اخيرا تم اكتشاف الطريقة. وهي كما يلي:
1- افتح جهاز الكيوب حتي توصل للوحة الرئيسية، رقمها R39.
2- ابحث عن قطعة صغيرة (مقاومة) رقمها R6 بين الثلاث قطع الي في الصورة.
3- مكان القطعة فاضي في الياباني وموجودة في الامريكي.
4- اذا تبغي تحوله الى امريكي، وصل في الفراغ سلك او مقاومة. واذا تبغي تحول الامريكي ياباني، شيل القطعة الموجودة.
5- طبعا افضل الحلول هو توصيل مفتاح (سوتش) في مكان القطعة ووضعه خارج الجهاز. يصير تحوله بين النظامين بحركة المفتاح زي اللي في الصورة. شغل ملكي.
فيه مشكله بسيطة، لازم من كرت ذاكرة لكل نظام. كرت الذاكرة اللي قد استخدمته مع اي لعبة يابانيه ماراح يخزن لعبة امريكيه معاها الا اذا مسحت كل الكرت. مشكلة بسيطة بس الواحد يعمل حسابه.
العملية كلها تعتبر بسيطة جدا بس الافضل تخلي فني يسوها. انت بس قله وش يسوي بالظبط وراقبه.
ننتندو لم تعلق على العملية بعد. قد يقولون انها بتخرب الجهاز كعادتهم. انا رأيي كشخص درس الكترونيات ان العمليه شكلها آمن تماما والله اعلم.
للموضوع كاملا باللغة الانجليزية
الدر
لازم تكون يابانية عشان أثق فيها