ياخي مالت عليكم كلكم .. اموات ~_~ بس يردون ولا يسوون مواضيع ما عدا يحليلهم القعقاع وبيتر :3
المهم
لو كان منتدانا الحلو هذا مدينة .. كيف بتكون؟
انا تخيلته جيه شرات المدن الصغيرة .. اللي تكون في امريكا .. كل حد عدال بعض .. وكل حد يعرف بعض ..
البيوت على الستايل الامريكي الجديم .. وشي مطعم ومكتبة وعيادة ومدينة ملاهي وكم محل .. بالاضافة لبيطري ومحل لادوات الزراعة ..
المدينة تعتمد على تربية المواشي =p والزراعة كدخل لها ..
اما عن السكان فهم:
Master Arnab:
العمدة ..
هو طيب ومسكين وينقص عليه بسرعة .. عشان جيه يخلي سكرتيره يتخذ اهم القرارات
حسين:
سكرتير العمدة .. انسان طيب لكنه حازم جدا .. ولو ما كان موجود جان راح العمدة وطي ..
القعقاع:
اغنى شخص موجود وصاحب اكبر مزرعة في المدينة ..
مادوه:
صاحب المزرعة المنافسه
كرونو + داركنس + الموهوب:
اخوان فلاحين يشتغلون عند القعقاع .. مصرقعين ودوم يهزئهم القعقاع على مصايبهم .. بس هم مخلصين له
انسان + ياماتو+ آسفوه:
ربع فلاحين يشتغلون عند مادوه .. بس يخططون انهم يزورون اوراقه حسب يطيحونه في مصيبة ويفضحونه عشان هم ياخذون مزرعته
روري:
صاحبة المكتبة .. عندها تشكيلة كتب مب طبيعيه .. بس ما تسلف الكتب حق الناس الا بضرابه ..
تقول في جملة ما تنسى لها:"Book are more precious to me than those poor souls"
لينا:
صاحبة المطعم .. متعبة الناس نفسيا لانها ما تسويلهم غير اكل صحي .. فدوم القعقاع يتضارب وياها ويقول انه بيسكرلها مطعمها اللي هو يموله اذا ما دخلت مأكولات دسمة في المينيو مالها ..
بيتر:
ولد مشاغب متعب اصحاب المزارع كلهم .. لانه يشوف انهم ما يستاهلون الفلوس اللي عندهم .. فدوم يسويلهم مقالب .. آخرها انه صابغ بقر القعقاع بلون وردي ..
Myself:
كانت قبل صاحبة مزرعة ممتازة .. بس مادوه خرب عليها وخسرت مزرعتها .. فعشان تنتقم منه حرضت مزارعينه ضده عشان هم ياخذون المزرعة منه وهو يستوي حاله من حالها ..
snakeyes:
البيطري .. وفي روايات اخرى اللحام ..
معروف بانه بيطري جيد لكنه "دفش" في تعامله مع الحيوانات المسكينه .. فالناس يتمنون ان ما تمرض حيواناتهم حسب ما يودونهم عنده ..
أشرف:
صاحب محل الادوات الزراعية .. شخص محبوب جدا نظرا لانه اسعاره جيدة ومتعاون جدا مع المزارعين
ليزارد:
صاحب العيادة .. تصرفاته غريبه نظرا لانه شغله في الليل احسن من شغله في النهار .. ودوم يلبس اسود .. وما يحب يتعامل ويا الناس .. وما يعرف يتعامل وياهم اصلا
طالعه شائعات بانه ساحر ..
بس هذا اللي خيالي سمح فيه ~_~
كل حد يتخيل كيف بتكون المدينة وكيف بتكون حياة الاعضاء فيها !
)
.. 
.. الحج سميجل .. وبيتر وهايدي 
