بيتين شعريين توب ....خشو بسرعة ..لا يفوتوكم

[~*RoSaMaRia*~]

الى جميع الاعضاء

السلام عليكم ...ويعطيكم العافية ..
يوم كنت جالسة الا نزل الوحي علي فجأة فكتبت بيتين ومن عقبهم انقطع الوحي ومهو راضي يرجع ....
وبعد تفكير طويل قررت اني احط البيتين في المنتدى ...واضرب عصفورين بحجر واحد ....يعني منها اشوف رايكم في البيتين ...ومنها نفجر طاقاتكم الابداعية في الشعر من خلال عمل تنافس على اجمل تكملة يكتبها احد الاعضاء .....
وتفضلو البيتين :

لا تقول لي أنه أهواك وآحبك تراك منت صادق في قولك وانته كذاب
كم مرة قلت لي: حياتي من بلياك حزن والم وشجون ومليانه عذاب
شدو الهمة ....وارجو منكم تفاعل
ترا التكملة عليكم

[shjoonal3in]

سبحان الله!!

وهل ينزل عليكي الوحي فعلاً.......!

خانك التعبير...على ما أعتقد...

عموماً...الشعر ليس وحياً ينزل من السماء...إنما هو مشاعر وكلمات تتدفق وتثور فجأة...من مكان ما في أعماقنا...

بعد أن ضاقت بها آفاق احتمالنا...

بخصوص الأبيات...حاولت أن أفهم الوزن حتى أكتب عليه...لكن ...عجزت!!

أعتقد فيه خلل بسيط في الوزن... ولكنني... حاولت...

تكذب وانا اللي لمست الصدق بكفوفك وتقسى وانا اللي بهجرك ما شكيت غياب

تظلم وتدري ولكن من كثر خوفك تترك بقايا الغدر فيني شقا وعتاب

لا أدري... قد لا تكون مناسبة...لكن ...هذا اللي طلع معاي!

أخيراً....حاولي أن تطوري ...اهتمي بالوزن أكثر...وبالتوفيق

[~*RoSaMaRia*~]

شكرا على الرد والتكملة الحلوة ......
اللي شفتها ملائمة تماما وعلى نفس الوزن ......
وتوضيح نقطة ......
اكيد انه ما اقصد بالوحي الشي اللي فهمتيه ....
واعوذ بالله من ذلك انما هو تعبير مجازي لا اكثر ولا اقل ....ز
عموما شكري الجزيل ثانية ...ز
وبانتظار بقية الابداعات

[Mr.FMZ]

حياكي أختي روزماريا
أنا باكمل على البيت الثاني لأن الوزن فيه اوضح:
ابدا بما قلتي بس مع تعديل بسيط إن شاءالله مايخل بالمعنى.
كم مرة قلتلي: حياتي بلياك .. حزن وألم وشجون مليانه عذاب
واتضحلي بالنهاية ان كل منياك .. تجعل اللحظات من وقتي سراب
اقبل عليك ولا وصلت تبعد خطاك .. ماهمك الدمع اللي على الخد مسكاب

صراحة سواء كتابتك ولا تعديلي كلهم مشي الحال . بس هذا هو المحل اللي نتعلم منه عشان كذا حلوه محاولتك وارجو ان تفيدك محاولتي.
في ملاحظة ان اللي كتبتيه له نهايتين مختلفات .. كذّاب غير عذاب ( لازم تنتبهي على النقطه هذي).
ننتظر منكي محاولات افضل وانشاءالله يجيني يوم واتهور واحط شي مما كتبته . واتمنى يكون رأيك من أوائل الآراء.

[~*RoSaMaRia*~]

mr.fmz

مشكور اخوي على المشاركة والنصيحة المفيدةوالتكملة الجميلة......
يعني اتوقع منها انو اشعارك حلوة كمان .......
وبصراحة ما ظنتي انها راح تصير ....اضرب من حقتي مهما كانت مضروبة .....
ولاكن مع ذالك انه كانت عندي الشجاعة .....وعشان استفيد نشرتها ونشرت اللي قبلها وناوية انشر عقبها .....وبعدينا ......الشي الحلو انو هينا ما حد يعرفك ....
يعني تنشر اللي تبغي تنشره وتقول اللي تبغي تقوله براحتك ......على الاقل هاذا هوا للي قاعد يصير لي
المهم .....انه منتظرة مشاركاتك ومتحمسة ليها مرررررة ....

وماراح يكون رايي من الاوائل وبس .....بصيراحم احم .... الناقد ..هههههه.....
صدقني مراح تخسر شي وذيك الساعة لين اتبعت نصيحتي .....وحققت نجاح .....
بتقول : روزا ماريا قالت لي ....جزاها الله الف خير .....
يللا تهور مرة على الاقل و انشر عشان خاطري وخاطر الاعضاء......لا تكسفني ..

ملاحظة:ترا البيتين ما هم توب .....بس عنصر الحماس والتشويق يلعب دوره في التسمية.

شكرا

[Mr.FMZ]

أخت روزماريا .. العفو
أنا عارف ان الواحد يستفيد من وضع المحاولات اللي زي كذا بالمنتدى بس ماحطيتهم للحين لاني صراحة ماودي احط اي كلام. انا صدق ان لي محاولات بس صراحة اعرف اذا كتبت شي زين ولا لا. على العموم نزولا تحت رغبتك أنا باحط كم بيت كتبتهم في مواضيع مختلفة ... وباستنى نقدك .. بس لا اوصيك ماابغى رحمة.

[~*RoSaMaRia*~]

مشكور ......اخوي

وبتلقى ردي ......هناك .

[The.Black.heart]

القصيده بدت تكمل^.^
يالله كملوها عجبتني كثييير
ويسلمووو

[~*RoSaMaRia*~]

the.black.heart

ليش ما تكملها انت .......؟؟؟؟؟؟
ومشكور على المشاركة

[عاشقة الوهم]

والله كان ودي اشارككم...

لكني ما أحب اكتب الشعر بهذي الطريقة...

أحب اكتب على طريقة نزار قباني...

تحياتي...

[حنـــظله]

روزا روزا روزا

أعتقد أنك شاطره بالطبخ ويمكن الخياطه , أو حتى بالدراسه

بينما أتوقع ان (شجون العين) شهادتها كلها (دويحات) يعني FFFFF

كلّ ميسّر لما خلق له



يا بنت ماريا , خليكي مثلي
ما أقدر أكتب بيت واحد , ومع ذلك مدوخ ومزعج كتاب المنتدى الأدبي بأنتقاداتي

[~*RoSaMaRia*~]

عاشقة الوهم ..

مشكورة اختي على المشاركة ....ط
ويا ريت تفرجينا كتاباتك على طريقة نزار ..

حنظلة .....
تسلم اخوي مرررررررررة
على النصيحة اللي تهبل
صدقني ما قصرت
اختك
روز روزا روزا ماريا