تصويت لرجعت ننتندو وفاس. الي تهمه رجعتهم الرجاء انه يشارك

[The Elder]

هذا طلب اكثر ما هو تصويت
انا فكرت فيه لان ننتندو و فاس يستاهلون. صراحة المننتدى بدونم تحس انه ناقصة شي كبير. مع احترامي لكل الموجودين والمخلصين، لاكن وجودهم مهم جدا. ارجوا انهم يقرون التصويت ويخليهم يفكرون جديا في الرجعة. صحيح يمكن عندهم ظروف كبيرة لاكن انا متاكد ان حبهم لننتندو اكبر. فكروا يا شباب وحنا ننتظر قراركم.
وشكرا للجميع.

انا شخصيا اكبر متهور في هذا المنتدي..... مين يزيد.

[سلطان الكيوب]

شكرا على موضوعك آخوي ذا آلدر آلي آنشالله بيكون له السبب في رجوع صديقينا ننتندو وفاس.
الحقيقه آنا سجلت في المنتدى قبل مايذهب ننتندو وكنت آقرى مواضيعه بكل حرف يكتبه والحقيقه كانت آخباره حلو ورائعه وكنت آنتظر آنه يكتب المواضيع كل يوم وآقراها وكان مشاء الله عليه يكتب المواضيع دون ملل.
تقريبا آربعة آيام حتى ظهر له موضوع خطير جدا وهو موضوع خروجه من المنتدي نهائيا وآنا الحقيقه ماكنت آقرئ آلا مواضيعه ومن يوم ذهب كنت آدور على مواضيع حلوه حتى صادفني شخص آسمه فاس الحقيقه فاس كان من النوع آلي مايترك موضوع آلا وهو راد عليه وهذا غير المواضيع آلي يكتبها وصار آلي صار حتى كتب موضوع عودة الاعوده وكنت آتوقع أن هذا الموضوع بيقول آن ننتندو راح يرجع لكن للآسف كان الموضوع هو موضوع خروجه من المنتدى آلا الآبد الحقيقه آصابني الملل وآنا توني جديد في المنتدى .
وآريد آن آوجه رساله لننتندو وفاس وآقول لهم آن هذا هو عصر الننتندو القادم عصر الكيوب وعصر الآدفانس لما ذهبتم وآنتم تواجهون الآجهزه الرائعه من ننتندو وغير ذالك الآلعاب المنتظره القادمه له عموما آذا كنتم غائبون لاتطولون الغيبه وآنا متأكد آنكم راح تفاجئوننا بعودتكم.
والحقيقه الشباب الآن مايقصرون يكتبون المواضيع الحلوه وييجتهدون مثل ذا آلد آلي حتى الآن آنا من المعجبين من مواضيعه الحلوه آلي يقدمها لنا.
والحقيقه آسف على طول الرساله لكن مهما قدمت لننتندو وفاس ماتقدر توفي حقهم وحنا مقصرين في هذا الشئ

مع تحيات آخوكم سلطان...

[ykm]

شكرا يا The Elder على كتابة هذا الموضوع ..

وكذلك أتمنى أن يرجع الاخ العزيز بوشي ..

وشكـــــــــــــــــرا ..

[ganon0]

هلا شباب...
معليش انا ما صوت لان جهازي سبيكه ما يسمح لي اصوت...(يخاف يصكون صوتي عين(فاهم غلط))
عموما بما ان فاس رجع من خلال موضوعه الجديد و الحمد لله (و مع اني حسيت انه جرنا على وجيهنا بموضوع عودة اللاعوده)
الحين بقى ننتندو اللي عليه تكون نقطة الجدل...
يمكنه يفكر الان اني ابو وجهين او منافق لاني ارد ابيه يرجع مع اني متهاوش معه و لا اكلمه و لا يكلمني حتى لو التقينا على المسنجر(هذا مهو اعتذار)...عشان كذا بتكلم بطريقه ثانيه:انت يا الدر حطيت احد خيارات التصويت ان الواحد يكون اناني اذا قال لا يرجعون بكيفهم....صح عليك يمكنه اناني لكن من هو الاناني صدق؟و من اللي ما يدري وش السالفه و مضيع(تلميح:انتم)؟ الاناني يا الدر هو اللي يشوف اصدقائه(اللي انا ما عدت منهم) يتطلبونه يرجع و لا يلد بهم و لا كانه درى عنهم...و هذا طبعا راح يزعلكم او يزعل اللي ما يعرفون ننتندو زين لكن يطالبونه بالرجعه...راح يزعلون لانهم ما يدرون انه مهو طبع ننتندو كذا...لكن ليش يسوي كذا و هو مهو طبعه؟
لازم يصحى و يفوق و يشوف الجانب الاخر من اللي يسويه... اكيييييييد انه قاعد يقرى....صح يا ننتندو؟اوه صح نسيت اننا ما نتكلم...عموما بكيفه...
يبي يرجع فهو ما يرجع لننتندو و الالعاب يرجع للي يحبونه اللي هو انتم...
و هذي نظرتي للمنتدى...انا ما اشوف وش الغرض منه انا اشوف الناس اللي فيه قبل كل شيء...
الووووووووووووووووووووو...فيه احد هنا؟فيه ريأكشن؟فيه تأثير؟و الله اني تعودت هذي الايام انه محد يعطيني وجه
عموما ننتندو يبي يرجع يرجع عشانكم...
اخوكم سعد
مشكور يا الدر على مواقفك النبيله دائما...

