قصة مصرقعة من تأليفي........بمناسبة المنتدى المصرقع الجديد.......

[Chandler]

لا تصدقون...


هذي آخر قصة لي....


واللي ماكملتها....


بس حبيت انقلها لهنا عشان القصة مصرقعة.....والمنتدى مصرقع.....



وهذا اول جزء منها

================
هذا الله يسلمكم....دجو قررر يزور نيويورك....((قبل التفجيرات))....ودق علي....

دجو: هلا نواف....ابشرك...انا رايح لأمريكا....اخيرا باشوف العمارة اللي يقولون انها اكبر من الفيصلية ((على نياته الولد))

نواف: معليش دجو....ما اقدر اجي معك....مشغول هاليومين...ان شاء الله الاربعاء باجي ((الاربعاء اللي بعد التفجير))

دجو: طيب خلاص.....يله سلام انا راكب الطيارة....اشوفك في نيويورك سيتي...

نواف: طيب....سلم لي على تمثال الحرية....على فكرة.....مين بيستقبلك...

دجو: الفير اللي بيستقبلني....

نواف: طيب...يله سلام.....


وبعد ما وصل دجو.....لقى الفير جاي يستقبله.....


الفير: هلا دجو.....شلونك....

دجو: وجع....شلون عرفتني....

الفير: سهلة.....انت الوحيد اللي لابس ثوب....وقاعد تكخكخ على الناس...

دجو: كخخخخخخخخخ....الله يرجك...طيب يله....وديني لذيك العمارة الطويلة...

الفير: ههههههههه....اسمها ناطحة سحاب مو عمارة.....الله يفضحك....

دجو: اللي هي...بس وديني لها....

الفير: طيب....اصلا انا اشتغل هناك....ومتأخر على الشغل....


راحوا هناك.....ودجو طول الطريق وهو طايرة عيونه ((اول مرة يشوف عماير اكبر من الفيصلية))....وبعد ما وصلوا....


دجو: وجع....رقبتي تمصعت وما وصلت لآخر ذي العمارة....

الفير: لا تحاول.....اقول...تراك فضحتنا....تعال اركب الاسانسير...

دجو: اححححححح....وش ذا اسانسير ولا شقة....انت في اي دور ساكن...آآ قصدي تشتغل....

الفير: الدور 111.....


طين طون......(صوت الاسانسير لما وصل)


دجو: كح كح كح...اعوذ بالله وش ذي الريحة......بصللللللل.....وعععععععع

الفير: هههههههه نسيت اعطيك كمامة....زي باقي الموظفين....معليش....انا ما اعرف اشتغل الا وجنبي بصل....

دجو: يا اخي ابلشتنا بالبصل...طيب جيب بصل بدون ريحة....يقول فيه في امريكا...

الفير: ايه....بس احلى ما في البصل ريحته....شممممم(ياخذ نفس عميييق من البصل)...يفتح النفس

دجو: يوه...خليني افتح الشباك....واتهوى شوي....الريحة تقوم الميت....


ما امدى دجو يفتح الشباك.....ويناظر.....الا وطيارة جاية مقلعة شوي وتخش في وجهه....دجو المسكين تسمرت رجوله (يعني تيبست ركبه=ما قدر يتحرك)........و.......


بوووووووووووووووووووووووووووووووووووووووووووووم (انفجرت الطيارة وطاح المبنى)....
======================

وش صار على دجو.....والفير.....في الجزء الجاي..... (من زمان ما كتبت كذا)

[Chandler]

الجزء الثاني...

===================
انا بعد الانفجار.....خفت على دجو....قلت الخبل هذا اكيد صار له شي.....وادق على جواله...بس ما يرد.....فجأة دق الجوال...مين طلع............الفير

الفير: هلا نواف...كح كح كح....

نواف: الفير...وش فيك...صوتك غريب....

الفير: اكيد صوتي غريب....توهم مطلعيني من تحت الانقاض....انا اول واحد طلع....

نواف: الحمدالله على السلامة.....بس لا يكون صار لك شي....

