لأول مره بالمملكه Smigle VS Yamato +NsaN والمزاز بالداخل!

[smigle]

أحم أحم...

قصدي الصورة بالداخل

عموماً لأني عارف أن كلكم بتدورون الصورة قبل ما تقرون الموضوع، وعلشان ما أتعب أناملكم الناعمة من الطلوع والنزول في الشاشة...

And because I know that you are so hungry for some Pics for those young handsome members "أونه"

Take that

طبعا أنا ماراح أقول لكم من هو العضو الوسيم اللي كاشخ بالكندوره والإبتسامه الساحرة، وماراح أقول لكم من هو العضو المسكت بالجينز والكاب "والله حلو دش في خاطري" بس بقول لكم أن كوب القهوة اللي على الطاولة هو...

هو...

هو....

صح... عليكم نور (هذا هو أنسان)

"شكر خاص للأخ يماتو على جلوسه في وضعيه موازية لكتفي بحيث يبان طولنا واحد"

أوكي، بما أنكم شبعتوا من النظر في الصورة "وأحذركم أن هذي (أن شاء الله) آخر صوره لي في المنتدى ، حاس أني مصختها

________________________________________________________________

يوم الجمعة الساعة 3العصر...

سميجل: أقول خالد أحنا متى بنروح عرس ولد خالك؟

خالد: الساعة 7:30 تقريبا....ليش تسأل، غريبةأول مره تسأل بأدب، أكيد تحتك شي...؟

سميجل: هاه...لا ولا شي بس مواعد ربعي من المنتدى...الله يستر.

خالد :شنو...................الحين يالخايس أنا دافع لك تذكره (دوحه أبوظبي دوحه) علشان تواعدلك شباب من الأنترنت ولا علشان ترقص في عرس ولدخالي؟ >>>>لاحظوا أنه صارخ بأعلى صوته في وسط الميلس ووسط الرياييل....خايس يبي يحرجني.

سميجل : آآآآ، بس...همممم، خالد أنت تدري أني توني مسوي عمليه وماقدر أرقص،وأضف على ذلك أني توني حاج وقرعتي تصلق >>>>على فكره ترا شعري أطول من شعر يماتو ،يعني Technically أنا مب قرعه ويماتو is

داركنس، حط هالكلام حلقه في ودانك <<<<الولد عايش في حاله من الإحباط وتخلخل في الثقة بالنفس من أثر تعذيب داركنس له بكلمة (قرعه)

خالد: ومتى تبي تذلف

سميجل: الساعه 7 ، وهي كلها ساعة وحده بس، نعقر فيها بكم عضو ونتشمت في كم عضوه وبرجع لكم على طول.

نفس اليوم الساعة 8الفلليل "يعني ليلاً".....

" سميجل راكب في الكرسي الخلفي للأودي موديل 2005اللي مأجرها رفيجه، يضع آخر لمسه من المكياج ويتخيل نفسه نازل من الأودي عند مدخل أبوظبي مول والكل يطالعه ويقول من هالمهم اللي نازل من السيارة ويشوف يماتو وأنسان واقفين يطالعونه ويقولو" واااااااااااااو"

فجأه تنقطع تخيلات سميجل بصوت رفيجه خالدالمعصب.

خالد : أنت هيه جسوم، أنت تدل هالمجمع "أبوظبي مول ولا ماتدله" ترا لاعت جبدنا وأحنا ندور عليه، يلا أستعيل ترا ورانا عرس ومعازيم

جاسم : والله أنا مب متأكد من الطريج، أنا عموما ما أنزل أبوظبي وايد

خالد: خلاص، وقف عند هالأشاره وخله ينزل يشوفله تكسي يوديه

سميجل : شنو...تخسي، أشتبيهم يكتبون عني في المنتدى، سميجل وصل بتكسي، أنت ماتعرف هالعضوين، تراهم أكبر أباليس المنتدى، لا وتراهم مواعديني يبون يمسكون علي شي يشوهون فيه صورتي في المنتدى، خاصة أني سويت لي أسم وسمعه من أول موضوع لي...

خالد: تاكل **** وتاكل **** وأنا مابا أتأخرعن عرس ولد خالي علشانك أنت وربعك....يالله أنزل أشوف.

