بسم الله الرحمن الرحيم
انا تامر من مصر عمرى 16 سنة ووزنى 88 كيلو جرام متفوق جدا فى دراستى لدرجة انى اعرف 6 لغات واتقن 3 لغات ببراعة زى العربى تمام وهم الانجليزى والاسبانى والفرنساوى
وكل المدرسين والدكاترة بيحبونى جدا والاحمد لله يمكن عشان انا نمبر ون فى اصحابى او لانى بكلم 6 لغات مش عارف بامانة المهم انى محبوب من الكل وده طبعا فضل من الله تعالى .
المفروض ان بعد كل ده يكون معنوياتى مرتفعة ولكن العكس تماما بل قربت ادمر نفسيا !!!!
عندى 3 مشكلات مدمرانى هابتدى من الاخف الى الاصعب :
1ـ انا اساسا بشرتى بيضاء بس اسوديت بدرجة فظيعة مش عارف من ايه لدرجة اصحابى يقولولى انى قربت اوصل لبشرة ( كانو ) .
مش عارف ايه الحل جربت استخدم كريمات مفتحة للبشرة ( فير اند لفلى ) بس لاقيت نفسى بسود اكنر مش عارف اعمل ايه ؟؟؟
2ـ عندى هالات سوداء كبيرة تحت العين سائت من شكلى كمان بس طبعا الحمد لله على كل شىء نفسى ازيلها بس مش عارف اعمل ايه ؟؟؟
3ـ دى اكبر مشكلة عندى وارجوا المساعده فيها بليز :
من سنتين تقريبا بدات اعرق عرق غزيز لدرجة انى لما بلبس قميص بعد ثوانى احسس عليه الاقيه مية من كتر العرق
لدرجة ان لما ابدا ارتدى الهدوم ابدا بالعرق طبعا المشكلة دى مدمرانى نفسيا
مش عارف البس قميص
ماعنتش بخرج مع اصحابى خجلا من العرق
طبعا انا مش خجلان من ريحة العرق لانى تقريبا بستحمى مرتين فى اليوم فمابيظهرش ريحة عرق بس انا كل الي مزعلنى انى مظهرى بيبقى كله عرق فى الشارع ودى حاجة مش كويسة
نفسى اجد حل لهذه المشكلة بليز بسرعة
للعلم يا شباب ياريت الى يحللى مشكلى ياريت يبقى الدوا بالاعشاب الطبيعية واى استفسارات انا جاهز
سلام
وتشرفنا كمسلمين ...
