مساء الخير +^______^+
بصراحه ترددت اني اكتب هذا الموضوع الف مره بس بالنهايه اتخذت القرار الاصعب بالنسبه لي بس بنفس الوقت هو الصحيح .
الكل يشاركني بهذا الرائ ان هذا المنتدى يمثل جزء من حياتنا و بالنسبه لي له ذكريات حلوه و عمري ماراح انساها و الاهم من جذي كونت صداقات كثيره لله الحمد افتخر فيها علشان جذي الي بقوله صدقوني صعب علي بس مضطره اودعكم ، عندي اسبابي الخاصه الي راح تبعدني عن المنتدى لفتره طويله ما ادري متى المره اليايه الي راح ادش فيها هذا ليش اتمنى لكم التوفيق و اتمنى بشكل خاص قسم الانمي يرد مثل قبل و احسن ما راح احاتي هذه النقطه خصوصا ان فيه اوتاكو ماراح يقصرون +^_^+
انجل
مستشاري النفسي و مقدم النصايح الله ياهي نصايح و بلاوي معطيني اياها بس لا تحاتي كلهم كتبتهم بس ما اضمن لك اني راح اطبقهم XD
والاهم من جذي الصديق الي دايما القاه ^_^
اميدا
تذكر اول ما تعرفنا على بعض ! شنو الادب و الذرابه الي نازله علينا X3 و ناطره مطعم مثلث برمودا مو تنسى قتلي لي خصم خاص (^_- )
سراب
عبقري الشله ذبحتنا بدراستك وولا مره شفنا علاماتك X3
لا تنسى قروب فانتوم يايلك الصيف ما وراك شيء هذا اذا ما سافرت انت و اميدا و راح اعرف اخباركم اكيد راح تنشر بالجرايد بصفحة الحوادث (^_- )
شادو
اول شيء سوووري لاني ما سويت التوقيع !! توني اذكر
(= =) و الحين منو راح اكله اذا كنت يوعانه X3 و شوف لك صرفه مع ربعك الي بالغرفه ترا مو حاله هذه (^_- )
مستر T
*اقرا الخاص قتلك ماراح اعيد الكلام مرتين * (^_^)
هيمي
صدقيني راح اذكرج بكل ليله مغبره XD و اذا شريتي الهمر الاحمر ما اوصيج مريني (^×^)
انمي جيرل
اسلم لج عهدت نانا ما اوصيج عليها تراها غاليه XD
ادري بينونج و حبج و اخلاص الاوتاكو الي فيج ضلي جذي و عفسي المنتدى خليهم كلهم يتابعون الانمي و المانجا صج راح اوله على مناقشات نانا T^T
و من كل قلبي اتمنى لج انج تركبين دي اس ال XD
انجليتا
بنت الدلو هالله هالله بالروك و سلميلي على دراجون صج مره وحده حاجيتها بس كأني اعرفها من سنين +^_^+
احمد كب
معلم الوصلات و اكثر واحد احب اتناقش معاه ببليتش و للاسف ما سوينا موضوع الفيجرز بس الاكيد ان فجراتي اكثر منك XD<=== خو الجذب ببلاش X3
بو حميد
اذا قالولي منو الاوتاكو بينا اقولهم بوحميد ماشاء الله عليك خاتم الانميات (^_- )
شن
ما قتلك كملت الخمس حلقات الي عطيتني اياهم و صج d(^-^)
و ادري لوعت جبدك بس هذه المره صج ...كاهو جندام سيد جدامي و راح اشوفه و ادري راح اتحسف اني ما شفته من زمان علشان اناقشكم ^_^
رلينا
اذا ذكرت سيد و دستني انت و شن اول اثنين تخطرون في بالي ^_^ من زمان ما كلمتج و ان شاء الله تكونين بخير و صحه يا رب .
فاينل
بدون توصيه علق على عناقيص تنما و خل نشوف اخرتها معاهم و اذا ما طلعت ايري مع هاريما يويلهم X3
هوملس
Keepup the great work تواقيعك روعه و ادري لوعت جبدك بطلباتي بس محد قالك تصير طيب X3
فيوليت
مشكوره انج عرفتيني على بلود+ و الحمدالله ان عجبج نانا و خليج دايما تحطين اخر الحلقات بأيرقو بروكسي (^_- )
يونا
موضوع افانجليون من افضل المواضيع الي مرت علي و خلاني ادمن عليه بشكل مو طبيعي ^_^
كلير
للحين انا على الاسم القديم ( ما اقدر احفظ اليديد XD ) والله ايام زمان احلى ايام (^_- )
انسان
عمري ما شفت واحد ما غير أفتاره مثلك XD و اهم شيء انك بايقه (^_- )
فوتشان و سليب لس
نزل هوت جيميك 11 (^_- ) روحو طلبوه
و فو كل ما راح ا شوف دراما كوريه راح اذكرج فيها (^_^ )
عبد العزيز
ما ادري شلون حبيت بو الحشرات XD
و هذه بعد ابتسامه من ابتساماتي تذكرها لازم اعقدك ْXD
(= =)لا-~
وحده قاعده تشرب سجاير ( متأثره بنانا XD
الشله الي دايما تتبع القوانين XD
سانشيرو + ميبو + ثندر + ياماتو
نقدر نقول انكم البهارات الي تنعنش المنتدى (^_- )
وايز جيرل
موسوعه المانجا ما امل من نقاشاتج +^_^+
جولدن
صدقني مو بس انا ..اي موضوع انت تكتبه اكيد مميز و يستاهل ان الواحد يدش له مليون مره +^_^+
ادري اني نسيت اصدقاء عزيزين علي سامحوني الذاكره عليها العوض بس الاكيد انكم في بالي (^-^)
الي يعرفني يدري اني اغلب الاوقات اتغشمر و اضحك هذا ليش حبيت اخر موضوع لي يكون على نفس الموال بس الاكيد ان القرار الي اتخذته صعب علي و ما تتصورون شكثر مأثر فيني و ان شاء الله بعد فتره صج راح تكون طويله بس لي رجعه بأذن الله هذا كل الي ابي اقوله ومره ثانيه اتمنى لكم التوفيق و كل خير
~ مع السلامه ~
، ما قصرتي ويانا ، ما راح أنسى الأوقات الممتعة الي قضيناها في المنتدى 
، أحب أشكرج على مجهوداتج الطيبة و الانجازات العظيمة التي قدمتيها في هذا المنتدى العزيز.
، بس ما علينا 
المشاركة الأصلية كتبت بواسطة Tokimeki
