8 العاب انصحكم فيها

[HAMAD 11]

1- King Kong

بالنسبة لي افضل لعبة لهالعام بعد ريزدنت ايفل 4 ...
تتكلم عنمجموعة راحوا يصورون فيلم بجزيرة لكن امواج البحر كسرت سفينتهم عند جزيرة غريبة << شوف طريقة سرد القصة بس شلون
وعاد انتوا كملوا الباجي ^^ .. الي شاف الفيلم لازم يعرف انه اللعبة ما تقل روعة عنه


2- True Crime : New York City

والله انه اللعبة ممكن نقارنها بجراند ثيفت اوتو ^^ .. هي افضل لعبة اجرام بعد جراند ثيفت اوتو ...
وممكن تدخلون اغلبية المتاجر باللعبة وتشترون اسلحة وملابس واغاني وتتعلمون الكاراتية والكونغ فو وتطورون السيارات وتشترون سيارات ^^ .. اشياء وايد .. وبعد الجرائم صارت تظهر بأغلبية الاماكن وانت عندك بالخريطة المناطق الي فيها اجرام عالي ولونها بالاحمر , اذا يودت مجرمين وايد بالمنطقة لونها رح يصير اصفر , يعني معدل الجريمة صار متوسط واذا زخيت كل المجرمين وحليت مشاكل كثيرة رح يصير لونها اخضر ومعدل الجريمة منخفض ..وعلي فكرة المدينة كبيرة كثير , لين ما توصل لمكان المهمة , ميتين مليون جريمة يطلبونك فيها ... واذا ما تريد تسوق السيارة ممكن توق تاكسي يوديك المكان الي تبيه .. يعني اللعبة فعلاً كبيرة وفيها تغييرات اكثر من الجزء الاول بكثير .. انصحكم تشترونها

3- cull of duty 2: red big one

لعبة التصويب المعروفة , في تغييرات صارت عن الاجزاء الي قبله بس صغيرة ... مثلاً بالأسلحة وبطريقة العلاج .. بس في شيء تتميز فيه اللعبة عن الاجزاء الي قبلها وهي المراحل , المراحل صارت روعة وممتازة والي يزيدها روعة كثرة الاتباع الي معاك , حوالي 6 الي 12 .. تحس نفسك بمكان حرب حقيقي ^^

4- 007 : from russia with love

لعبة جيمس بوند الجديدة , الجرافيكس صار رهيب , وطريقة التصويب صارت ارهب ^^ ... اللعبة مقتبسة عن فيلم بس حلوة , انصحكم فيها لأنه فيها مهام تجسس و قتال وحروب واشياء كثيرة

5- Dynasty Warriors 5 Xtreme legends

نفس الجزء الخامس بس في تطويرات جديدة , مثلا ادوات جديدة وفي اطوار جديدة , مثل طور داستني مود , تبدأ فيه جندي عادي بخدمة جنرال انت تختاره بعدين تبدأ بانهاء المراحل حتي تصير جنرال بروحك وتقدر تسوي الكمائن مثل النار والماي والمطر وتسوي اشياء كثيرة تتميز عن بقية الجنرالات باللعبة ..
ولا تنسوا انه في مراحل جديدة , حوالي 16 مرحلة جديدة

6- The Warriors

تخيل انك بعصابتك حوالي 20 شخص <<< هذي حالتكم شوية
المهم , انت بنيو يورك بعام 1979 , وكانت فيها حوالي 100 عصابة وعدد جنود العصابات 60000 عضو , ممكن تطلع وتسرق المتاجر وتسرق السيارات وتسرق الناس وتضارب العصابات عشوائياً , او ممكن تلعب بطور القصة وتكمل المهام , خلالها في مهام جانبية رح تصور لك كيف انظم كل عضو للعصابة ... اللعبة بالفعل حلوة


7- Genji: down of the samurai

هذي اللعبة صارت قديمة تقريباً , نزلت من 5 شهور ومستغرب محد تكلم عنها , اللعبة اسطورة بمعني الكلمة , هي مثل اونيموشا في طريقة القتل بالضبط , بس طبعاً طريقة الضربات تتغير , وممكن تلعب باثنين , واحد اسمه يوبشيتسي , عنده سيفين ورشيق بس يحتاج الاعداء لضربات كثيرة شوية حتي يموتون , وعندك الاصلع بينكسي هذي مأدبهم ادب واللي يسلمكم ^^ الاعداء من اول الضربات يرقدون P: ... بس صعب يتفادي الضربات لأنه عملاق وبطيء , لكن ساطورته ما تخلي احد يقرب ... والقصة اتركها سر حتي لا اخرب عليكم

8- Gun

افضل لعبة رعاة بقر ^^ ... المهام فيها جميلة وفيها مناطق مفتوحة كثيرة , صحيح انها مو لعبة اسطورية , لكن بنظري هي افضل من سابقتها Red Dead Revolver , احلى شيء باللعبة هو كثرة اسلحتها وقصتها الغامضة ..اللعبة يمكن ما تعجب البعض , لكن لمحبي الاكشن انصحكم فيها



هذي الالعاب الحالية

وتذكروا Shin Onimasha: Down of Dreams الي رح يتوفر خلال هالأسبوع بالاسوق علي ذمة جلال صاحب المحل

سلام..

