السلام عليكم ورحمة الله وبركاته
أخوي .. أكيد إنت ناوي تدخل الجامعة
وكلما كان معدلك أعلى فنسبة دخولك في التخصص
اللي ترغب فيه بتكون أعلى
وبالذات الحين ماشاء الله عليهم خريجي الثانوي شطار
نسبة كبيرة منهم إمتياز
وإنت أمامك فرصة فلا تضيعها على روحك
عندك 3 كورسات تقدر فيها ترفع معدلك
وتحصل جيدا جدا ، وأبغي أقول لك إن جامعة البحرين
أول كورس تقبل من 80 % وفوق واللي أقل من 80%
فياخذونهم الكوري الثاني فحرام يضيع عليك كورس كامل
إبدأ من الحين تقدر ترفع معدلك شد على روحك
ركز في الدراسة والشرح
راجع أول بأول (( ترى لو هذي تسويها صدقني بترتاح أيام الامتحانات النهائية ))
حضر دروسك
لا تغيب ولا تشرد والأفضل إن اصدقائك يكونون مهتمين بالدراسة حتى تتشجع
ولا تروح المدرسة إلا وأنت متريق
ولا تسهر (( هذي انا ما أسويها بس صدقني قلة النوم ما تساعد على التركيز ))
والله يوفقك
وهذي السنة قلت بصير طالب مجتهد شوي ( طلعت نصف طاقتي......
