رسوم الاشتراك

[Angel whisper]

توني اقرا رد لكرونو في المجلس وخلاني افكر بهالشي

لو حصل وان الاشتراك في المنتدى استوى بفلوس ..

هل انتو مستعدين تدفعون؟

بنقول مثلا مثلا رسوم الاشتراك شهريا 10 دراهم او ريالات ..

ادري الموضوع قصير بس يدي كانت تحكني وكان لازم اكتب ~_~

[القــعـقـاع]

حشفاً و سوء كيله..

لا ما اشترك
و راح تخسرون الاعضاء المثاليين مثلي...

[Angel whisper]

*يالسه تضحك وتتذكر سالفة السمعة مالت البارحة*

انزين ليش ما بتدفع؟ في سبب معين؟

discuss <3

[احلامو ادوماتو]

and u say u dont like like debatin >.>

لا ما راح أدفع أكيد ^ــــــ^

ما عندي فيزا أو ماستر كارد T-T

أخليك تدفعين لي لو صار هالكلام >.>

=-=-=--=-=-=-=-=-=-=-=-=-=-=-=-=-=-=-=-

لو صار المسألة بالدفع و رسوم ، أعتقد أنه بيموت المنتدى >.> ، قلة الي على استعداد للدفع مقابل شيء ممكن يجده في مكان آخر مجانيا >.>

شخصيا ، بأدفع و أحطه على قائمة "المصروفات للصحة النفسية" >.>

[Electro M]

اكثر ما كثر الله هالمنتديات
ننحاش احنا و كم عضو لمنتدى معين و نستحله
و كلها شهرين و احنا مكونين لنا سمعة هناك و بلا 10 دراهم بلا هم

من زين هالمنتدى عشان ندفع له
لولا الوجيه الطيبة - مثلك اينجلوه - اللي فيه ما كان شاركنا
و الا ياكثر المنتديات الي تشتكي قلة الاعضاء و لو بيدها تدفع لهم فلوس عشان يشاركون

[القــعـقـاع]

همم..

ما فيه شي يستاهل اني ادفع فلوس عشانه..الحين "كونكشن" ما خشت مزاجي عشان فيها فلوس و تبغيني اشترك بفلوس في ذا المنتدى..

و اذا تذكرين حصل في احد الفترات و كان الدخول بفلوس ايام اكسترا نت و شوفي كيف كان الوضع فما بالك بان المنتدى يفرض هذا الشي لوحده من دون مجموعة المواقع اللي كانت معه...

[Angel whisper]

@ كرونو:
هذا مب debate حتى ..
انا شخصيا ما اتوقع اني بقدر ادفع من الاساس .. الا اذا اشتغلت O.o
وحلو انك بتدفع يحليلك .. عيل صحة نفسية =p?

@مادوه:
فكرت انا بشي من نوعية ان شخص يفتح منتدى وفي الاخير خلق الله كلها تشترك فيه ..
بس من تجربة ..احس الواحد اذا كان هذا اول منتدى يشترك فيه .. مهما يسير ويرد في النهاية بيرد على هالمنتدى ..
اوه جان يمدحني مادوه..
خلاص عرض خاص برفعلك اي موضوع تباه بس شرط ما تخبر ايفلوه =p
والله كلكم فيكم الخير

[Super Shadow]

عادي

الا عشر دراهم بس مب قحط

[Electro M]

لا اذا هالي فتح المنتدى فتحه في وقت توفر هالمنتدى اكيد ما بيتركه احد او بيرد له الواحد بعدين
لكن اذا مثل ما قلت صارت المشاركة محصورة بالفلوس
وقتها كثير بيتركون المنتدى بارادتهم و موب رادين الا اذا شالوا الفلوس

بعدين اكيد نمدح فيك
انت المراقبة الوحيدة اللي تتحلم في اعضاءها
بالعادة العكس
الاعضاء تجيهم كوابيس من مراقبينهم
بس هذا دليل على اهتمامك في المنتدى و حرصك عليه
و عشان اذا طلبت مرة ثانية ترفعين مواضيع بعد
حسدا في ايفلوه

القعقاع
اول عشر رسايل مجانية الحق عمرك ترا العرض بينتهي
بعدها عطفهم طاف

[احلامو ادوماتو]

من زين هالمنتدى عشان ندفع له
لولا الوجيه الطيبة - مثلك اينجلوه - اللي فيه ما كان شاركنا
و الا ياكثر المنتديات الي تشتكي قلة الاعضاء و لو بيدها تدفع لهم فلوس عشان يشاركون