[اللعبه]

اشكرررررررررررررررك

[عاشق الأسود]

كل الالعاب اللي قلت عنهم نهيتهم الا ديستني ووريور ماحب الالعاب اللي جذيه انا وذا ووريور لعبة العصابات الصراح لعبه سخيفه بكل معنى الكلمه وفي لعبه احسن منها هي سبارتان لعبة المحارب
وفعلا انا انطر لعبة اونيموشا بأحر من الجمر

[Lasto]

كل الالعاب اللي قلت عنهم نهيتهم الا ديستني ووريور ماحب الالعاب اللي جذيه انا وذا ووريور لعبة العصابات الصراح لعبه سخيفه بكل معنى الكلمه وفي لعبه احسن منها هي سبارتان لعبة المحارب
وفعلا انا انطر لعبة اونيموشا بأحر من الجمر

صراحة أنا أتفق معاك في كل كلمة كتبتها و أبي أضيف أنه لعبة king kong بعد من أسخف الألعاب اللي شفتها لأن صراحة القصة حلوة بس اللعبة و gameplay و ال graphics جدددددددا سيء مما أدى ألى فشل اللعبة عالعموم مشكور على الموضوع .

[HAMAD 11]

اللعبه

العفو

عاشق الأسود

صراحة انا اخالفك بكل حرف قلته مع احترامي الكبير لك

وذا ووريور لعبة العصابات الصراح لعبه سخيفه

حصلت بالمواقع علي تقييمات جيدة ..
وبرأيي هي اول لعبة تجيد العنف وهالسوالف

سبارتان لعبة المحارب

سبارتان لعبة بروحها وذا واريورز لعبة بروحها ما يصير نقارن بينهم ^^

وتسلم علي الرد عاشق الاسود


THE LAST SNAKE

و أبي أضيف أنه لعبة king kong بعد من أسخف الألعاب اللي شفتها

والله حرام عليك , بتقييمات المنظمات ومدري شو طلعت افضل ثالث لعبة لعام 2005 ..

وانا برأيي الجيم بلاي افضل من القصة والرسوم صراحة اعجبتني واشوفها قوية جداً ..

لكن لكل واحد رأيه

وشكرا عالرد ^^

[N E O]

السلام عليكم ..
شكراً على اللستة

نبدأ بــ

1- King Kong

هاللعبة ادمنت عليها لين ما ختمتها ..بصراحة اكشن x اكشن
وأفضل شي فيها ان الذخيرة تنفذ بسرعة..و تكمل الباقي بالرماح فقط
ما توقعت هالمستوى من لعبة تم صنعها من فلم !!

2- True Crime : New York City

لعبت أول 10 ساعات فيها وبعدين مليت منها..ياخي المهام الفرعية كثيرة لدرجة لا توصف -_-
و تطور القصة فيها بطيء..ايضاً طريقة قيادة السيارة فيها صعوبة نوعاً ما..لذلك تركتها على أمل لعبها في
ما بعد .

3- cull of duty 2: red big one

قبل شوي كنت ألعب فيها..جيدة و خلنا نلعب فيها لين ما تصدر بلاك..
عجبني التحكم في الطائرات والدبابات اكثير من التحكم في الجندي نفسه

6- The Warriors

لعبتها يوم واحد وخلصت 5 ميشنز...بعدين تركتها إلى اجل مسمى -_-

7- Genji: down of the samurai

صراحة لعبت اول 5 ساعات بعدين قلت طاف للعبة
أيضاً تم تأخيرها عندي في قائمة الإنتظار

متشكرين حمد على موضوع النقاش

[منواش]

يعطيك العافية أخوي على هذه النصيحة

وشكرا

[The Lost And Forgotten]

مشكور اخوي الغالي
King Kong
اللعبة سخيفه جداااااااا اخوي اشترية ورجعته خاصتا طريقة القتال
المهم مشكور

[Lasto]

مشكور اخوي الغالي
King Kong
اللعبة سخيفه جداااااااا اخوي اشترية ورجعته خاصتا طريقة القتال
المهم مشكور

صج أخوي اللعبة سخيفة مثل ما قلت و خصوصا ال gameplay أول شي عبالي اللعبة جزء ثاني من medal of honor بس هذي وين و king kong وين اللعبة جدا سخيفة عالعموم مشكور على الخبر .

[عاشق الأسود]

لا حراااااااام عليكم كينغ كونغ لعبه قويه كافي انها خلتني اندمج معاها لحد لما نهيتها وكافي انها من يوبي سوفت
وفي لعبه حربيه قويه انصحكم تاخذونها اللعبه هي سوكوم3 عجيييييييبه

باي باااااااي مع السلامه باي بااااااااااي

[john cena wwe]

و أبي أضيف أنه لعبة king kong بعد من أسخف الألعاب اللي شفتها لأن صراحة القصة حلوة بس اللعبة و gameplay و ال graphics جدددددددا سيء مما أدى ألى فشل اللعبة عالعموم مشكور على الموضوع .

حبيبي والله الجيم بلاي والقرافيكس ممتاز وهي مافشلت بلا كذب هي من أحسن 20 لعبة في جيم سبوت

[عاشق X360]

King Kong فقط أما الباقي فكلهم صفر عالشمال

[بو هلال]

يعطيك العافية والله ودي اجرب ذا واريورز لعبة العصابات احسها قوية