=-=-=-=-=-=-=-=-=-=-=-
وفي اليوم التالي ، عند عتبة باب بيت أهل كرونو :
دحيمر يطرق الباب طرقات شديدة :
دحيمر : كرونوووووووووووووووووووووووووووووووووووووووووووووووووووو ، إلحق على عمرك >.<
كرونو يتطربق مع درجات البيت : أبووووووووووووووووووووووووووكم ، الواحد ما يقدر يتهنى بنومته >.<
دحيمر : افتح الباب يا النكبه >.<
كرونو يفتح الباب : صباح الليل يا مسااااااااااااافر ^ــــــــــــــ^
دحيمر يدخل بعوووووووونف : رايق و قسم ، امسك اقرا الجريدة
يقوم دحيمر برمي الجريدة على خشة كرونو ، يمسكها كرونو بتأفف و يبدأ بقرائة صفحتها الأولى
ينقمط وجهه ، و يتعركمش كأنه سجادة جدتي الي تصلي عليها من عهد نوح عليه السلام
كرونو : وشوووووووووووووووووووووووووووووووووووووووووووووO.O
كرونو : قسمن بالله قهر>.<
كرونو : والله قهر>.<
دحيمر : ايه قهر بس وش الي يقهرO.o
كرونو : عاد ما لقوا لي غير هالصورة >.<
دحيمر : هلا O.O
كرونو : ياخي المفروض يسألوني و يشاوروني عشان اعطيهم آخر صورة لي وانا كاشخ بالجينزO.o
دحيمر : أقول الشرهة مو عليك ، الشرهة على الخبل الي خايف عليك ، امش نعلم عمي بهالمصيبة
بعد ساعة ، أو انها ساعتين ؛ اجتمعت عائلة كرونو في المقلط ، الظاهر الصالة يغيرون ديكوراتها ...
الأب : هالتسلب أبو نشمية
كرونو : ايه يبه ^ــــــــ^
الأب : هالي ما يستحي >.<
كرونو : عداك العيب يبه ^ــــــــــ^
الأب : لو انه واحدن ثاني كان اعطيتهم رقبتك هدية مع حفاضات بامبرز بس لانه هالوسخ فيهباااااااا >.<
كرونو : أفاااااااااااااااااااااااااااااااااااا ،أهون عليك يبه T-T
الأب : أقول اقطع و اخس >.<
كرونو : 
الأب : وش الدبرة الحين ، وشلون نبي نرد كيد أبو نشمية في نحره 
دحيمر : عندي خطة 
كرونو : أعصابك يا ماتشالا XD
دحيمر بعد ان قحص (فحط) على كرونو: خطة ما تخرهاش الميه 
الأب : علمني أشوف O.o
دحيمر يهمس بالخطة بأذن الأب : وص وص وص وص وص (صيصان موب أدوادم)
ثم ينظران الأثنان الى كرونو بأعين مليئة بالحقد و الطمأنينة و الراحة و الانشكاح و يضحكان ضحكات بريئة : نياهاهاهاهاهاهاهاهاهاهاهاهاها 

في اليوم التالي :
كرونو متعلق بشاص شحن غنم إلى فينلندا:

كرونو : حتى أهلي انا وين أبي أشوف الخير فيه T-T
بدأ بالصراخ على السائق : هييييييييييه انت ، وراك ما تخلينا نركب قدامO.o
السائق : لا يا زول ، انت دافع تزكرة سياحي كيف عاوزني أركبك درجة أولى >.>
كرونو : يا ابن الحلال ما احد راكب عندك ، فارحمنا T-T
السائق : النزام نزام
كرونو : أبوووووووووك يا زمن غدار و الحكمة تقول T-T
الغنم : ماااااااااااااااااااااء مااااء مااااااااااااااااااااااء (الترجمة : كل شي معقول)
تمضي بضع لحظات ، تقترب منه نعجة :
النعجة : مااااااء ماااااااااء ^ــــــــــــ^
كرونو : الحمدلله الله يسلمك (أيوه ، يعرف لغة غنم P : )
النعجة : مااااااااااااااااااء ماء مااااء 
كرونو : هلا O.o
النعجة : مااااااااااااااااء ماء مااء ماااااء 
كرونو : انا مقدر اعجابك ، لكن للأسف ما اتوقع فيه نصيب >.>
النعجة : ماااااااااااااء O.o
كرونو : للأسف ، مرتبط بصخلة 
فتركتهوووو النعجة تذرف أدمع الانكسار
كرونو : لا حوووووووول ، كسرت خاطر المسكينة T-T(تكفى يا وائل توه يسلم)
و أقبل عليه ثلاث خرفان حونش :
الخرفان : مععععععععع معععع معععععع
(خرفان معصبه )
كرونو : أنا آسف اني كسرت بخاطر أختكم الكريمة O.O
الخرفان : مععععع 
كرونو : دوللي O.o
الخرفان : معع معععع معع ععععععع مععع
كرونو : الحين جدتها تصير دوللي المستوسخهO.o
الخرفان : مععععععععع >.>