الفير: هههههههه....الله يخلي البصل ومشتقاته....انا قايل لكم ان البصل مفيد....والله لو تطيح علي 10 عماير....ما صار لي شي...

نواف: الا اقول....وين دجو.....ابغى اكلمه....

الفير: دجو؟؟!!......ايييييييييه....دجو....وانا اقول وش نسيت.....معليش نواف....(البقية في حياتك)...دجو مات...

نواف: ماااات....هيييييييييييه...دجو مات دجو مات.....آآ قصدي.....انت متأكد...

الفير: لا مو متأكد....بس هو تحت الانقاض.....ما طلعوه.....

نواف: طيب اذا طلع قل لي...اصلا انا جاي لأمريكا بعد ساعة مع سكوالووه...

الفير: نواف.....دريت من هو المتهم الرئيسي في التفجيرات؟؟؟

نواف: يقولون بن لادن....

الفير: اي بن لادن انت الثاني....داينجر هو المتهم الرئيسي...ويقولون ان بن لادن ساعده...

نواف: يوء.....كويس اني جاي.....نحاول نساعده....

الفير: حلو.....طيب ما اعطلك.....يله باي...


وفي المطار.....سكوال المسكين....قاعد يحاول في الموظف انه يدخله...بس ما في امل....((عشانه قصير))

سكوال: اقول....ابي ادخل....انا شاري تذكرة بفلوووووس....

الموظف: يا شاطر....وين (ماما وبابا)....

سكوال: اي ماما واي بابا.....يا ابن الحلال...انا والله عمري فوق العشرين

الموظف: ايه...وانا عمري 345.....((على باله ينكت...تنكيت بزران مع سكوال))

سكوال (قفلت معه ودق على اخوه): اقول ارفين....تعال المطار بسرعة...الظاهر الطيارة بتفوتني....وهذا الدلخ يحسبني بزر....

نواف: هلا سكوال....وش فيك....

سكوال: نواااااااااف....جيت والله جابك...تعال شف ذا المخفة....يحسبني بزر...

نواف: خلاص يا اخوي....هذا معي....


وركبنا الطيارة.....اول ما اقلعت.....نسمع صراخ بنت....

البنت: انا قلت لتس....ابغى هبرجر كراث.....يعني تجيبين هبرجر كراث

المضيفة: بس ما فيه عندنا كراس(يعني كراث)

البنت: الا فيه....بتجيبون لي ولا اخرب الرحلة كلها....
=====================


من هي البنت....؟؟؟؟ في الجزء القادم

[Chandler]

الجزء نومبر ثري

=================

سكوال سمع صراخ البنت....على طول نقز من مكانه وراح لها......

نواف: سكوااااال.....تعال....وش فيك انت ما صدقت تسمع صوت بنت...

سكوال: لا يا خبل.....هذا الصوت الملائكي متأكد اني سامعه من قبل....تعال نفزع لها....

نواف: طيب اصبررررررر......يا هوووووه <==== حشى ما صرنا بطيارة...قاعدين ببيت ابونا...نصارخ على كيفنا


حنا طبعا رايحين درجة سياحي.....والبنت هذي في الدرجة الاولى.....وانا اراكض ورى سكوال.......فجأة وقف بدون مقدمات......وانا ما قدرت افرمل....


طااااخرخارخاخرخاخرخارخ....<==== قاعدين نتقلب في الدرجة الاولى....


سكوال: خير....ما تنتبه...

نواف: نعم.....انت اللي فرملت بدون ما تدق اشارة ((بعذره صدم قبل امس))

سكوال: انت لو تدري مين طلعت البنت...والله ان تنهبل.....

نواف(وهو يلتفت على البنت) : من هي...؟؟.....ميييييييين...سيلفي....وش جابتس ((على طول قلبت اللغة عشان تفهمني))

سيلفي: سكوال...نواف....انتم وش جابكم....