سميجل:معليش يالملعون أنت وولدخالك هالبنجالي مايدل شي في بلاده

خالد: شو قاعد ترمس أنته؟

سميجل: لا ولاشي، أدعي لكم توصلون بالسلامة.

خالد: مشكور، "وأنا بالضبط توني قاعد أدعي لك بنفس الشي" وتحمل على نفسك من سواقين التكاسي، ترا مسوين مؤامرات على الشباب الخليجي.

---------------------------------------------------

في الرد القادم

مؤامرة يماتو وأنسان

واللي عنده أي رد، فليتفضل مشكوراً

[Darkness withiN]

Go go smigleXD..WITH CHINESE BEST KISSES
جذي تحرني وتخليني أحط موضوعي وغريب والصيني ترا <خلني أحط موضوعنا أول

[..daredevil..]

أحسـنت أحسـنت ..

Keep Up

[rubso]

سميجل انت على اليسار لابس كاب ..
احلى ما في الموضوع الصورة !!!
اخيراً قمنا نشوف اعضاء

[Electro M]

يا جماعة
اي واحد خارج السعودية لما يحط يرفع صوره في موقع يحاول يرفقها برده بعد لاننا نعاني من تشفير جميع مواقع رفع الصور المعروفة على ما يبدو
وينك يا ارنب
كان عندي موقع من مواقعك لكن حاليا موب راضي يشتغل يقول فيه خطأ بالموقع

في انتظار التكملة

[القــعـقـاع]

سميقل:

بما انك بتروح لعرس فاكيد انت راعي الكندرة مدري الكندورة...^___^

[ثريول]

أحسنت أحسنت ..

يالله عاد بسرعة.

[Angel whisper]

YES FOR EYE CANDY!

مب من شوي المنتدى اخترب xD

طبعا اللي على اليمين سميقل

1- كندورته وغترته ستايلهم قطري
2- اقصر عن ياما
*سوري بس واضح ان كراعين ياما اطول xD*
3- شعر سميقل ينبان اغلظ واطول عن شعر ياما

المهم .. برفق الصورة وياردي حق اللي ما شافوها لاني مراقبة طيبة جدا جدا ..

[dj_bo0oy]

ماشاء الله منورين الموضوع

كمل كمل..

[smigle]

عُدنا والعَودُ أحمَدُ

أش سالفته هالمنتدى، صاير كأنه غسالتنا، كل يومين يقطع ويعفس أم الدنيا.

المهم وين كنا...

أيه نرجع عند مدخل مجمع أبوظبي مول

--------------

مشهد المدخل وتكسي ياي من بعيد، داخل التكسي

سميجل: هيه أقول أنته باي، بس وقف بعيد بس هنيه كفايه

البتاني: بابا، هازا أبوزبي مول مناك، انت مايبي وقف جدام باب؟

سميجل: وأنت الحين شايف سيارتك هالقرمبع قبل ما تتكلم، أنت ماشفتني نازل من أودي توني الحين، وبعدين أنت ماتدري منهو ينطرني داخل، هذولا فرحه ومرحه، أكبر لسانين في المنتدى، بيكتبون فيني قصايد هجاء وبلاء، الأول "يماتو " والثاني "أنسان".

البتاني: بابا أنت شنو في كلام، منو هازا فرخا مرخا، شنو هازا تماتم و لسان...

سميجل: أسكت بس ووقف يالله، والله يازين تكاسي بانكوك (خخخخ زين أبوي مب موجود ولا جان سطار يايني على صواطري) مايقولون كلمه يازين بطابطهم بس، كم حسابك خلصني؟

البتاني: أسنينه درخم.

سميجل: هاك لا هنّاك "يعني خذ ياعلك ما تتهنى فيها" ، خدا حافظ.

البتاني: مافي سوي مسخره كلام أيراني "خاك لا خناك" انا نفر بتاني.

سميجل: مادامك ماتفهم خدا حافظ، عيل خدا ساخط يسخطك فار ويسخط تكسيك يقطينه وأنا سندرلا...

ينزل سميجل دريشة" يعني نافذه" التكسي ويلتفت يمين ويسار ويتأكد أن المكان خالي من طفيليات إماراتيه منتداويه، ينزل من التكسي متجها إلى البوابه

يشوف جواله ويقرا مسج من يماتو "بعد ما خاس وهو ينطر"، نص الرساله: كجا أنت.

