شعورك بعد الثانوية ..

[Silent]

احم كح .. ؟! <<< اول موضوع من سنتين ..

بما انها اخر سنة لي بالمدرسة ..

بغيت اعرف كيف كان شعوركم بعد ما خلصتوا الثانوية ..

وخاصة انها اخر سنة وبشو كنتوا تفكرون وكيف استلمتوا النتايج ..

[Classic Evil]

ليش مستعيل انت الله يخليك ...

ياينك الدور ان شالله , و عقبالك منك المال ومنها العيال ...


طبعا قبل لا تطلع النتايج احلام وكوابيس بتييك عن النتيجة ... لكن انت ذاكر زين ولا تخاف الله بيوفقك ..


انا عن نفسي واعوذ بالله من كلمة عن نفسي كنت افكر اصير دكتور ...


لكن بعد النتيجة فكرت اصير لاعب محترف احسن ,, شوف معاشات اللعيبة والله اكبر الضباط والدكاترة ما يحصلون مثلها


وتبا الصراحة اخر يوم امتحنت فيه بقيت في المدرسة اتلمس جدرانها , وكادت ان تنذرف الدموع لما ودعنا الجموع , حتى كتبت قصيدة طويلة مطلعها :

ودع هريرة ان الركب مرتحل * وهل تطيق وداعا أيها الرجلُ ؟
غراء فرعاء مصقول عوارضها * نمشي لها الهوينى كما الوجي الوحل ..
كأن مدرستنا عند بيت جارتنا * سحابة واقفة ماتمشي ريث ولا عجل .. إلى آخر الأبيات


وهالله هالله بالدراسة <==(اسمع من يتكلم )

[الموهوب]

اذا خلصت علمتّك ان شاء الله

[Branskins]

صراحة .. حسيت بشي من الإحباط .. كانت آخر سنة تشوف كل الأصدقاء متجمعين تحت سقف واحد (صج أنه نتجمع في مجالس هالأيام .. لكن مب مثل أيام المدارس)..

وإلي حبط أكثر .. في الكتاب السنوي الكل قال بيدخل طب... وأخرتها أنا الوحيد

النتيجة كانت متوقعه .. أستلمتها من الأنترنت .. طبعاً الإتصالات ماخلصت ذاك اليوم .. الكل يبي يعرف درجتي ..

الثانوية هي محنة أمام كل شخص .. في نفس الوقت احلى الأيام

[! غــريــب !]

اذا خلصت علمتّك ان شاء الله

سيم سيم

[HIROSHI_11]

سيم سيم

مي تو ويذ يو

[Hinata-sama]

السلام عليكم

بالنسبة لي ،، أذكر آخر يوم عندنا كان دموع و حزن و كآبة >_> ،، لأننا ما نضمن نشوف بعض مرة ثانية

و بعدها أسابيع و نحن نترقب النتيجة ،، و الحمد لله رب العالمين فرحت بالنتيجة اللي أهلتني لدخول التخصص اللي كنت أتمناه ^^ ، و دخلت الحياة الجامعية اللي تختلف كليا ً عن المدرسة ، و استفدت في أمور كثيرة ، مب بس في الناحية العلمية ، بل في الناحية الاجتماعية و الاعتماد الكلي على النفس

++

أتمنى اني ما أكون طولت عليك ،، الله يوفقك أخوي في آخر سنة لك ، و صدقني يمكن بتشتاق لهذي الأيام ،، شد حيلك و تأكد ان أيام دراستك للامتحانات النهائية يمكن بتكون عصيبة بس بتمضي بسرعة ان شاء الله

الله يوفقك لكل خير

[7_Dark Soul]

مي تو ويذ يو

اخذوني وياكم....

[القــعـقـاع]

خواء و فراغ و " مع الخيل يا شقراء"

[Yamato]

لا وكاتب موضوع

سير ذاكر.. شوف عصفور.. طبنا طبة ما شفناه من بعدها.. خلك وحش كتب مثله..

احم..

شعوري ما طلع الا من بعد ما دشيت الجامعة..
حسيت بثقل في نفسي.. وقتها كنت اتمنى اني ارجع لايام المدرسة.. والحين يمر في بالي احيانا نفس الشي عن الجامعة..

But Life goes on -___-

[abdulaziz1]

اخذوني وياكم....

أنا أيضا -->> أحلى يالعربي الفصحى..

بس أتوقع..فرحه وبعدها دموع..يعني تفرح انك أنفكيت..بس بعد مده تشتاق لدي الأيام..ولأصحابك......الخ من الأشياء الا كانت موجوده أيام الدراسه..

تحياتي..

[Silent]

evilneverdie

منك المال ومنها العيال

من المستعيل ..

اي والله من الحين بدأت .. حلمت اني رايح الامتحان متأخر ودارس رياضيات والامتحان فيزيا والمراقب يغششني عربي ..

شو رايك تصير شاعر .. احسن من اللعيبة و الدكاتره ..


Branskins

كل هذا احباط ..

ومبروك دخولك الطب عقبال ديفل نفر داي ..

الثانوية هي محنة أمام كل شخص .. في نفس الوقت احلى الأيام

صدقت ..


Hinata-sama

وعليكم السلام والرحمة

تسلمين على تشجيعج و مرورج ..


القــعـقـاع

هع هع .. تسلم على مرورج ..


Yamato

ياخي العيد بعد كم من يوم خلنا نريح اسفوه الله يعينه اظاهر انك حابسنه في قصف مثل الي بتوقيع ..

But Life goes on -___-

صح لسانك


الموهوب .. ! غــريــب ! .. Hiroshi .. 7_Dark Soul .. abdulaziz1


انتو ادرسوا وشدوا حيلكم وما عليكم من حد والتوفيق من الله ..

[! غــريــب !]

الموهوب .. ! غــريــب ! .. Hiroshi .. 7_Dark Soul .. abdulaziz1


انتو ادرسوا وشدوا حيلكم وما عليكم من حد والتوفيق من الله ..

يا إني أحسَ إنك حقدت علينا حقد ,,

ياخي كان صكيتنا فيها على وجيهنا وقلت لنا دامكم ماخلصتم

وشوله داخلين موضوعي

[Angel whisper]

حسيت اول مرة بطعم الحرية .. الله لا يعيد المدرسة وايامها

[SFS]

شعور حلو من جانب وبايخ من جانب..
الحلو اني افتكيت من الطابور الصباحي والمعاملة مثل الحيوانات في أقفاصها(اكرمكم الله)..
وشعور بالحرية وبالمسؤولية..
والبايخ اني مفتقد ربعنا بالثانوية..
خصوصا الي رايحين بعثات حق ايرلندا وامريكا..
الله يوفقهم...
وايام الثانوية صج ذكريات على حلوها ومرها..
راح تتمنى ان هالايام ترد من جديد..
ولكن هذي سنة الحياة..
وشكرا..