سكوال ((مطرطع)) : هذا انتي يا القصمنجية....والله لأوريك....جايبتني من آخر الطيارة.....عشان افزع معك....طلعتي انتي...

سيلفي: نعم....وش فيها القصمنجية....ما ملت عينك.....وبعدين مين قال لك اني ابغاك تفزع معي....

سكوال: كنت احسبك وحده....طلعتي قصنجية...ههههههههه....فهمتها يا نواف....((ينكت هو وجهه))

نواف: هههههههههههههه.....حلوة <===== ما فهمها بس يجامل

سيلفي: يعني انت مصر انك تسب في القصمان.....احسن لك تسحب كلامك....

سكوال: منيب ساحبة.......براسك شي....قوليه في المنتدى.....

سيلفي: طاااااايييييييب.........شبااااااااب.....ترى هذا القزم قاعد يحش في القصيم ام الدنيا <===== حرفت ابو الجملة.....


وقتها......اكتشفنا.....ان 99% من ركاب الطيارة من القصيم الحبيبه ((بدا المدح)).....وطلعوا الشباب.....

طبوا علينا انا وسكوال.....

طاااااااااخ بووووووم ستااااح....تشششششششششش<==== يسحب سكوال مع خشته على الارض....

سكوال: آآآآي......خلاص....خلاص....القصيم ام الدنيا.....خلاص....

نواف: اتركونيييي....والله ما حشيت فيكم....قسما بالله ما حشيت فيكم...طقوا القزم هذا هو اللي يحش <==== جحد سكوال


يجيك واحد منهم يقول ((تسب بالقصيم...ومشيناها...بس تغلط على بنت خالة اخت جد عم اختي.....هذي اللي ما ارضاها))

انا يوم شفتهم تركوني....قعدت ازحف على ركبي عشان اطلع....وافتك....بس.....وييييييييين.......وانا امشي فرحان.....تجي يد تقول يد غوريلا....وتسحبني.....واستلم يا طق....


ما فيه نوع من انواع الاصابات ما جتني.....

في الاخير....جا واحد دب وقعد علي انا وسكوال.....حنا ما قدرنا نتحرك....

وجت سيلفي....

سيلفي: هههههههههههههههه....قلت لك لا تسب باهل القصيم....

نواف: ابي اعرف وش سويت....ليه تطقوني....

سيلفي: انت ضحكت يوم سكوال قام ينكت علينا...

نواف: والله ما فهمتها...بس كنت اجامل.....اصلا انا احب اهل القصيم كلهم...بنت عم جيران خوالي....صديقتها تصير قصمنجية....


سيلفي: امممممممممممممممممم....وش اسوي فيكم...وش اسوي فيكم...
=================

وش بتسوي سيلفي فيني انا وسكوال.....

في الحلقة الجاية.....

[Chandler]

الجزء الرابع....

==================
قعدنا ساعة الا ربع والرجال مريح علينا انا وسكوال......وسيلفي واللي معها محتلين الطيارة.....((في الاخير طلع الطيار ولد خالة ام صديقتها))...

اما سيلفي......لو تشوفونها.....قاعد تتلذذ باللي يصير لنا.....وحنا ساكتين شامخين ((نصاب من اولها وانتم تصايحون عليها عشان تفككم))....

سيلفي: الحين وش اسوي فيكم.....اجلدكم.....ولا افضحكم في امريكا.....ولا اييييييييييش.....

سكوال: تدرين انك جميلة.....عيونك في جمال آخاذ...<==== قاعد يلعب عليها

سيلفي: ايش......تستهبل انت وخشتك....

نواف: ايه والله.....تصدق توني انتبه لهالجمال....انتي مسوية عمليات؟؟...<===== مسكت خط مع سكوال

سيلفي: وجع....وش فيكم قلبتوا.....بعدين احترم نفسك هذا اللي تشوفه....جمال طبيعي بدون عمليات....

سكوال: مو معقول.....كيف ما انتبهت لهالجمال....ما ادري وش اشوف....عيونك ولا خشتك((عليه غزل زي وجهه))...ولا شعرك....