سميجل: آه يالخايس، تبي تتفلسف علي بكلمتين متعلمهم من الخباز..... ويرد عليه سميجل بمسج، نص الرساله: أنا وصلت عند المدخل

يطرش يماتو مسج آخر: كيف بعرفك وتعرفني؟

سميجل: مالت على البمبر، الحين بالله عليك يالذكي كم صوره انا حطيت لنفسي في المنتدى، وبعد انا رايح عرس، أكيد بتشوف واحد لابس كندوره قطريه...يرد عليه بمسج، نص المسج: أنا لابس كندوره، تعال عند محل هولمارت

------------------

تنتقل الكاميرا من نظام TPV اللي هو Third Person View وهو نفس نظام الكاميرا في لعبة ميتل جير إلى نظام FPV اللي هو First Person View وهو نفس نظام الكاميرا في لعبة هيلو

أنا وقفت أنتظر في محل هول مارت اللي هو محل بيع الكروت والهدايا، لأن المجمع كان مكتظ بالناس، وبعد أنا كنت متوقع مؤلمره منهم انهم يقعدون في الطابق الثاني أو الثالث ويشوفوني وأنا أنتظر ويصوروني من فوق ويستهبلون علي، قلت أتغدى فيهم قبل ما يتعشون فيني، وأنقل ساحة الحرب من بهو المجمع إلى أزقة المحل...

مرت تقريباً دقيقتين، وأنا أفكر أش بقول لهم، وخاصة اني كنت منحرج منهم لأني تأخرت وايد عليهم وبعد كانت منبطه جبدي لأني أخرت خالد وربعي على عرس ولد خالهم، يعني كلا الطرفين معصب علي.

وأنا واقف ومنخش "يعني متخفي" بين الدباديب الورديه مالت الفلانتاين (الولد متأثر بنظام التخفي في ميتل جير 3) طلع لي شاب (للأسف أطول مني) لابس جينز وكاب... وعطاني بذيك الإبتسامه .

سميجل من برا : أهلين يماتو كيف حالك.
سميجل من داخل : الخايس توقعته طويل بس مش لهذي الدرجه...
يماتو من برا : الحمد لله أخبارك أنت...
يماتو من داخل : ....................................."قالوا لكم أنا سايكو مانتس، أكيد ماعرف شنو كان يقول، بس ترا على فكره شكله شوي كان مصدوم...مادري من شنو، خلوه يقول لنا.

سميجل من برا : ألا وين أنسان؟؟
يماتو : ماقدر يجي، يعتذر منك، عنده ظرف طارئ

سميجل من برا : أيه لا عادي مب مشكله
سميجل من داخل : Now that smells fishy الله يستر شنو طابخين لي، عموماً أنسانوه جرمبي، وما أستغرب منه هالحركه، يمكن مستحي مني...

المهم، أحنا تمشينا شوي وتكلمنا عن الشغل و تدريب يماتو وشلون الأمور ماشيه معاه، عموما أنا بالنسبه لي ما حسيت بأي ارتباك أو احراج لأني عارف الريال من اكثر من سنه وأنسجمنا مع بعض على طول، بس أنا لاحظت انه كل شوي يلتفت بعينه ورا، بس مادري شنو عنده...

بعد شوي، يماتو التفت ورا وقال: أنسان خلاص عاد، يلا تعال لين متى بتم ماشي ورانا؟

أنا التفت ورا وشفت واحد شكله حبوب،.....المهم أنه اقصر مني

Now that was the only good thing about him, and that was the best relief for me


خخخخخ، لا أتغشمر، الولد شكله كان حبوب، ومبتسم

Which totally contradicts with the "NsaN grumpy theory "

بس هو عموماً طلع غير عن الصوره اللي كنت حاطها له في مخيلتي، كنت متخيله مليان وعليه عارظ...

عموما وأحنا نتمشى رايحين ستاربكس، سألني يماتو : أقول سميجل، تعرف الممثل مادري شنو شاه.

أنا : لا منهو ذيه شنو يبيع؟

أنسان نقز من الوناسه وقال: شفت قلت لك مايعرفه

أنا من داخل: أشعندهم هذولا بيختبرون معلومناتي العامه

المهم هو طلع ممثل هندي...لو أيراني يمكن كنت بعرفه...

