لمن يريد حفظ القرآن الكريم
السلام عليكم ورحمة الله و بركاته
في فكرة جاتلى فجأة كده بس مش عارفة هل ممكن تنجح على النت و لا لأ ؟
احنا عارفين انه شيئ جميل جداااا ان الناس تتكلم في الدين و تحفظ القرآن الكريم
ايه رأيكم لو نحدد كل يوم أيات معينه من القرآن الكريم و نحفظها
و ممكن و انت بتحفظ تستعين بمرتل للقرآن عبر النت او الكاسيت لتكون القراءة سليمة
و هنبدأ من الجزء الثلاثون ( جزء عم )
اذا كنت مش حافظ الجزء فاننا سنبدأ معا من الاول
اذا كنت حافظ بعض السور هتراجعها معانا و تكمل الباقى معانا
اذا كنت حافظ الجزء كله هتراجعه معانا و اكيد لك ثوابك
و ماتنساش ان الحسنه بعشر امثالها و الله يضاعف لمن يشاء
و طبعا هنبتدى ان شاء الله بعد كام يوم علشان يكون الموضوع وصل لناس كتير
انا شايفه ان بكده هنقدر نساعد بعض لأننا هنشجع بعض على الحفظ
زى ما بنفيد بعض بمعلومات كتير في المنتدى
و اللى هيعدى يوم و مش هيقدر يحفظ يبقى يعوضه في اليوم التالى
و اتمنى فعلا اننا نحفظ هذا الجزء معا ثم الذى يليه و هكذا
و طبعا ده عمل خالص لوجه الله . يعنى محدش هيحاسبك انت حفظت و لا لأ .
فتذكر ان الله يراك
ملحوظة :
ممكن اضيف لكم جدول من عندى بكل الايام ( كل يوم على حده )
و لا تفضلوا ان عضو مننا يدخل يحدد عدد معين من الايات في يوم
و في اليوم التالى عضو اخر يحدد عدد من الايات الكريمه
و انا في انتظار ردودكم و عايزة اعرف كام واحد هيكون معانا
و اتمنى ان فكرة الموضوع تعجبكم
