اعادة نظر(سواليف و العاب)
بسم الله الرحمن الرحيم
اهدي موضوعي المتواضع للاخوان:اللورد اللي شكله زعلان, رايق, القطو., ذا الدر.و الاخ العزيز جدا انسبكترعلى امل انه يرجع…
كيف الحال شبيبه؟انشاء الله بخير…
هذا الموضوع عباره عن تجميع لبعض الاشياء…العاب, سواليف, افكار, افتراضات, نصب…و تطول القائمه.(مع انه يشتمل على فقرتين او ثلاث).
تدرون يا اخوان من تالي الامور قاعده تتغير لكل الناس…اقصد تتغير جذريا و ان كانت امتدادا للسنوات اللي راحت…الاقتصاد متجه للمجهول عندنا, الامور كل يوم قاعده تصعب اكثر. و الحروب المتوقعه و المآسي الكثيره و قواد العالم و كل هذا و الناس يضيعون في خضم الافكار و كل شيء يوجههم و ان ما وجهوا انفسهم معه…كأنهم طحالب في البحر الموج يلعب بهم و يمزقهم لكنهم لازالوا عايشين… و بين كل هذي الاحداث و الاشياء الكثيره اللي غالبا ما تخلي الناس العاديين او الاسوياء يصيرون فاضين او ما عندهم شيء يسوونه بمعنى الكلمه يبقون ناس مساكين لكن غالبا ما يكتشفون انهم كذا ابدا او يكتشفون متأخرين , بعضهم يصيرون شاكين بالوضع من زمان بس مهوب متأكدين…….
……
…..(لحظه آكل ورق عنب…و على بالي اكتب و انا متأثر بعد)
نكمل: الناس المساكين هذولا عايشين بادمغتهم فقط معزولين بخيوط خفيه و مع انهم دائما يتلمسونها و يدورونها ما يلقونها ابد…و بعضهم كل اللي يتمنونه انه بس احد يتذكرهم اذا راحوا…و بعضهم يتخلى عن هذي الامنيه من اليأس.احيانا تلقاهم يضحكون و حياتهم قدامك نكته,لكن و لانهم معزولين يعمونك عن الجانب الحقيقي المؤسف.
سمعت حديث قاله الرسول صلى الله عليه و سلم(صلوا عليه و لا تصيرون بخلاء يا شباب)انا اعرف معناه او شرحه بس الان, الحديث يقول انه فيه نفر من امة محمد يدخلون الجنه بدون حساب و قلوبهم مثل قلوب الطير(يعني ما فيها غل او حقد مثل ما يقول ابوي)انا اتمنى ان الناس المساكين يكونون هم المعنيين بالحديث.يا اخي انا احب هذا الرسول صلى الله عليه و سلم, و انشاء الله كلكم تحبونه.لانه كل مشكله جاب لها حل لكن حنا بس ما نطبق.
نزعل و نذم حظنا مع انه احسن من حظوظ غيرنا بكثير و عندنا اشياء يحلمون فيها.