--------------

في الرد القادم...قعدتنا في ستاربكس

[Electro M]

تسلمين يا blank مراقبة - ابتلشت اذا كتبت احلى بيقولون غزل و اذا كتبت افضل بيقولون منافق لذا حطي اللي تبينه -
وش قصة ياماتو كل صورة طالع فيها بشكل
و الا البحر و ما يسوي؟

اما سميجلوه ما تغير كثير و لو اني توقعته مقرع على كلامه لكن واضح ان شعره ما شاء الله تمام

بخصوص التكملة
احلى شي مناقشة التاكسي
بس انت ياخي من جد فيك عرق عربي يضرب بقوة
تحب التمغيط
عطنا السالفة كلها و خلصنا

[Rory]

EYE CANDY!
تصدق زين يوم حطيت الصورة في أول الموضوع لأنه ..
أول شي كنا بنسويه هو scroll down & see the pic
you know us pretty well
anyways ..

no offense smigle ;-;
بس لا تحاااول ههههههه .. ياماتو طالع أطول .. مادري يبين أطول منك

ههههههههه .. عطيت التكسي ريالين؟
لا صدق بس ريالين؟
أحيد تكاسينا حراميه
ما يطلب أقل من خمس !

انسان بعد حركاااااااااااات .. هههههههه ..
ننتظر التكمله

[Yamato]

سميغل.. خوب جوب.. <<<<<<< يعني جود جوب

بس الصراحة شواربك اقصر عن شعر راسك XD

طبعا أنا ماراح أقول لكم من هو العضو الوسيم اللي كاشخ بالكندوره والإبتسامه الساحرة، وماراح أقول لكم من هو العضو المسكت بالجينز والكاب "والله حلو دش في خاطري" بس بقول لكم أن كوب القهوة اللي على الطاولة هو...
هو...
هو....
صح... عليكم نور (هذا هو أنسان)

اللبس ولا انا O.o!

والكوب كوبي
انسان مالت عليه :mad22:

داركنس.. طيب انا ما استاهل بوسات كمان

واشوف وجه مغبر.. وش جابه ديرة الديفلز
ويلكم


ربسو.. انا ابو الكاب

وتعال يا فتى.. انت جيت بتاكسي
وما تقول
وعدل كلامك.. انا يــــــــــــــــــــــــــاماتو

وطيب يا سندريلا.. <<< انت جبتها لنفسك

وتراك صدق وايد اخرتنا.. لا قدرنا نسير سينما ولا انسان قدر ياخذ انميات من عندي :mad22:

وانا عرفت انك بتجي متكشخ.. واسال انسان

وحركة النذالة كان انسان صاحبها
علشان كذا خونت فيه

وترا انسان شوي وبيرقد من كثر سوالفنا عن الشغل لوووول

ومالت عليك وانسان.. ما تعرفون منهو نصر الدين شاه.. لا وقلت منهو كمان هنا

المهم..
ننتظر التكملة نبي نشوف شو بيصير <<< اونه




عماد الدين أبهة..
سميغل قال اني ابيضاني.. ما ادري كيف.. انا احترقت من الشمس في الشغل.. ضاع جمالي T_T


ننتظر يا سندريللا

[Angel whisper]

حشى .. توني ناشه من الرقاد والقاني مسماية blank ..
ما عليمه مادوه ما عليه .. انا براويك ..
*طنشوني بعدني مخرفه*
وياما شكله typical emitati dude..xD
هذا اول شي فكرت فيه يوم شفت الصورة .. ههههه

بس موقف التكسي فظيع الصراحه .. تقطعت من الضحك عليه .. يعني مسكين يقولك بينزلك عند البوابة وتقوله ينزلك بعيد؟ اظني فقير يقول هذا مول شي بلاه .. هههه

روري:
اظن بس خذ ريالين لانه كان شالنه من مكان جريب من المول وايد .. المفروض ما ياخذ شي مالت عليه ~_~
ههههههههه ويلسة ياماتو مخليتنه يطول اكثر .. يعني سميقل وقع في شر اعماله xD

NSAN IS A STALKER ! EVERYONE, HIDE!
*gasps*

[ODIN]

ياهوه والله وزين خربت الشباب صار الكل يحط صورته عادي تعجبوني


سميقل عرفتك على طول ويامااتو يااخي ياقلبي على ذا الادمي بريئ شكله قمة الادب ودك تسولف معاه بس

بس قولنا وشو يعني بمبر و جرمبي