سيلفي: ههههههههييي((تضحك بنعومة)).....يعني اول مرة تلاحظ <==== الخبلة صدقتنا

نواف: لو سمحتي يا سيلفي.....سوي فينا اي شي....بس لا تحرمينا من شوفتك <==== تحمست بقوة

سيلفي: ههههههههههههيي ((احمرت خدودها))....خلاص يا محيميد قوم من فوقهم.....

الرجال قام من فوقنا.....بس انا وسكوال ما قدرنا نقوم.....لزقنا في الارض...تخيلوا ساعة وانتم لازقين في الارض......

سكوال: نوااااااااااااااف......ما اقدر اتحرك...

نواف: شايفني اناقز قدامك.....انا زيك ما اقدر اتحرك....الظاهر جانا شلل من ذي الخبلة سيلفي....

سكوال: ((يبغى رقع كلامي)).....قصدك جانا شلل من جمالها....

سيلفي: محيميد....اقعد عليهم مرة ثانية.....

ما تشوف الا محيميد جاينا طاااااااااااااااير ناوي يهرسنا.......انا وسكوال جانا نشاط عجيب....نطينا من مكاننا وبعدنا عنه.....

سيلفي: هههههههههههييي........شفتوا كيف.....الخوف قومكم.....

سكوال: ((حقد عليها))....يعني تلعبين علينا....دارية لو اننا تأخرنا لحظة وحده كنا صرنا ((نواف وسكوال مهروس))

سيلفي: خلاص ما صار الا الخير....تعالوا وقولوا لي وش جايبكم هنا.....{سعيدااااان....القهوة}<====== قاعده ببيت ابوها

نواف: ((.....))....هذي هي السالفة....وجينا نتطمن على دجو....يقولون انهم ما لقوا جثته الى الان....بس يسمعون كخكخه تحت الانقاض....


طين طون طين......تعلن الخطوط السعودية عن وصول الرحلة رقم (2065) الى نيويورك.....


سكوال: يله بسرعة خلينا نروح لدجو.....

سيلفي: انا بأجي معكم.....

نواف: لا....معصي.....

سيلفي: ايييييييييييييييييييييش.......انا تقولون لي لأ....

سكوال: ((وهو يناظر محيميد)).....خلاص....تعالي...انتي تآمرين امر....


بعدين مسكني على جنب وقال لي....((خلينا بس ندخل المدينة...والله لأورطها...واخليها المتهم الرئيسي بالتفجيرات)) <===== شفتوا الحقد وش يسوي.....

=======================


وش صار على دجو........الباقي في الحلقة الجاية.....

[Chandler]

الجزء الخامس....

=======================

المهم....

حنا نزلنا من الطيارة....وفتشونا تفتيش مب صاحي...انا وسكوال مشينا بس يوم جا دو سيلفي.....

المفتش: ستوووووووووووووووووووووب ((يعني وقفوا))...

وراح يفتش سيلفي..................وفي الاخير......طلع كراثة.....

المفتش: ذيس إز بومب ((يعني هذي قنبلة))

سيلفي: هههههههههههه....ضحكتني....هذي كراث....يو دونت نو كراث.....كراث إز فيري قود

المفتش: اقول....وش رايك تتكلمين عربي....قرفتيني من الانجليزي...

سكوال: يعني انت عربي....اخيرا احد عربي...<==== تونا واصلين ويقول أخيرا

نواف: طيب....الحين انت وراك موقفنا......

المفتش: اولا انا مو عربي.....بس اصرف لي اتكلم عربي عشان ما تشوهون الانجليزي

سيلفي: طيب اذا تبغى خذ الكراثة.....عندي كثير غيرها.....

وترمي عليه الكراثة.....

المفتش: نوووووووووووووو......قيت داون ((انزلوا تحت))

وما تشوف الا كل اللي في المطار منسدحين <==== يحسبونها قنبلة....