اتكلم عن شيء ثاني؟معليش مللكتكم يخرابيطي 
:
فيه ملاحظه على عرض لعبة ماريو الجديده,مع ان العرض قديم شوي. و انا اناظر كنت افكر بالاشاعه اللي تقول ان لماريو الجديده نفس المحرك القديم.ما ادري بس انا اشكك كثير بهذا الكلام,على الاقل اكيد انهم طوروا المحرك تطوير كامل يخليه تقريبا مختلف عن القديم جذريا. اللي ما قدر يلاحظ يشوف العرض مره ثانيه و يركز عند كم لقطه واضح بشكل قاطع لاي شك انها مأخوذه من واحد يلعب(و العرض كله كذا بستثناء بعض اللقطات اللي الكميرا مركزه على وجه ماريو لكن عشان اللي يحبون يجادلون)…ناخذها حبه حبه:في البدايه شوف ماريو و هو يقفز بين بيتين و يرتد من جدار الى جدار,لاحظ مكان الكميرا:تلقاها ثابت موقعها بمكان استراتيجي و قاده تتابع الاحداث من اسفل و تلحق ماريو و هو بالهواء بشكل بطيء يعطي اللقطه اخراج جميل.و في اللقطه الثانيه (بقولها مع انه فيه وحده قبلها لكن هذي اوضح للمغزى اللي ابيه)اذا جاء ماريو يقفزعلى لوحه بين منارتين اقرب لأبراج الكنائس اشكالها و بينها طريق(تجي هذي اللقطه في منتصف العرض تماما)كان ماريو يجري و الكميرا تتبعه الى ان بداء يقفز.وقتها تباطئت الكميرا و تابعته من زاويها بعيده(لانه هو ابعد و الكميرا ما تغيرت المسافه اللي بينه و بينها)و كان مشهد حلو درامي جدا.لان الكميرا و هو يقفز بين البرجين كانت ثابته و ما تحركت الى ان ابعد و رجعت تتابعه مثل اول,كانت جدا ذكيه لانها لو تابعته اقل شيء راح يصير فيه احتمال ان اللاعب يخسر رؤية المنظر كامل و بالتالي تركيزه,ناهيك عن خسارة البعد الدرامي.
بعد كل هذا القرق وش نطلع به؟تذكروا ان كاميرة ماريو اول كانت حسن كميرا او من احسن الكميرات من حيث العمليه لكن ما تعترف بالدراميه(عكس كاميرة زيلدا)يعني اول ما كنت تخسر تركيزك او تقدير المساحات الا في حالات شاذه , و كون الكميرا القديمه كذا شيء طبيعي اذا اخذنا باليد انه ما كان فيه قصه بمعني الكلمه, و زيلدا لانه كان فيها قصه كان اسلوب اللعب برضه درامي و ملحمي.يعني غالبا الاساليب الدراميه هذي تتخذ عشان تدعم اللعب و تدعم القصه غالبا(اذا كان المبرمج جيد على ما اعتقد). و غالبا ماريو الجديده فيها قصه ممتازه(عساها من مستوى قصص سونك).و لكن و لاننا ما نعرف شيء الى الان نكتفي بالفرح بالاحداث اللي راح نقدر نصنعها باللعبه(بيد ان الكميرا ذكيه و متفاعله). غير المفاجئات اللي تشاع(يقولون يوشي موجود باللعبه عشان تسوقه و هذا بحد ذاته يحتاج تطوير للمحرك للدرجه اللي انا وصفتها) اتمنى اني هنا لفت نظر اللي ما انتبه للاشياء المهمه هذي.و صدقوني شباب مهما مر وقت على عرض اللعبه الا انها لا تلزال موضوع جديد دائما و مكان جيد للنقاش ما دامت الى الان مهي بالسوق. و لا تزعلون رجاء اذا لاحظت شيء ثاني و كتبته.
دعاء يا شباب قريته و اعجبني:دعاء ما يقول و يفعل من اذنب ذنبا: (ما من عبد يذنب ذنبا فيحسن الطهور , ثم يقوم فيصلي ركعتين, ثم يستغفر الله الا غفر الله له)
ملاحظه: (الموضوع كان اكثر من كذا بكثير لكني خفت اتعبكم و عسى ما اصير تعبتكم بس و انا على بالي مصغر الموضوع...معليش تحملوني و كثر خرطي)و وش رايكم بالصوره؟ تراني متفنن فيها(يعني بلا تحطيم)
اخوكم سعد
و السلام عليكم
لو لم اصنع اسوأ الذكريات...لما كانت جزءا مني...
كتبها سعد الذي بحث عن السعادة عبثا فلم يجدها...فباع نفسه لحياة الشقاء عن طيب خاطر...
هءهء
..
.. لكن أسمحلي هذا هو الواقع بدون مجامله 
(خابر تشوفني اضحك ودك تكسر سنوني)
