جائنا من الديوان السيلفاوي & الورداوي المشترك...النبأ التالي:
قد يخونن لساني عن الكلام ، و قد يعجز قلمي عن الكتابة ،
قد يكون هذا إعلاناً لإنقطاع ، أو عرفاناً بالجميل ، أو مجرد بربسة ، ولكنه قطعاً
ليس نهاية العالم !!!
<---- مضيعه منظمه اليونسكو
تسني بكم ودكم تلخونن كل واحد بزبيريته بس جايتكم بالحتسي ":"
اعلن أنا سيلفي...وأنا بكامل قواي العقليه....اني انا ياسيلفي ودي أعقل...
ايه نعم....بعقل...والعقل....هو عين العقل <----- ايه بالله عقلتي
ولان جدتي كانت دايم تقولي... (اعقلي ترى العاقلات قايم سوقهن الحين)....والان فقط عرفت وش يعني قايم سوقهن...واللي مايعرف....لايعرف....الا اذا عقل :|
حضرات الساده والسيدون والانسين والانسات اللي في يوم من الايام وليلتن من الليلات (لزوم السجع) اضافوني في الماسنجرات (ياملحي وانا اسجع)
(((((((( أعزائي ..
اعذروني الموقف يستدعي إني أحكي بالفصحى .. لِندع الإستهبال جانباً ولو لدقيزة واحدة تكفون
ترى من ضمن مشروعي للعقل قلت بصدر واحد من قراراتي الا وهي...
انه انتم ياللي اضفتون بماسنجراتكم يسعدني ويثلج صدري ان ازف لكم انه بامكانكم اليوم وفي هذه اللحظه ان تستغلوا مكانن شاغرا في ماسنجراتكم عندما تحذفون سيلفي,,في بادرة ليست الأولى من نوعها ولا الأخيرة بلا أدنى شك ولا تطريز لانها ماعاد هي بداخلتن عليه ابدددد وذلك نظراً لظروف فنية و إقتصادية و صحية و دراسية و إجتماعية و علم نفسية و شخصية ( ايه هين شخصيه وانا ماخليت شي الا وقلته)و إرتباطات أخرى
والمثل يقول الباب اللي يجيك منه ريح سده واستريح,,,
وانا ياكثر الرياح اللي جتن من الماسنجر وانا ساكته واقول ناس مهابيل منحطين......ماكفاهم الحظر...قاموا يرسلون بالايميلات وانواع السب والشتايم!!
سكت قلت يمكن ظاهره منتشره في جميع ماسنجرات البنات...بس مااااش...الظاهر انا الوحيده تسذا
وليييييه؟؟؟ عرفت ليه!!! لان كل من هب ودب عطيتهم وجه...وكل من هب واضافني اقبل الاضافه
وكل من هب ودب قام يوزع ماسنجري على اخوياه والشله :":
بس تدرون ان المشكله المشكله حتى لو حظرتهم و دروا اني حظرتهم....ارسلوا لي بايميلات ثانيه وسب وتهديد وكلام والله بحياتي ماسمعت ولا قريت مثله
زياده على الكلام اللي طلع علي....امثثثله كثر التراب
- سيلفي...انتي وش علاقتس بفلان؟
- سيلفي ماهقيتها منك؟ كذا تطلعين علي كلام؟؟ كذا تحشين فيني؟ فلان يقول انتس حشيتي فيني وقلتي كذا وكذا
زهقت انكر....وزهقت من هالاشكال اللي كل شوي واحد يسب و الا يطلع علي اشاعات والسبب الماسنجر
اتذكر يوم كنت على ايام الياهو ماسنجر...كنت بالف خير وخير...
صحيح فيه ناس والله ماشفت منهم الا كل خير....
بس الشكوى لله...الخير يخص والشر يعم <----- اي شر انتي الثانيه الا قولي سويتي فيهم خير يوم فضيتي لهم مكان بالماسنجر
أخالُ أن بعضكم قد أصبح قاب قوسين أو أدنى من الإنهيار ، و البعض يفكر في الإنتحار...كيف لا وهو سيدخل ماسنجره دون ان يرى ذاك القمر المشع الذي طوال تلك الايام والاشهر والسنون والضروس كان ينير له ماسنجره....
اين ذاك الاسم الذي رغم الانوثه الطاغيه اللتي تتدفق منه اتهموه بالعربجيه في ليلتن غاب عنها ضوء القمر <------ أثار الادبي
اووووووه ويا اني بفتقد ايميلي القديم,,,بفقدهم يوم كانوا يعيروني ام سلطه...وبفقد خناقاتي مع محمد صبحي
وبفقد هذولاااااااك اللي من اخش يعيروني بكندر:": <------كل مااتذكر هالسالفه يحمر وجهي من الفشيله
واشيااااء واجد بصراحه,,,, (((( وش ابي بالضبط....مره فصحه ومره تكروني ))))
بس احسن لي....واجد احسن لي....على الاقل بفتك من العيال ومشاكلهم
الزبده....انا بغيت اكمل شهر دون مااكتب موضوع جديد..وهذا مو من عادتي.......ففكرت كثير ياربي وش اكتب ياربي وش اكتب
قلت يله خلني اعلمهم اني منيب خاشه الماسنجر عشان يحذفونن.......":" وعشان اعلمهم اني عقلت
------------------------
حاقه تانيه ابي اقولها....
ان القرار هذا قرار جماعي بعد اتفاق مني انا وياورد....يعني اللي مضيفنا بهالايميلات
cute_candy
yaward
احذفوه وانتم مغمظين واللي مايحذفه ترى مهب ازين له...واللي بيتركه يقاله يبكي على الاطلال وباقي على ذكرانا ترى مهب لاقي احد غير الجن اللي سكن الايميلات فاحسن لكم ولصالحكم تحذفونه قبل مايلبسكم جني همن يركضون به اهله من شيخ لاشيخ يعالجونه,,,همن تحطونها فينا ويدعون علينا....اللهم برينا ذمتنا خلاص <-----والله لو انها اقلام رصاص نبريها
والبيان اللي وصلنا من مكتب ياورد هو:
ياوووورررررد......تركت المنــتــدى..دون رجعه.. ايه نعم...هي تقوله....وتقول منيب داخلته مره ثانيه....
وتسلم علاااااكم كل ابوكم وتقول سامحونا عاد ان غلطنا على احد والا مدينا يدنا على احد من غير قصد والا سويت شي حيصي بيصي...والا بيصي حيصي:"
وبنفس الوقت تقول به ناس اكتشفت انهم ادنى من مستواها بكثير وهي مايشرفها تقعد مع هالناس في مكان واحد...
<------ ياورد تقوله
اللهم اني بلغت اللهم فاشهد
-------------------
موضوع بلا ردود.....كالحديقه بلا ورود..
<-------- تحب الردود
ويله الحين اسمحوا لي بروح اضف باقي عفشي من الماسنجر واخمد بكره وراي مدرسه <----تغيب ايام الدراسه وتداوم خميس وجمعه
وهالموضوع صارلي ساعه ونص اكتبه....تحسون وحده فااااااااااضيه ودها تدردش
وفهمتينا