كرونو : آسف ، قصدي المستنسخة ، ما شاء الله ، أنعم و أكرم ، عيلتكم فيها مشاهير ^ـــــــــ^
الخرفان : ماااااااااااااااااع ماااااااااااااااااااااااااااااااااااااااع ماااع مااااااااااع O.o
كرونو : "عاد بدينا النذخه على الفاضي ، قبيلتنا و قبيلتنا" ايه ما شاء الله قبيلتكم معروفه بطيب شحمها قصدي أصلها O.o
ودقوها كرونو و الخرفان سوالف و لعب بالوت ووناسه حتى وصلوا الى فينلندا بسلامه و عافيه ، اذا ما غضينا الطرف عن ريحة تونه منتهية صلاحيتها مخلوطه ببيض من سنة جد جدي
=-=-=-=-=-=-=-=-=-
بعد بضعة أيام ، في بيت أهل نشمية ، تحديدا في غرفة نشمية ، تجلس معها ابنة خالتها "رقية" يتبادلان أطراف الحديث و يتناولان أقداحا من الشاهي و جرزات من البصل الأخضر و الكراث :
نشمية تولول : يا رقية الحقيني يا وخيتي رقية إلحقيني
رقية تهدئ من روعها : إيه و بعدين O.o
نشمية لا زالت تولول : بيزوجوني مناحي يا رقية و يذبحون كرونو يا رقية 
رقية تستمر في محاولاتها الحثيثة في تهدئة روع نشمية : خلصتي>.>
نشمية بدأت بالنواح و تلويح رأسها بحركات زار : أهاااااااااااااااااااااااااااااااااااااااااااااااااااااااا واااااااااااااااااااااااااااااااااااااااااااااااااااااع 
رقية تمسك بها بلين و أمومة: سكنهم مساكنهم ، سكنهم مساكنهم *طراااااااااااااااااااااخ* (صفقتها كف على كيفك)
بدأت نشمية بعد الكف بالارتماء في أرجاء الغرفة كأنها كأنها لعبة تنس طاولة بين أغاسي ومارتينا هينغيز ، فمن الكومدينة الى الخزانة الى السرير و هكذا الى ان *دردووووووب* سقطت أرضا مغشيا عليها
بعد الفاصل الاغمائي :
رقية تترفس ببطن نشمية : قومي يالخبلة >.<
نشمية بعد آثار الصدمات : أنا وين ، أنا فينO.o
رقية : فيه أحد ما يعرف غرفته ، قومي شوي خلينا نكمل استكانة هالشاهي و نفكر شوي بمصيبتك>.>
نشمية : بقى شي من الكراث O.o (مزاج ما أدري وش يبي)
رقية : اسمعي ، لقيت لك خطة O.O
نشمية : وشي O.O
رقية : عندي لك دوا ، يخليك تموتين ^ـــــــ^
نشمية : تف تف تف تف ، فال الله ولا فالك ، هذي آخرة السدااااقة يالخايبه T-T
رقية : هو هو هو هو هو O.O كليتيني و انا ما كملت سالفتي ، قصدي يخلي الناس يحسبونك ميتة ، انتي بس بتنامين ^ــــــــــ^
نشمية : طيب بعد ما أنام وش يصيرO.o
رقية : أبد ما يصير الا الخير ، أهلك بيقطونك مثل القطوة الجربانة بأقرب زباله و عقب ما تصحين عضي على طرف تنورتك و انحاشي>.>
نشمية : خووووووووووووطة رهيبة تعإد ، لكن سعال يسدح نفسه ، متى آخذ الدوا O.o
رقية : ليلة عرسك ^ـــــــــ^
نشمية : و كرونو o.O
رقية : أرسلي له رسالة و علميه بالسالفه و خليه يحتريك بمكان تختارينه>.>
نشمية : ما شاء الله عليك ، غطيتي على ميكافيلي بالتكتوك العسكري و التكتوك الاستراتيجي
رقية : وش يعرفك ، أنا الي تكتكت الحرب العالمية الخامسة يوم انها غينيا تفوز على يوغوسلافيا خمسه صفر
نشمية : أقول شوي شوي من هالصواريخك أخاف السقف يطيح علينا >.<
بعد بضعة أيام في عزبة خاله الواقعه في الريف الفينلندي ، كرونو يهش و ينش بالبعارين قرب العزبة :
كرونو : الآن تغرب الشمس ولازم اجمعهن ، بس المشكلة نسيت الاغنية الي لازم اغنيها لهم عشان يجون o.O
كرونو : وشي الاغنية يا ربييييه وش الاغنية يا ربييييييه ايوه تذكرتها ^ـــــــــــــــ^
كرونو : *كح كح كح ، اححححححح ، خخخخخخخ ، تف* (يزبط الزلاعيم)
كرونو بدأ يزاعق بصوته الحالم وهو يلعب على الربابة: When I was young
It seemed that life was wonderful
A miracle
Oh it was beautiful
Logical
All the birds in the trees
They could sing so happily
So joyfully
Oh playfully watching me
Good mourning!
