والله حالة .

[gabha2001]

انا اكتشفت اليوم ان فيه ناس يموتون ويسقطوننا . ويسوون المستحيل عشان الشي هذا . ليش ؟؟ الى الحين ما ادري . بس انه صاير .

انا يوم سمعت بالخبر قبل يومين ما صدقته . وقلت يمكن اشاعة زي اشاعة ان العطلة بتبدى ب13 رمضان . بس اني تأكدت اليوم .

الخبر هذا صدم كل طلاب كلية الهندسة في جامعة الملك سعود . فجأة ومن غير سابق انذار حطوا جدول اختبارات نهائية جديد . كأن الجدول الاول مب كفاية انه يحطمنا . تخيلوا ان الكيمياء والفيزياء في اول يوم مع بعض . اكثر مادتين في عدد الساعات في اول يوم . ومباشرة بعدها اختبار ثقافة اسلامية ( وهو اصعب مما تتصورون ) . وبعدين نقعد اسبوع وبعدين نختبر رياضيات .

طيب الالسبوع هذا وش جالس يسوي . يعني لازم اصعب مادتين في يوم واحد . لا ومب اي يوم . اول يوم مباشرة من بعد العطلة . واغلب الطلاب طبعا بيصيرون مواصلين . فما احد راح يهتم باختبار الثقافة .

وعشان يقهروننا زيادة كانوا حاطين في الجدول القديم ان الفيزياء بعد الكيمياء باسبوع . يعني كأنهم يقولون حنا نقدر نفرق الاختبارين بس عناد فيكم راح نجمعها .

المهم انا بس حبت اطلع اللي بقلبي اليوم . لاني عارف انه اول يوم اختبار راح يصير اشين يوم بحياتي .

[gabha2001]

ما اظن . انا امي مدرسة وتقول ان الوزارة سلمت سبع قرارات تأكد ان العطلة في 20 رمضان . وان الاسبوع الاخير لازم يكون عن الملك فهد (حفظه الله ) .