم
حبيت أسوي دورة " كيف تصمم شعار "

الاسم واضح
بس ابقول لكم الكيفية اللي بتتم فيها الدورة

بتكون موضوع كامل وكبير .. خطوة بخطوة

بيكون مستوى الدورة متوسط وفوق ... يعني ما راح ندخل في التفاصيل الهامشية

بتكون دورة .. يعني تطبقون الدروس وتسألون وأجاوب .. بتكون المسألة بأريحية وكل واحد ياخذ راحته ..

الشرح بيكون نظري وعملي ..
النظري بيكون شروط الشعار الناجح وكيف تفكر وايش هو الشعار وأشياء مختلفة بنناقشها في الدورة
والعملي كيف استخدام الباث مثلا وكيف ترسم وكيف تعبر عن فكرتك بالخطوات وغيره

بتكون على برنامج الفوتوشوب والاليستريتور .. وأعتقد في دروس لهم كافية ووافية في القسم

وفي الأخير الشعارات تحتاج لفكرة ناجحة وخبرة قليلة .. وخيال
أبحاول في الدورة إن نصمم كم شعار بأفكار مختلفة إذا أمدانا الوقت باذن الله



أبحاول اخلي مدتها في اسبوع ... بعدين بيصير فيه مسابقة على أفضل تصميم شعار
يعني باذن الله تطلع من الاجازة الجاية وانت مصمم شعارات ^_^
تكون استفدت شيء من العطلة


أتمنى آراؤكم ... من حيث الموافقة على الدورة وأفكاركم لها وأسئلتكم
إذا كنتو تشوفون الدورة مو مهمة كثير .. اقترحوا شيء ثاني نسويه لكم ... أنتم تامرون ^^
ما ودي أبدأ وأنتم تحسون إن في بالكم دورة أهم من هذي .. الأهم أولى
وأتمنى تقولون ايش نناقش في الدورة وايش تبغون فيها ..
ياليت تقولون اللي في بالكم علشان ترتاحون في الدورة


وفي الأخير باذن الله .. أبصمم شهادة للدورة لكل شخص باسمه
يكون يسوي كل التطبيقات ويكون مستواه حلو فيها
وبتكون اعتراف من ادارة القسم بتميزه
واعتراف منا بحضوره للدورة
وبعدين تقدر انت تطبعها في بيتكم بعد ما اسلمك اياها...
فكرة الشهادة مقتبسة من أفكار رجل الحاسوب الله يخليه لنا ^_^


انتظر ردودكم اخواني واخواتي

[LINK0072]

الفكره رائعه BlAcK ^^ , اعتقد ان هذي الدوره بتفيد ناس كثير

في إنتظارها

[Misho0o]

كوووووووووووول

يلا في الاجازة بصمم لكم شعارات XD <<< شوف مين جاي يتكلم P:

يلا دكتور دريم مان بانتظارك ^^

[سنسال]

الفكره رائعه BlAcK ^^ , اعتقد ان هذي الدوره بتفيد ناس كثير


في إنتظارها

السلام عليكم

معاك

[Dr.DrEaM]

وعليكم السلام.

الحمد لله دورة من محترف التصميم والشعارات .. ^^

انا لي خبرة قليلة جداً بهذا المجال ... ^^

نقوي خبرتنا شوي .

[S.A.R.S]

السلام عليكم

كيف اخوي black-dream-man

والله الفكرة رااائعة ^^

احجز لي كرسي من الان^^

خاصة انني ما أعرف اسوي شعارات

ومرة فكرت اسوي شعار فطلع الله لا يوريك(يبكي)

ننتظر الدورة^^

تم الترشيح من الان^^

موفق

اخوك سارس

[C.Falcon]

فوقه ^___^


عساك على القوة أخوي بلاك دريم



أخوك

[SmileyFace]

السلام عليكم

فكرة الدورة جميلة
أتمنى أن تحظى الدورة بالإقبال والإهتمام..

على فكرة أنا لي تجارب متواضعة في هذا المجال
وسبق لي أن اشتركت في مسابقات في هذا المجال

أتمنى حقاً أن أطور نفسي في هذه الدورة
وأن أتعلم أشياء جديدة


بالتوفيق أخي وشكرا لك على هذه المبادرة الطيبة

[Akasuna No Sasori]

السلام عليكم ورحمة الله وبركاته ^^

كيفك اخوي ^^

ان شاء الله تكون بصحه وسلامه ^^

خطوه اكثر من رائعه ^^

وراح نستفيد منها الكثير ^^

بالتوفيق يالغالي ^^

وان شاء الله توضع في ميزان حسناتك ^^

[Hinata-sama]

السلام عليكم

فكرة حلوة و مفيدة ،، و مبادرة طيبة منك أخوي بلاك دريم مان

و ان شاء الله بنستفيد منها جميعاً

الله يوفقك ، وبارك الله فيك

[HaMaNi]

السلام عليكم

مشكور لمروركم وتأييدكم وتشجيعكم

بس وين النقاش والآراء والأفكار
خخخ مو مشكلة
ابشوف اللي يناسب ... بس لا يجي احد يشتكي

[فراشة..]

فكرة رائعة اخي بلاك .. جزاك الله خيرا .. بانتظار ان تبداء الدورة ..اعانك الله
اختك فراشة

[*Mkoshar*]

السلام عليكم
******************
هلا هلا اخي العزيز بلاك مان وينك يا اخي مختفي
كيف حالك ان شاءالله بخير .. ؟؟
والله فكرة دورة لتصميم الشعارات فكرة رائعى وانا واحد من الاعضاء الذين في حاجة الى ذلك لربما
اكتشفتم في موهبة تصميم شعارات
عالعموم انا متابع للدورة ونشوف ^^
مشكور مرة ثانية
سلام
=============================
*Mkoshar*

[Action]

شي مو غريب عليك ياهمني ..^^

طبعاً دوره رائعه وننتظرها وننتظر المساابقه ..^.^

بالتوفيق , وان شاء الله الكل بيستفيد ..^_^

[HaMaNi]

السلام عليكم

مشكور على مروركم الكريم .. باذن الله في العطلة بنزلها .. والله يعين


كيف حالك أخوي *Mkoshar*
قسم برب البيت ان اسمي بلاك دريم ... مو بلاك مان >> عقدتو الولد .. تراني ابيض خخخ حرام عليكم ههههه ,, شكلي ابغير اسمي لــ Dr.HaMaNi

يا هلا فيك اخوي