تخيل تم تبااادل الادوار بين الشاااب و البنت
السلااااااااااام علييييييييييييكم
اشحالكم شبااااااااب ويا بنااااااااااات عسااااااااااكم بخييييييييييير ( كح كح كح كح لقد كبرت على هالحركات !!! )
المهم يا أخواني . جبت لكم موضوع وايد حلو واتمنى ان تعجبكم .
يعني تتفاجأ في يوم وأنت قاعد تقرا كتاب رومانسي و مشغل
أغنية رايقة و سرحان في حبيبة مجهولة, الا و أمك داخلة عليك
و توها جاية من الاستراحة و تقولك: يا ولدي ودي أكلمك في موضوع.
ترد أنت بكل خوف: خير يمه؟
تقول أمك: ترى جارتنا أم خالد تبي تخطبك لبنتها.
وأنت ما شاء لله كبرت و احلويت وكلن يبيك. ها وش رايك؟
ثم تنزل أنت راسك في الأرض و تلعب باصبعك في شعرك (أوشنبك)
و ترد و أنت مستحي و خدودك حمرة (هذا إذا كنت محلق اللحية) و تقول:
....
الشور شورك يا يمه إهئ إهئ
تقول أمك: أنا بصراحة ماأشوف في البنت شي. ما شاء لله عليها محترمة
و وظيفتها زينه و راتبها ممتاز ومن عايلة محترمة و من البيت للمسجد
و من المسجد للبيت . ولا عندها سوالف السفر و الخربطة
و ما تشرب
خمر و لا تروح لاستراحات البنات. يعني بنتما عليها.
تقول أنت : بس يا يمه هي ما شافتني من أول. أنا دايما متلثم بشماغي
تقول أمك: هي شافتك و أنت نازل من باص المدرسة بس و سألت عنك
و قالوا لها خوش ولد ماهوب راعي سوق و كوفي شوب و ما يطلع الا مع
ابوه.
و تراها هي و أمها جاين يوم الخميس علشان يشوفونك.
تسال أنت: طيب يا يمه ابوي وش رايه؟
تقول أمك: أبوك ما يدري خليه حايس في المطبخ يحضر عشا.
تقول أنت :اللي تشوفينه يمه.
وتطلع أمك من الغرفة
وتنط أنت قدام المراية و تاخذ نص لفة يمين و نص لفة شمال
تشوف جسمك و تمشط شعرك و شنبك بدلع و تقول:
اه اخيرا حست و خطبتني.
و قبل يوم الخميس تروح أنت لكوافيير رجالي و تكون مسوي
حجز و تقعد و تصبغ شعرك (ميش) و تحف حواجبك و تشيل شعر يدك
و رجلك بحلاوة و تطلع زي فلقةالقمر
وتجي البيت و تلبس الثوب اللي فصلته عند المصمم( عبدهشولق)
لثياب الأعراس و الحفلات واللي
فيه فتحة من عند الساق و فتحه في
الظهر و بدون اكمام و ذاك المكياج وذاك العطر و تنزل للصالة
ويقولك أبوك : يالله دخل العصير على خطيبتك ترى أمك ذبحتنا تسال عنك
تقول أنت بكل خجل: واي واي يا يبه أنا استحي
أبوك يقولك وهو يطق على كتفك و يضحك يا ولد روح لعروسك إهئ إهئ
تقول أنت: يا يبه دايما تحرجني أنت واي واي
و تاخذ صينية العصير و تخش المجلس اللي فيه البنت و تقول بصوت
ناعم: احم احم الس سسسلام عليكم
ترد هي بعد ما وقفت و عليكم السلام ( و هي تناظر فيك و في كل قطعة
فيك)
و تقولها تفضلي
تقول هي: وش الاحلى العصير الاحمر و لا الأصفر؟ بزعمها تبي تلطف الجو
معك
تقول أنت: كله حلو
تقول هي: أكيد كله حلو لانك أنت اللي مسويه
ثم تحط الصينية بسرعة و يدك على فمك و تضحك و تروح داخل بسرعة
الا إخوانك يستنونك و يقولون: ها وشلون شكلها
تقول أنت: وايواي تهبل تهبل حلوة و دمها خفيف
الا أبوك من المطبخ (يزغر بالمصري)
لللللللوووولللللوووووشششششششش مبروك يا ولدي
الا بدخلةأختك العربجيةمن بره و حاطه عبايتها على كتفها
و معلقة السجارة في فمها وتقول : خير وش فيه
يقوله أبوك : قصري صوتك في وحده داخل خطبت أخوك
تقول أختك: وهي وين شافت اخوي علشان تخطبه هاه؟؟؟؟
و تعطيك كف وتصرخ والله لالعن أمها اللي جايه تخطب اخوي:mad22:
إلا بدخلة أمك و تضرب أختك كف وتطلع أختك بالسيارة و تشفط
و تروح للاستراحة البنات . ::
و تمرالأيام و أنت تجهز ثوب العرس و الكوشة و بيت الزوجية
و خلال هالفترة تمركزوجتك بالسيارة تتمشون و تحاول
إنها تمسك أيدك و أنت مستحي ( ومن هناك ودك وبتموت)
و يجي يوم العرس و تقعد أنت في الكوشة و كل الشباب حوالينك
وشوي الا العفسة قايمة : ترى العروس جايه
و ينطون الرجال والشباب كلن يلبس شماغه
و يتلثم
و تدخل العروس مع أمها و أخواتها (أخواتها يتمخترون قدام الشباب )
و تقعد العروس جنبك و ترفع الطرحة (طرحة البسام بصمة خمسة)
و تقولك: الله ص--- مثل القمر
ثم تلف وجهك وأنت مستحي
ويتم الزواج و بعد تسعة شهور الا أنت تصرخ في الليل فيك الطلق
و يودونك المستشفى و تولد و تجيب توأم
وتطلع من المستشفى إلى بيت اهلك علشان تتونس ويهون عليك أبوك ( النفاس 40 يوم)
و تاخذها زوجتك فرصة و تسافر مع البنات ويهيصون قبل
ما تخلص مدة نفاسك الله يساعدك
و ترجع لبيتك تربي عيالك وتطبخ الغدا لزوجتك
وتتخانقون ساعات و تنام و دمعتك على شنبك
ويزيد حدة الخلاف و تاخذ شماغك و عيالك و تروح لبيت اهلك
و تصلح أمك ما بينكم وترجع الحياة مثل أول
خخخخخخخخخخخخخ
شو رايكم ؟؟؟ مهوب خطير هالموضوع ولا ؟؟؟
.