طبعا وقفونا ساعتين يستجوبونا.....وبعدين طلعنا....ونلقى الفير ينتظرنا....وقاعد يقرمش بصلة ((فضحنا عند الامريكان))

نواف: الفيييييييييييييير......

الفير: نوااااااااااااااااااااااااااااف....


ونركض لبعض....وبعدين عناق....ترقن ترقن ترقن <=== هذا صوت خطواتنا وحنا نمشي لبعض....

ويوم جيت اخمه واعطيه بوستين.....لفحتني ريحة البصل.....ورجعت ورى عشرين متر.....

نواف: الفير....الله يقرفك.....وعععععع....حتا هنا بصل

سكوال: ((وهو لابس كمامة)).....يا ذكي المفروض تآخذ احتياطاتك زيي....

وقعدنا نسولف شوي....

سيلفي: احم احم......ما لاحظتوا ان فيه شي ناقص...

الفير: سيلفييييييييي.....انتي هنا....

سيلفي: لا هناك...بس استهبل يعني اكيد هنا يا دلخ....

نواف: طيب خلاص...يكفي ترحيب.....خلونا في الجد.....الفير الى الان ما لقوا دجو؟؟

الفير: لا......الى الان طلعوا اكثر من 5000 جثة و2000 جريح.....بس ما زالوا يسمعون صوت واحد يكح....بدال بدال ما يكح كذا((كح كح كح كح)) يكح كذا ((كخخخ كخخخ كخخخ)).....

سيلفي: هذا اكيد دجو.....طيب وين داينجر....يقولون انه المتهم الرئيسي...

الفير: هههههههههههه.....داينجر.....شوفوا هناك.....تشوفون هذيك الحلوة الشقرا....

سكوال: ((قام يسعبل))...ايه ايه ايه ايه ايه ايه ايه<===== علق

الفير: هههههههههههههه....هذا داينجر بس متنكر......

نواف: دااااينجر؟؟!!؟؟!!.....وراه قلب كذا....

الفير: عشان الCIA والFBI ما يمسكونه.............دودو ((اموت يا الدلع))...دوووودووووو.....<==== ينادي داينجر

داينجر: هاي.....دمونجوغوا فغانوسوا جغجغ.....((كلام تشيكوسلوفاكي))

الفير: طيب....شوف....الحين حنا بنروح للكوفي شوب.....اللي اتفقنا عليها....لاقينا هناك...OK؟؟

داينجر: OK.......باي باي.......امووووووااااح ((بوسة لسكوال)) اموووووااااح ((بوسة لي انا))

نواف: ههههههههههه....والله متنكر صح.....رهيب...

سكوال: ((فاق فمه وقاعد يسعبل))......وجع هذا الجمال كله.....داينجر....لا لا....مو معقول

الفير: طيب بسرعة....خلونا نروح للمقهى....

سكوال: مقهى انترنت؟؟؟

سيلفي: يا الدلخ......انت حدك مقهى انترنت....هذا كوفي شوب....زي كوكب الرياضة....

سكوال: اهااااا...طيب يله خلونا نروح....



بعد ما وصلنا للمقهى.....

الفير: يس بليز.....آي وانت ون تيبل ويذ فور تشيرز ((ابغى طاولة واربع كراسي))

نواف: طيب....يله وش تبغون....كل شي على حسابي....<==== اخس يا كريم

سيلفي: ابغى واحد موكافرابيتشينو....وواحد ساندوتش كراث....بس قل له لا يكثر الليمون <==== مسويه نفسها متطورة

نواف: اقول.......وين سكوال..؟؟؟.......فاضين له حنا.....انا قايل لك يا سيلفي امسكيه زين لا يضيع منك ((صاير بزر))....

سيلفي: والله آسفة وش اسوي......
=======================


وين طس له سكوال.......


في الحلقة الجاية

[الجليله]

هههههههههه حلوه
وتبغى الصراحه كل مايجينا منك حلو

[Chandler]

احم...