[wario2002]

اتمنى رجوع ننتندو اعز اصدقائي وفاس ايضا وشكرا...
تحياتي






":" صديقكمwario2002 ":"

[The Elder]

شكرا يا اخ قانون على كلامك الجميل
مع اني ما ادري وش بينك وبين ننتندو لاكن اسمح لي اقول لك كم كلمة من اخوة قبل صداقة
اولا/ انت من الكتاب الي احب اقرى لهم دائما والله من غير اي مجاملة.
ثانيا/ المنتدى للجميع بدون استثناء عضو كان او مراقب. الفرق ان المراقبين عندهم واجبات اكبر (هذي نظرتي الشخصية).
ثالثا/ لا تسمح لاي احد (لا اقصد احد معين) او اي شيء ان يخرب متعة مشاركتك في المنتدي.
رابعا/ صدقني 99% من المشاكل بين الاصدقاء يبديها سوء التفاهم ويزيدها العناد.
اخيرا/ بعض الاصدقاء (واسمحلي اقول لك انك الظاهر واحد منهم) ينظرون لكل شيء بشكل شخصي. يعني الي ما هو معاي يكون ضدي. الي ينتقد اي شيء اسويه يعني يكرهني. الجميع اعداء الى ان يثبتون ولائهم.
الحياه ماهي كذا دائما. فيه اسود وابيض بس برضه فيه رمادي.
انا شخصيا اشارك عشان اتسلى. اذا طلبت او كتبت حاجه وحد رد كان بها. ماحد عطاني وجه، ما عندى مشكله. خل صدرك رحب.
انا كاتب ها الكلام لك لاني خايف هذي المشاكل تاثر على مستواك وكتاباتك. بتكون خسارة كبيرة للمنتدي. وخسارة اي صديق ايضا خسارة كبيرة.
الرجاء كل صديق يراجع نفسه وخلونا نتمتع بهالمنتدي العزيز.
والسلام ختام

[ganon0]

مشكور اخ الدر على ردك...
و الله يسلمك على كلامك...
يمكن الجميع يعتقدون اني من الناس اللي مثل ما قلت انت يأخذون كل شيء على محمل شخصي خصوصا بعد الملاحم المشؤمه يوم اتهاوش مع كل هالعالم هنا قبل مده بسيطه...و يمكني كذا فعلا...و يمكن لا؟
ما راح اكثر كلام عن نفسي...لكن مشكور على صراحتك النادره و اللي احبها لان الناس كذا ينتبهون لنقاطهم السيئه.
لكن السؤال هو هل الولد يتعلم من غلطاته؟ما اظن...
و مشكور مره ثانيه...

[CAPSNK]

ننتندو لازم يرجع وفاس ايضا :غضب: :غضب: وانشاء الله الرسالة توصل لهم

[بوشي]

كتب العضو (ykm)
شكرا يا The Elder على كتابة هذا الموضوع ..

وكذلك أتمنى أن يرجع الاخ العزيز بوشي ..

وشكـــــــــــــــــرا ..

غالي والطلب رخيص ....

تامر أمر أخوي وشكرا لاهتمامك

[The Elder]

الحين ارتحت
صحيح ان المحاوله هذى ما رجعت ننتندو وفاس، بس رجعت عضو مهم جدا .... يوشي. اعتقد ان الكثير فرحانين بالشي هذا وان شاء الله انه يستمر. وعقبال الباقين.

الدر