شو اخبار عياييزكم^^
يا مرحبا يا هل المنتدى بخبركم انه اكيييييييييد
ما فيه بيت يخلى من العيايز وسوالفهم الحلوة لكن تستوي مواقف تخلي الواحد يضحك وما يقدر يود عمره حبيت احط كم موقف...
بيت الجيران طرشوا ليدتي بيتزا مسوية ف البيت سارت وحطت الصحن جدام ريلها وقالت تفضل يا بو فلان سألها شو ها ردت وقالت هذا بيزيا مطرشينه بيت الجيران
هنتين قاعدات وجدامهم الجريدة وحدة قالت للثانية تعرفينه المطرب اللي مسوي عمره مثل الحرمة وسكن ف البحرين ويلبس مثل الحريم ردت الثانية منو هذا قالت الاولى اسمه شكسون شاكسون
حرمة أتصلت للمدرسة وردت عليها السكرتيرة وكانت تبغي تخبر عن غياب بنتها سالت السكرتيرة منو أنتي قالت أنا السكرتيرة ردت العيوز وقالت وشو بعد سكريرة
عيوز تقول لولدها سر اليوم أشتر لي أخر نوع نزل من الموبايلات ويكون فيه الكيمرة اللي تصور الولد طالعها وقال أختربت العيوز
وحدة تقول لولدها كل الحريم عندهن أسهم عيالهم اشتروا لهن اسهم سالها ولدها انزين شو يعني اسهم قالت ما اعرف لكن الحريم اللي يوون عندي خبروني انه عيالهم اشتروا لهم الا انا ما عندي اسهم
يوم طاحت العمارة اللي ف مكة واستوت سالفة الجسر مال الجمرات والحريم المفقودات الميلس النسائي اللي عند يدتي كان له دور كبير ف الحوار والمناقشات اليومية وكان تحليلهم انه هذا من شغل الارهابيين يبغون يخوفون الناس انهم ما يسيرون مكة ويخربون سمعة السعودية
يوم كانوا يحطون ف الجرايد اسماء الناجحين ويسوون لقاءات ويا الاوائل وحدة تقول لامها هذا واحد من نفس قبيلتنا طالع من اوائل الدولة لكنه يقول انه مب فرحان لانه ابوه متوفي وهو مب فرحان لانه كان يتمنى انه ابوه يكون وياه ردت الام وقالت سيري اتصلي للاستعلامات وطلعي رقم تليفونهم واتصلي له وقولي له لا تحط ف خاطرك ولا تزعل كلنا فرحنا لك وانت ولدنا
وانتو شو اخبار عيايزكم؟؟؟
.
