بسم الله الرحمن الرحيم
قصة مأساوية
قدرها العلماء بأنها بمستوى قصة
روميو و جولييت
قبل أسبوعين كان عندي كمبيوتر
كان جهاز مصخرة يعني إذا سويت search
في موقع yahoo يدخل على موقع google
و إذا كتبت منتدى تطلع لكم منتدا
يعني الكمبيوتر صار مينون
وديته التصليح قالي الهندي
" بابا هدا في شي كربان داكل الجهاز "
أنا مافهمت شي لكن قلت له أوكي صلحه
و أنا ما أدري شنو السالفة
لمن صلحه رجعت البيت
و شغلته أول ما اشتغل
انطفى الجهاز
اشغله مرة ثانية ينطفي وديته المحل مرة ثانية
صلحه لي و قالي
"لازم يبدل الرام 512 و يحط واحد جديد 512 "
انا توكلت على الله و قلت سوه
لمن رجعت بقيت اشتري لعبة battle field
شريتها و شغلتها على الجهاز لكن
قام يخرف مرة ثانية
اللعبة تشتغل لكنه يقولي
war field
و أول ما تطلع الكلمة تنطفي اللعبة
شفيه الكمبيوتر الحين وديته محل ثاني
و قالي ترى هذا بايق رام كمبيوترك الـ512 و حاطلك
256 على ما أعتقد
و قالي لازم تشتري كمبيوتر جديد لأن كمبيوترك
" غبي "
و أنا اقتبس من كلمة راعي المحل
شريت كمبيوتر جديد و الحمدلله كل شي تمام
لكن كمبيوتري القديم ليلحين موجود في البيت
لأنه في قلبي إلى الأبد <--------------- بدال روميو و جولييت هذي القصة
عبود و كمبيوتريييت
إلى اللقاء
المشاركة الأصلية كتبت بواسطة Pr. Moryarty