الجليلة....تسلمين على هذا الكلام الحلو <<<< راسه صار اكبر منه من كثر المدح


وتفضلي الجزء السادس

=======================

نواف: يووووووووووووووووووووه....وين راح له ذا......ما صارت هذي كل شوي مشكلة....

سيلفي: سكوااااااااااااااااااااااال.........وييييييييييييييينك.....

الفير: اشششششششششش......فضحتونا الله يفضحكم.......قاعدين ببيت ابوكم انتم........كل واحد يصارخ على كيفه.....

نواف: طيب وش نسوي....ضاع الولد مننا.....

سيلفي: نواف...نواف...نواف((علقت)).......شوف هناااااااك....

الفير: من هذا......سكوااااال؟؟؟؟.....وش قاعد يسوي مع ذيك البنت....

نواف: سكوال؟؟.....وش تسوي.....

سكوال: وشو.......قاعد اغازل.....اصبر يا ولد......انا مجهز لك كلمتين غزل بالانجليزي....يدوخونها.....

نواف: ((وانا امعطه مع اذنه))....فاضي لأهلك انا.....حنا جايين هنا نساعد داينجر ودجو....

سكوال: آآآآآآي....((البنت وقف شعرها مع الروعة وراحت لأمها تراكض))....وش سويت......طارت البنت.......كذا يعجبك؟؟؟؟

الفير: شوف....هناك بنت احلى منها...روح لها وجرب حظك ((امريكا خربت الفير))....

سيلفي: تستهبل انت الثاني.......حنا مستعجلين......وساندوتش الكراث بيبرد ((اصلا هو بارد))

سكوال: طيب.....بس هالبنت......

وراح لها....وعلى وجهه ابتسامة 4×4 .......

سكوال: hi.....

البنت: hi.......

سكوال: آي لوف يو <==== اموت على الغزل اللي يعرفه....

البنت: تسدحت من الضحك....وقالت....شو ظريف.....انتا عربي؟؟

سكوال: الاخت عربية...؟؟......اممممممم.....انا آسف...بس كنت احسبك وحده اعرفها ((ما يعرف يصرف))

البنت: طيب يا شاطر....يله....روح لماما وبابا......

سكوال ((طرطع)) : طااااييييب.........ونط على البنت ناوي يذبحها....

حنا على طول نقزنا نحاول نفكه....بس سكوال اذا عصب.....محد يقدر يفكه.................................

وينقز عليها ذيك النقزة الصاروخية......

سكوال: نياااااااااااااااااااااا.....

حنا غمضنا عيوننا.................و ما تسمع الا.........

طااااااااااخ طييييييييييييييييخ طخ طخ طخ طخ طخ....طررررررررررركركرككر...بووووووووووم....تششششتتت....تررررررن <=== خاشة عرض

وفتحنا عيوننا......

لقينا سكوال مرمي على الارض....ومتصفق من اوله لآخره.....والبنت ما صار لها اي شي.....((طلعت ماخذه الحزام الاسود في الجودو))

وفجأة.....

ويو ويو ويو ويو ويو ويو ويو ويو........<=== صوت السيفتي بس نوع امريكي

ويجيك الشرطي ويكلبش يدينا......

{يور أندر اريست (مقبوض عليكم)...وقام يخرط علينا}


====================

وش بصير لنا.....وليه مسكونا......

في الحلقة الجاية.........

[Chandler]

الجزء السابع...

=-=-=-=-=-=-=-=-=-=-=

الموقع: مركز الشرطة بنيويورك

الزمان: ما ادري...ما كان معي ساعة وقتها




صرخة تشق السكون <<<<< بالع كتاب النحو


((وااااااااااااااااااااااوييييييييييييييييييييييييييييحاااااااااااااحييييييييييولااااااااااااااااااا
ااااااااااااااااااا.....{راحة بين الصرختين}....اهيء اهيء...لاااااااااااااااااااااا انا مظلووووووووووووووووووومه...حرااااااااااااااااااااااام))


نواف: بسسسسسسس.....وجع.....اسكتي.....لك 7 ساعات تولولين...فكينا.....ابغى ارتاح شوي.....

