استفسار عن الـ X360 و HD

[Modi]

السلام عليكم ..


هاليومين فيه تطورات بحياتي
<<< بدا يقص قصة حياته

لالا امزح



انا قريبا بشتري الـ X360 ..
استفساري عنه هل اللعب بالـ on line محدود "بفلوس؟"
وطلب اذا شريت انا الجهاز "ان شاءالله" واحد منكم يوعدني انه يساعدني ادخل الـ LIVE
<---- طرار ويتشرط

وهل الجهاز يشغل الالعاب XB القديم ؟ ويشغل DVDs كوبي "اتكلم عن الانميز بصيغة AVI"

استفساري الثاني عن التلفزيونات الـ HD "اللي مجرب وخبره"
ابي تلفزيون بسعر معقول ما يزيد عن 3000 او 4000 ريال .. نقول مثلا 34 بوصه "هالحدود"
يعني يكون يشغل الـ X360 و الـ PS3 "مستقبلا" بأحلى صوره وواضحه


(خاص لأهل الرياض .. اي محل اشتري منه الـ HD و اي شركه تنصحون مثلا LG او غيرها )

[52x]

ال 360 يشغل العاب ال xbox1 بس لازم تكون العاب اصلية فقط ولا يشغل الكوبي سواء كان انمي او العاب
وللاسف انا من خارج الرياض لذلك لن استطيع مساعدتك بالمحلات واسعارها

سلام

[Modi]

هلا اخوي .. مو مشكله انك خارج الرياض (المهم تكون من السعوديه)
طبعا الاسعار بتكون متقاربه .. وعلى الاقل اخذ فكره عن تلفزيونات الـ HD

[rubso]

الاونلاين بفلوس فيه نوعين للاشتراكات
الاول Gold Membership وهذي من خلالها تقدر تدخل الـ Xbox Live MarketPlace و تنزل Demo و عروض العاب جديدة ... على جهازك الـ x360
و النوع الثاني Silver .. من خلاله تدخل اللايف وتسولف مع ربعك كأنه مسنجر فقط .. واذا شريت الـ Premium غالباً بيعطونك اشتراك Gold "بعض الاجهزة" اذا ما عطوك حاول تدور عندك اشتراكات او تشتري اشتراك او تدخل عن طريق البطاقة الائتمانية مالتك.
ومساعدة باشتراك اللايف ما اعتقد السالفة صعبة، وفيه موضوع مشابه حق اللايف مال الاكس بوكس الاولى، كاتبه sonykid بيساعدك كثير.
الجهاز يشغل العاب الـ Xbox القديمة ، لكن مو كلها ..
والالعاب الكوبي انسى، عيش على الاصلي وبس ، اما عن الانمي تقدر تشغل الـ DivX والـ Avi العادي .. وفيه مواضيع تكلمت عن هذه الطرق لكن دور عنها انت .. "في منتدى المنتدى قسم الاكس بوكس"
و عن الـ HD صدقني حالياً ما تحتاج HD
انا متواضع حدي خخخ تلفزيوني 14 بوصة.. وخلصت عليه DOA 4 و Call of Duty 2 و حالياً قاعد اخلص Kameo .. وشريت Perfect Dark Zero وكل يوم العب لايف، احس اني مو محتاج شاشة HD .. وعندي بالصالة HD لكن ما حسيت بفرق ضخم -_-" .. كله راجع لك .. انت اللي تحدد ..

[Modi]

مشكور اخوي ^_^
التواضع مقطع تقطيع هههه ^_^


وننتظر الاعضاء الباقين =_="

[INDIGO]

استفساري الثاني عن التلفزيونات الـ HD "اللي مجرب وخبره"
ابي تلفزيون بسعر معقول ما يزيد عن 3000 او 4000 ريال .. نقول مثلا 34 بوصه "هالحدود"
يعني يكون يشغل الـ X360 و الـ PS3 "مستقبلا" بأحلى صوره وواضحه
**************************************************************************************
بخصوص سؤلك عن الـHD
أول شي مستحيل تلاقي شاشه HD وخاصة إذا كانت LCD بسعر أقل من 5000 ريال
يبغالك تراجع الموضوعات إلى سبقت عن الاشاشات HD
بتلاقس أجوبه لأسألتك
هذا إلى أقدر أفيدك عليه وسلام

[rubso]

INDIGO ليست بالمستحيل
عندنا شاشة Panasonic
LCD
تشغل أكبر رزلوشن موجود حتى الآن 1080 i or p
سعرها بالتنزيلات 154 دينار كويتي
حجم 17 بوصة ..

[INDIGO]

لكن أخوي 17 بوصه مره صغيره بالنسبه للحجم إلى يبغاه الرجال
الرجال يبغى 34 بوصه
أنا قريب شفت شاشه بانيسونيك 29 بوصه LCD سعرها 9999 ريال
وإذا كانت شاشه سوني بريفيا 27 بوصه 5000 وكفه ريال
يعني إذا تبغى 34 على الأقل جهزلك 15 ألف

[Modi]

اعوذبالله 15 الف !!
لو انه بيقعد بالصاله او مجلس مو مشكله
بس التلفزيون ابيه بغرفتي .. صعبه اشتريه .. حتى قيمة غرفتي ماوصلت 15 الف لووول

والله الفلوس كسرت ظهري *_*
الاسبوع الجاي بطلع سيارتي الجديده ..
ومو فاضي فوقها اشتري تلفزيون بـ 15 الف .. شكل الوالد بدفني بالحديقه (_ _+)

طيب وش الحل اجل .. اطنش الـ HD يعني !؟

على العموم مشكورين شباب

[rubso]

تقدر تطنش بالـ HD
الى ان ترخص اسعارها بالصيف .. تشتري بدال الواحد اثنين

[خالد 333]

ويشغل DVDs كوبي "اتكلم عن الانميز بصيغة AVI"

أذا كان الدي في دي من نوع FREE REGION وهو النوع الموجود بكثرة أو الREGION 1 فراح تشتغل 100%

أما باجي الأنواع ماتشتغل للأسف