(هذا الي يسمونه العولمة)
وهو في عز انطرابه ، الا و تقبل عليه البعارين مدرعمه ما تعرف ابوها من خالتها تريد الفتك بكرونو
البعارين : بعععععععععععععععععععععععععععععععععععععع بععععععععع بعععععععععععععععععععععععع
كرونو : ايوه scooter تبوني اغني لكم Nirvana أجل o.O
البعارين مدرعمه تريد لعن والديه: بععععععععععععععع بععععععععععععععععع بعععععععععععععععععععععععع>.<
كرونو : آآآآآآآآآآآآآآآآآآآآآ إلحقوووووووووووووووووووووووووووووووووووني
وبشجاعته المعتادة ، أطفق بطلنا ينحاش متوجها هذه المرة الى عزبة خاله ، وما ان وصل الا و دخل مسرعا، و أقفل أقفال الباب من خلفه باحتراف و تمكن (متعوده دااااااااااااايمن) حيث وجد خاله يتقحون قهوة مع شوية "تمر" و "بقل" و يتصفح جريدة الشرق الأوسط (فيه شي غلط o.O)
كرونو يلهث : خالي حبيب ألبي ، لساع مصر تشرب لبن "بِل"(بِل ، إبل) على الصبح o.O
الخال : إيه ، ليش o.O
كرونو : لا سلامتك ، لكن ما اتوقع^ــــــــــ^
الخال : ما فهمت
كرونو : شيء متوقع عدم فهمكم الكريم ، مو شي جديد xr
الخال : أقول بلا كلام فاضي ، شوف على الطاوله تلقا رساله جايتك من ما ادري وين
يذهب كرونو لتلقف الرساله بفضول و ريبة ، يجدها باسم "المنتحرة بحبك" و فيقرأها :
من المعذبة بخشتك
إليك يا من حطبلت كبدي و هززت أركان كلوتي و قطعت تلافيف أمعائي الغليظة
أُقرِؤك السلام
أكتب لك هذه الكلمات و أنا أذيب الشمع الأحمر لأقفل به بوابة أيامي و أختم به على رسالة حياتي (وش رايكم ، أغطي على غادة السمان ) ، فحياتي بدونك كأنها قدر بدون غطاه ، ناقة بدون راعيها ، نعله بدون خويتها
الوداع الأخير يا عاشق الحمير
p.s. : تعال صل علي يا الخايس بكرة الصبح ولا وقسم ما يصير فيك خير
العنوان : بيت الأشباح حق عيلتنا بباريس
كرونو : ريحتينا يالخايبه ، و دوري أحد يصلي عليك>.>
الخال : وش السالفهO.o
كرونو : لا أبد ، آخر سلالة الديناصورات بتنقرض أخيراXD
الخال : أقول و قسم اذا ما علمتني، اني بأرجع راسك لأبو نشمية على صينية ألماس>.<
كرونو : أبوووووووووووووووك يالنصبة ، الحين لو عندك صينية ألماس كنت بتعيش بمزرعة و تربي غنم يا دونالد ترمبo.O
الخال : انا عندي الي يأدبك يالهيس >.<
ذهب خاله و رجع يحمل رشاش كلاشينكوف روسي أصلي (روسي يعني يشرب فودكا) ووضعه على قمة رأس كرونو و كأنه مشهد من فيلم Scarface :
الخال: بتعترف ولا >.<
كرونو : اعترف اعترف ، انا الي ذبحت الحريري ، أنا الي فجرت برج التجارة العالمي ، و ألعب وينينغ إليفين مع بن لادن كل ليلة خميس مع راس شيشةT-T
الخال : قصدي سالفة الرساله
كرونو : اها ، أجل يبي لنا جلسة و قدحين نبيذ و زيقارة حشيش و برتقالتين (يالبرتقاااااااااالة ، عذبتي حااااااااااااااله)
