"وراحت فيها الصبية عالفاضي" "لا تكلمي شباب.... لا و لا حتى ابن الجيران.... " "اياك و الحب يا بنية".....
عبارات ترددت على مسامعي منذ الصغر...و ما توقفوا و لو لهنيهة....و منها ذعرت.... و أذعنت.... و ما زالوا يحرموني منه.....فحملته على راحتي أحميه....
"ما في اشي اسمه صاحبات" " شفتي !!! صرت هاملة من ورا صحبة فلانة و علانة"
وافقت..... و تركت من أحببت..... و نظرت إليه يعتصر الألم ..... و ما زالوا يحرموني منه ... و أغلقت قبضتي عليه أحميه..
"اياك و المظاهرات" "حب الوطن في القلب يا صغيرة" "شو وصٌل هالكتاب لإيدك؟!!"
تلعثمت..تركت ....و كبرت .... و ما زالوا يحرموني منه.... أحكمت قبضتي عليه أحميه...
"نعم؟؟ أخوك طلب منك هيك؟؟؟ و طبعاً سمٌعك كلمتين حلوين حتى تردٌي عليه.... سيبك منه "
أطعت و قلت ما علي إلا صلة الرحم.... و رجاءً لا يسألني أحد ما معنى الصلة... و عدت أنظر إليه و هو يذبل..... و ما زالوا يحرموني منه.... سمعته يأن ، و مع ذلك شددت قبضتي أحميه...
"شو عم بتسوٌي ؟؟؟ شو هالخرابيش؟؟؟ انسي بلا كتابة بلا هبل..." "الك ساعتين عم تعملي شو؟؟؟ بتمارسي هوايتك؟؟؟ والله هاد الناقص!!"
أحبطت.... كرهت ...... و مزقت ..... أصبح شاحباً ... مترهلاً .... و ما زالوا يحرموني منه .....
نظرت..... عرفت ....بل و أيقنت لقد مات قلبي!!!
من قتله..... كلامهم أم...... قبضتي؟؟؟؟
المشاركة الأصلية كتبت بواسطة LongJohnSilver