أستاذ استاذ استاذ (خشة واحد رافع ايده يبي يجاوب على السؤال بحماس )

طيب ممكن اعلق على مسألة الوجيه الطيبة >.>

بالنسبة لي ، المكان باعث لذكريات حلوه ^ـــــــــ^ هنيا تطاقينا انا وانت و قعقاعوووه ولينوووه على سالفة التعدد في الزوجات^ـــ^


وهناك تطاقيت مع دراكنس على سالفة الهدايا ^ـــــــ^

و جنبه شوي تطاقينا مع موهوبيان لأنه اعتزل طق الطيران P :

لو تلف يمين ، ذبينا على موضوع ماس أوياما حق قعقاعووه ، ولو تطلع سيده بتلقى تعليقات على مواضيع يزيدوووه الي تهمبل ^ــــ^ و خواطر دراكنس الي تهمبل بعد ^ــــ^

ولو نرجع ريوس ، هناك تلقا خاطرتنا انا و غريب الي فازت (وقسم مشاركتي في الخاطرة عضو شرف P : )

طبعن فيه كوابيس ، مثل تهديدات لينا "أبي اعضك يا دب" و تهديدات نازيمود بأنها تخليني شاورما بالخناجر T___T

فمعاك حق ، المنتدى بحد ذاته ما يندفع له ^ــــــ^

[Yamato]

وانتي لازم تجيبي سيرة الدفع.. تخيلي لو اودين دش هنا ورفع الفكرة للادارة العظمى سالب واحد تحت الصفر..

واستوى بفلوس.. -___-!


:mad22:

[ODIN]

الموقع الي فيه فلوس اكرهه

لو ودي حتى التسوق بالانترنت ببلاش المفروض يصير لانه انترنت


ويا ياماتو وش معنى انا يالظالم -_- فيه عندك محمد اس ام وكايتو و دايركتور حط حيلك فيهم

[Yamato]

الموقع الي فيه فلوس اكرهه

لو ودي حتى التسوق بالانترنت ببلاش المفروض يصير لانه انترنت


ويا ياماتو وش معنى انا يالظالم -_- فيه عندك محمد اس ام وكايتو و دايركتور حط حيلك فيهم

هذا لاني اعزك يا فتى..

اضافة انت توك محطي موضوع.. واكثر واحد تدخل هنا من بينهم..

على ذكر داركتيب (AKA زا دختور او زا دايركتور) انا ملاحظ انه استوى موجود بالاسم.. ما عاد يشارك مثل قبل... شخباره الفتى

[Classic Evil]

انجل شو فيج انت عالفلوس ..

مستعدة تدفعين 45 على رواية ما تسوى اما المنتدى لأ يعني ..


هذا وانا اقول عنجل .. ولا رفعي لإي ماد المواضيع وخل السعر بالص بينكم مقايضة ولا مرابحة ..


أما انه يستوي بفلوس هالناااقص .. وما أدراك ما المنتدى بفلوس .. إلا إذا كان مقابل شي فهذي مسألة أخرى ...


صدقيني إن في أعضا يستاهلون يندفع لهم وشهادة حق يندفع لهم فلوس على المواضيع و المجهود اللي يسوونه في المنتدى ..

المنتدى قام على اياديهم قصدي كيبورداتهم .. لما شافوا نجاحه يكون جزاؤهم جزاء سنمار ؟؟؟؟؟


المنتديات اليوم في الشبكة غير ماكانت عليه قبل 5 سنوات يوم ماكان فيه إلا هالمنتدى و الساحات فارس نت و باتريوت !!

إلا أن باتريوت قضى نحبه مادري شصار عليه واعضاءه تناثروا مثل المسبحة المنقطعة ...

الحين زادت وطغت والواحد محتار !و إييه عوار! راس بشو يسجل .. وإذا سجل ترى الاسم ماخوذ .. و

تلاقين لكل موضوع بهالدنيا مسووين منتدى حقه .. واللي بفلوس منتدى غيره يقدمه له ببلاش !


باختصار : المنتديات في النت مثل الصحرا في البر .. يوم واحد زهقان يروح يطلع رحلة مب يأجرونها عليه ...

[7_Dark Soul]

منتدى محجوب و ما ندخل فيه الا بالتهريب.....بعد بفلوس..؟؟؟...