الخال يطلق طلقات قرب كرونو : أنا بأجلس مع ابليس ، قل السالفه اخلصني >.<
كرونو بلع العافيه : تيب تيب T-T
يقوم الآن كرونو بشرح القصة من طق طق إلى السلام عليكوم ، فأخذ الموضوع ساعتين من الشرح المفصل و الجاهز (دفه و أصيل أبو بكر) ، ثم :
الخال : اها ، يعني بتروح لها الآن O.o
كرونو : ايه يا رايح لها أ ، أنا ما صدقت أفتك >.>
الخال : لا يا قليل الخاتمه ، الحين البنية بتذبح عمرها عشانك و انت منتب قادر تروح تزورها ببيت الاشباح T-T
كرونو : وش أسوي ، ما لي خاتمه O.o، لي بسمله بسXD
الخال : أقول بتروح يعني بتروح لها>.>
كرونو : ما أبي ، المسأله مو غصب>.<
الخال يوجه رشاشه الى قمة رأسه مرتن ثانيه: أيوه غصب ، أمش قدامي أشوف >.<
كرونو : تهؤ تهؤ كتاب حياتي يا عين ، ما شفت زيووووو كتاب ، الفرح فيه سطرين ، و الباإي كلوووووووووو عزااااااااااااااااب في عزاااااااااااااااااااب T-T
يمسكه خاله مع علابيه و يرميه في أقرب شاص نقل بقر الى باريس ...
في زات الوقت و زات الحزة ، الاحتفالات بزفاف نشمية و مناحي قايمه و قاعده و عاش واقف و ورا ورا (كل شغل هالطقاقات) .
نشمية قاعده بكوشتها و بجانبها رقية يحشن بخلق الله :
نشمية : طالعي هذي ، ما تدري ان الفوشيا موضتها قبل ساعتين O.o
رقية : قراوى ما عليهم شرهة(أحلفن O.O)
نشمية : شوفي بنت عمك "فخرية" وش مسويه بعمرها ، الخبلة تحسب المكياج ماكنتوش O.o
رقية : ما علينا ، دع الخلق للخالق (O.O) هذا الدوا ، متى بتاخذينه O.o
نشمية :هو دنماركي O.o
رقية : لا ما هوب بدنماركي ، فنزويلي xr
نشمية : الحين أطرقعه كل ابوه بجغمة وحده ^ـــــــ^ (يا فرحة أمك فيك)
رقية : بسرعة قبل لا أحد يشوفك >.>
نشمية : طيب غطيني أول >.>
رقية : هذاني بأسوي فيها أكلمك من قدامك O.o
وما كذبت خبر، طرقعته بجغمة ، و اذا بأصوات تزمير حول قصر الأفراح ، جيمس ملكي و عشر هايلوكسات xr يبون يدخلون ما أدعوهم :
مناحي : ياخي زواجي O.o
الحارس : الزواجات عندنا لازم بالشريعة الاسلامية >.<
مناحي : ليه ، خرفان أسترالية O.o
الحارس : عاد هذا الي عندي >.<
مناحي : خلاص ، قل لهم يجيبون لي زوجتي >.<
في الجيمس جلس مناحي بجانب نشمية ، و جنبهم أبو كل واحد منهم كأنهم طلاب بمدرسة بغرفة المدير و مستدعين أولياء أمورهم O.o
مناحي : كيفك يا قمر ^ـــــــ^
نشمية : .......
مناحي : عطنا وجه يا حلو
نشمية : .......
مناحي : ترانا الحين رجل و حرمته ، يعني عادي O.o
نشمية : مناحي
مناحي : هلا يا حياتي
نشمية : يا علك الماحي *دردووووووب* (خارج نطاق التغطية )
مناحي يمسك بنشمية و يهز بها يبي يصحيها : نشمية
- نشمية
- نشمية
-نشمية T-T
وترددت أصوات صرخاته في أرجاء الجيمس ، ووصلت تردداتها أرجاء المشرق و المغرب ، لكن ما يفيد الصوت لا فات الفوت ... أو انه العكس O.o