التعليم المفتوح درجة ثانية ولا شو؟؟؟؟

[Beneton]

وعدونا بالدراسات العليا بس ما شفنا شي. بقولوا أنتم تحضرون يوم واحد بالأسبوع والتعليم النظامي يحضرون خمسة أيام. مع العلم ان الحضور غير إلزامي في التعليم النظامي وخصوصاً في الكليات النظرية كالاقتصاد مثلاً يعني يمكن يحضر الطالب كل المحاضرات ويمكن ما يحضر ولا محاضرة ويدرس لوحده وهيك بساوو معظم الطلاب الجامعيين وخصوصاً السنة الأولى فليش عم يقولوا ان طلاب التعليم النظامي احسن من طلاب التعليم المفتوح. الشي التاني في ناس جهلة بقولوا ان منهاج النظامي احسن من المفتوح مع العلم ان الدكاترة بالمفتوح هنن نفسن دكاترة النظامي والكتب بالبداية لبعض المواد هي نفسها كتب النظامي لان الدكاترة وقت ما بيلحقوا يألفوا الكتب بقرروا كتب التعليم النظامي ويللي مو مصدق يسأل ليتأكد من كلامي. وحتى بعض الدكاترة قالوا انهم عم يدرسونا احسن من تدريس النظامي وأمثالهم الدكتور نبيل الحلبي وحتى بعض الكتب في التعليم المفتوح تعتبر مراجع للطلبة والناس يللي على رأس عملهم متل كتاب أساسيات المحاسبة(2) للتعليم المفتوح يللي بيحوي على المبادئ المحاسبية المقبولة عموماً (GAAP) وعلى المعايير المحسبية العالمية (IAS) يللي عم تطبق حالياً على طرق المحاسبة العالمية. الشي التاني ان طلاب النظامي نظام حديث كلية الاقتصاد اختصاص المحاسبة ما عاد في عندهم إدارة مالية بينما طلاب المفتوح عندهم وعندم كمان إدارة مشتريات ومخازن, وإدارة إنتاج يعني طلاب المفتوح مؤهلين يشغلوا مناصب إدارية أكتر من طلاب النظامي بسبب وجود المواد الإدارية في منهاجهم. الشي التالت ان لازم الدولة تفتح مركز مستقل للتعليم المفتوح حتى يقيموا فيه المحاضرات متلنا متل طلاب التعليم النظامي بالضبط مع العلم ان وزير التعليم العالي صرح بالتلفزيون من فترة بتتجاوز السنة ان إيرادات كل من التعليم المفوح والتعليم الموازي قاربت أن تصل 3 مليارت ليرة سورية يعني هلأ صاروا أكتر من هيك أكيد وهدول بيفتحوا أكبر جامعة طبعاً أرجو ما كون جعلتكم تملوا بس برأيي هادا الحكي بيهم طلاب التعليم المفتوح كتير وشكراً لحسن الانتباه والسلام.

[سهم الاسلام]

السلام عليكم ورحمة الله و بركاته ..

الأخ الفاضل : Beneton ..
بارك الله فيك و جزاك الله خيراً على اهتمامك بدراستك ,
و إن شاء الله ما يصير إلا الخير ,
من جهة أخرى فإن النظام التعليم المفتوح في دمشق أصعب من التعليم النظامي ,
فإن بعض مواد سنة أولى في التعليم المفتوح ستجدها في التعليم النظامي سنة ثانية و كذلك في السنة الثانية بالمفتوح ستجدها في السنة الثالثة بالنظامي , و هكذا ..
و أما عن إنشاء جامعة خاصة بالتعليم المفتوح فأنا مع هذه الفكرة أو أن يتم دمج التعليم المفتوح مع النظامي ,
و لكن
لا حول و لا قوة إلا بالله ..
إللي حكيتوا أخي Beneton .. هذا جزء بسيط فهناك الكثير من المشاكل في التعليم المفتوح و كذلك بالنسبة للتعليم النظامي .. و بحب قلك أنو التعليم المفتوح هدفها الخبرة و المعرفة للطلاب كالترجمة و المحاسبة و الادارة و القانون ..
لكن إحساسي بأن التعليم المفتوح خلال سنوات القادمة ستنضم إلى التعليم العالي من حيث الشهادة الدولية ..
و الله يعين الطلاب ..
و الله يوفقكم جميعاً

في أمان الله
و السلام عليكم

[Beneton]

شكراً على المشاركة الجميلة يا سهم الإسلام وجزاك الله الخير