السلام عليكم ورحمة الله وبركاته
رسالة فتاة خميس مشيط بعد صدور حكم القصاص عليها
القصة معروفة ,
وهي لفتاة من السعودية بخميس مشيط ,
كانت تحب شاباً قبل الزواج ,
ثم تزوجت بغيره ,
فأخذ الشاب يبتزها ويهددها إلى أن قررت التخلص منه وقتله ,
فسجنت مدة سنوات وصدر بحقها حكم القصاص وهذه آخر رسالتها ,
نسأل الله لها العفو في الدنيا والآخرة
وتبدا كلامها بأمنيات
ودي أرجع لأهلي
ودي بأمي ..
ودي أحضنها بقووووة ..
ودي بزوجي أحب على راسه ..
ياما وقف معي ..
وياما هلّ بسببي مدمعه ..
من ست سنين وأنا ما أعرف إلا الموت ..
والخوف هو الوحيد اللي أعرفه ..
ست سنين وانا ما أعرف إلا ثلاث حروف ..
ميم وواو وتاء .. موت !!
كلها حتوف وخوف وأحزان جارفة ..
صدر الحكم ..
وصدقته المحكمة !!
مابقى على الموت شيء ..
يمكن اليوم ..
أو بكرة !
بس الأكيد إني مت قبل بكرة ..
كل يوم أموت في يومي ..
وكل يوم أموت البارحة !!
لله حكمة بالغة ..
يمكن أكون عبرة لكل بنت صغيرة !
تعيش لحظات سكرة ولهفة ..
مع شاب يغازلها وهي تبادله ..
وتصغي لكلام الحب والعشق وتصدقه ..
ثم تمر الأيام وتتزوج ..
ويوم تبغى تعيش ..
تدري إن الماضي شبح يظهر لها كل لحظة في عمرها !!!
وفي لحظة خفت فيها على نفسي ..
وخفت على بيتي وزوجي اللي حبيته ..
وروحي وروحه متآلفة !!
بعد ما هددني ..
أنه بيفضح سري الطاهر !!
ويفقدني حياتي الحالمة ..
ومادريت ان الانسان ..
لو نسى هو الماضي ..
الماضي هو اللي ماينساه ..
وبيظل طول عمره يلاحقه !!
وفي لحظة
استسلمت فيها للشيطان ..
قررت اتخلص منه ّ!!
وجت اللحظة الحاسمة ..
ولحظتها مافكرت في عواقب فعلتي .. والخاتمة !
قتلته !!!
أيه قتلته !!
والله يرحمه ...هو اللي بدا !
هو قتل فرحتي !!
ونظرتي ...ولحظتي !
وقتل أحلى لحظات عمري !
من يوم زفافي ...إلى هاليوم !
عشت أيام وسنين ..
لا ليلي ليل ولا نهاري نهار !!
طول وقتي خايفة ..
عشت ايام وسنين ..
أدفع ثمن لحظة خاطفة ..
لاتتركوني مع الموت والعذاب !!
وأنا انتظر لحظة يقولون اسمي !
لحظة أتقابل أنا والسياف ...
والسيف !!
كل يوم افكر في هاليوم ..
وعجزت أبعده ..
أتلمس حلقي .. رقبتي ..
وأتخيل أن السياف بيقطعها قريب ..
وأتخيل راسي يتدحرج ..
وعروق دمي .. نافرة ..
وأناظر وجهي في المراية !
عيني !! وفمي وخدي ..
حتى شعري .. وكل جسمي !!
وكل جزء أتحسس موضعه ..
ياخسارة ..
جسمي بيفقد راسي .. وراسي بيفقده !
المشاركة الأصلية كتبت بواسطة البـــاسل
والله الموضوع مؤسف.. للعائلة المقتول