خواطر..تعرف لمن؟؟

[sara james]

السلام عليكم و رحمه الله

هذي اول مشاركه لي وان شاء الله تعجبكم ..

الموضوع عباره عن : انا اكتب نثر او خاطره وتقولولي انا كتبتها لمن.. اوكي

باسم الله نبدأ..

احبك موووت ولو درى القمر حبي راح ونورت لياليّ .. انته القمر وانا نوره وبدونك مايكتمل نوري..تدري انه ليلي نهار ونهاري ليل؟!..واني اصبح الليالي وامسي النهار؟!... اصبح الليالي ادور شوفتك يا الغالي.. وامسي النهار من تعب الليالي.. أحبك يالغلا واموووت فيك.. و أتفداك بروحي قبل عيوني.. وسلامتكم

خيـــــــــــــــــــــــــارات
انا كتبتها لــ:
- الحبيب..
- المنتدى..
- القمر..

[Mr.FMZ]

والله الاجوبة محيرة .. في البداية تحسين انو الجواب زي الاجوبة حقت قنوات المسابقة يعني الجواب سهل بس اهم شي تتصل
بس سويت شوية ارتباطات .. هو لا يمكن يصير القمر بنظري .. لانك قلتي "ولو درى القمر" .. المنتدى .. دائماً موجود ..عشان كذى اختار "الحبيب" .. وانشاءالله يطلع جوابي صحيح.

[BuTtErFlY lOvE]

الحبيب مايبي لها كلام,,
لأنك قلتي لو درا القمر,,راح ونورت ليلي,,
والله اعلم,,
شكرن على الكلامات,,بالرغم من قصرها إلا انها حلوه,,

[sara james]

ههه مشكووورين على مروركم بس تاكدوا مب انا قلت "انته القمر ...؟؟"

[sara james]

(2)

كنا اثنين نمشي على هوانا .. لاحد يقولنا يمين ولا يسار .. لكن فجأه ريح قويه وهزتنا و بعدتني عنك .. لكني ما استسلمت وحطيت ايدي على خدي.. قطعت اشوااااااااط كثيره لكن ما يمنعني شي من شوفتك يا الي واحشني ..... وانا بعيده عنك دقايق مت من الشوق فكيف وانا بعيده عنك ساعات لا بل ايام ولا اسابيع ولا شهور؟؟ احبك .. ولو كان قدري اني اعيش بعيده عنك ... و عسى ربي ما يكتب لحظه فراق و الم ..


اول شي .. ان شاء الله عجبتكم؟؟
الحين...!! من هذا الي قاعده ارمس عنه؟
- صديقه
- شخص غالي عليه
- الروح

[Mr.FMZ]

والله كلماتك حلوة .. في الأولى أعجبني المقطع
"انته القمر وانا نوره وبدونك مايكتمل نوري"
بعدين كيف الجواب القمر .. ماحسه راكب .. كيف القمر يغار من نفسه "ولو درى القمر .. " ..

أما على الثانية .. أنا اقول .. شخص غالي عليكي والشخص هذا ممكن يكون صديقة
بس اللي متأكد منه انو الجواب لا يمكن يكون الروح

[sara james]

والله كلماتك حلوة .. في الأولى أعجبني المقطع
"انته القمر وانا نوره وبدونك مايكتمل نوري"
بعدين كيف الجواب القمر .. ماحسه راكب .. كيف القمر يغار من نفسه "ولو درى القمر .. " ..

أما على الثانية .. أنا اقول .. شخص غالي عليكي والشخص هذا ممكن يكون صديقة
بس اللي متأكد منه انو الجواب لا يمكن يكون الروح

لا اخويه الجواب الاول مب القمر....الحبيب

و جوابك انا اسفه لكن غلط! مب الصديقه

[BuTtErFlY lOvE]

حلوه لكن إن كنتي تقصدين بالروح هنا شخص حبيب جدن فالجواب الروح,,
وأن كان المعنى روحك أنتي..
فالجواب شخص عزيز,,
وأنا اتوقع إنها الرووح..
<><>
إييه إن جاوب شخص وأنتي مابعد حطيتي الخاطره الأخرى,,
لاتصححي جوابه إلا بعد وضع الخاطره الجديده..
وفقط ,تسلمي,,

[Mr.FMZ]

اختي أنا جاوبت على الخاطرة الاولى انه الحبيب .. بس اللي خلاني اسألك ليش الجواب القمر لاني ظنيت انو انتي قلتي هذا في مشاركتك ..
على العموم شكراً على التصحيح وننتظر الجديد والجواب الاصح ..
تصحيحك هذا خلا باترفلاي تعدل جوابها .
وشكراً

[sara james]

هههههه اخواني خلاص انا بجاوب الحين وتريو الخواطر اوكي

1- الحبيب
2- الروح

و تسلمون على مروركم الطيب