سكوال: كويس اني شريت ووك مان....الحين ما اسمع الا ستيبس ومرتاح من ازعاجها.....

نواف: اقول.....ما لاحظتوا ان الفير و داينجر جحدوا....

سيلفي: وااااااااااااااااااااااااع.....وييييييييييييييييييييييييع.......ايه لاحظت<<< على طول سكتت

سكوال: هذي آخرتها......الغلطان اللي يطلع معهم.....


(((طرااااااااااااااااااااااااااااااااااااااااااااااااااااااااااخ)))


طاحت حجرة من السقف على راس سكوال......المسكين على طول اغماء.....وجا فوق راسه عصافير تدور حوله <<<<< تراني ما انصب

سيلفي: واااااااااااااااااااااااااااااااع.....سكوال مات.....ووووووووووووع >>> هذي صيحة جديدة......وينك يا أماااااااه......وينك يا أبااااااه...تشوفون بنتكم....يعذبونها.....

ويطل الفير من الفتحة ومعه واحد شايب.......

الفير: هلا شباب......

سيلفي: الفير....((على طول انقطعت الدموع والنياح)).....

نواف: سكوالوووه.....قوم....يووووووووووه.....الحين الدلخ هذا ما لقى الا هالمكان يوقف فيه.....

سكوال: ايش؟؟...مين؟؟...كيف؟؟...وين؟؟...لماذا <<< خاشة عرض

سيلفي: ((وهي تكفخه كفوف مب صاحية))....سكوال....هيييييه....قووووم....يله المدرسة <<< اي مدرسة انتي الثانية

الفير: بسرعة قوموه....الحراس بيجيون بعد 4 دقايز و23 ثانية و16 جزء...بس انا محضر لهم مفاجأة حلوة.......قنبلة بصل مخدرة....تجيب اجلهم...

وينزل سلم....حنا على طول تسلقناه وطلعنا......

سكوال: اهلين يا أخ العرب <<< خرف بعد الضربة

الشايب: سكوال يا الدلخ...انا داينجر....

سيلفي: داينجر.....ما كنت بنت حلوة وشعرها حلو <<< مقهورة من شعرها

الشايب: اشششش.....قصري صوتك....خلاص....انسوا اني داينجر...بعدين نتورط <<<< اخسسسس يا جاسوس...

نواف: المهم....خلونا نطلع بسرعة.....باقي دقيقتين على انفجار القنبلة...

وعلى طول نطنطنا من سطح لسطح.....لما وصلنا لسطح بيت مهجور....ويوم نزلنا للبيت...وطلعنا من الباب.....و.............


مفاجأة....


4 هيليكوبتر.....و13 كلب....و406 شرطي.....هذا غير سيارات الشرطة والدبابات......و......و......


=-=-=-=-=-=-=-=-=-=-=-=

وش بيصير لنا......هل...بنموت؟؟ <<< وش رايكم بالفصحى

في الحلقة القادمة.....

[Hane]

وااااااااااااااااااااااااااااااايد حلوه القصه

و شكرا ..

[skllkid]

القصة حلوا مرة يحلو بس يلا كمل

[king_boy]

انا من عشرين سنة وانا ارفع بالموضوع القديم
و مستني التكملة كمل يا ولد الحلال نبي الاجزاء الجديدة

[Lucky guy]

كخخخخخخ الله يرجك كخخخخخخخخخخخخخخخخخ عليك حركتات

[Chandler]

مشكورين كلكم...


وقريبا....الجزء الثامن

[عاشقة كيد]

كتب العضو (naf)
مشكورين كلكم...


وقريبا....الجزء الثامن

يعني ان شاء الله متى؟

ومبروك عالمنتدى الجديد - مسكينة دوبها تدري -

[Chandler]

والله يا عاشقة.....انا متعيجز.....لأن القصة بتكون طوييييييييييييلة.....وانا ما لي خلك.....




والله يبارك فيك (((مسكينة توها تنبه للمنتدى الجديد)))