مشكلتي في اللغة ..

[Portable.]

السلام عليكم ورحمه الله وبركاته


عندي مشاكل تواجهني في اللغه الانجليزيه وأُريد معالجتها :


المشكله الاولى ..... ما اقدر اركب الكلمات مع بعض الكتابه ما اقدر اركبها مع بعض !

المشكله الثانيه .....عدم حفظ الكلمات بشكل سريع

اتمنى تقولولي كيف اعالج هالمشكلتين ,, واكون شاكر لكم ..

[St.Mohammed]

تقريبًا عندي المشكلتين نفسها ..

أنتظر العلاج معك أخي المصمم الكبير .

[Dark Flame]

المشكله الأولى هي مشكله grammar ( القواعد ) الثانيه عدم حفظ الكلمات

حل الاولى أنك تشتري كتب تعليم القواعد الإنجليزيه والثانيه أنك تحط لك دفتر وتكتب الكلمات اللي ما تعرفها وتحفظها وتكرر كتابتها .

وتذكر أنه مابه شئ يجي بسهوله ^.^

[مستر كايبا]

ركز عند الحفظ او ادخل معهد تعليمي

[gozaz]

أهلين أخ مصمم الكبير

انا باقترح انك اول شيء تدخل دورة في اللغة عشان تعرف و تتمرن و تتحدث اللغة حتى لو داخل الفصل بس...برضو حتطلع بشيء في النهاية ان شاء الله
+ تشتري كتب او قصص...اهم شيء انه يكون موضوع يحمسك انك تقراه...اصلو اذا تجي تشوف مكتبتي كلها كتب اشتريتها بس عشان الغلاف عجبني ..مش الموضوع و اهي مرمية و لا احد معبرها...بس حيجيها يوم ان شاء الله....المهم و انت بتقرأ خلى معاك المترجم و اذا كان مترجم الكتروني و ناطق يكون احسن...ترى ديه الطريقة مرررة جيدة...و انا الى الآن بأسوي كده.
و انت بتطلع الكلمات خلى جنبك ورقة تكتب فيها الكلمات بالمعاني اللي انت طلعتها...اوك....و بعدين بعد ما تخلص شوف مكان عندك في غرفتك او اي مكان دائماً عينيك تجي عليه في الروحة و الجاية او حتى القعدة...و علقها فيه عشان طوووول ما انت رايح و جاي تجي عينيك على الكلمة و معناها....على فكرة الطريقة ديه موو بس جيدة..ديه حتفرقع من الجودة اللي فيها...انا اوقات اسرح في كلمة بمعناها...و تلاقيني دايماً اتذكرها..

+ فيه طريقة حلوة برضو لحفظ الكلمات اسرع..الا و هي طريقة البطاقات اظنها طرحت اعتقد مرتين...مش متأكدة..و ما في ارجع (باك) عشان اشوف
المهم طريقتها انه الكلمات اللي طلعناها تكتب كل كلمة على بطاقة بألوان تحمسك على التعلم و خلف البطاقة تكتب معنى الكلمة+نوعها اذا كانت اسم او فعل او حرف...الخ
و تحاول تشوف الكلمة و تحزر ايش معناها و ايش نوعها...على فكرة ممكن تلعبها مع احد من اصحابك...مرررة تحممسس..احنا كانت ابلة الانجليزي تلعبنا هي

انا عارفة اني طولت...بس حبيت انقلك طريقتي في تعلم الانجليزي....و ان شاء الله تكون افادتك

بالتوفيق

اختك
gozaz

[Money Talks]

أنصحك يخوي علشان تتعلم تركيب الجملة الإنجليزية من البسيطة الى المعقدة والمركبة، أنك تشتري كتاب Writing Good Sentences سعره غالي حدود 70 ريال بس جدا مفيد. وكتاب قواعد english grammar راح يعلمك كيف تصرف الجملة بين الأزمان بشكل صحيح. أما بالنسبة للمفردات، حاول تتدرج في تعلمها من السهل إلى المصطلحات والمعاني الأدبية، يعني أنصحك تبداء بقرأة قصص الأطفال لأن لغتها تكون سهلة وبسيطة وممتعة وكل الكلمات اللي فيها راح تفيدك.

[Mr.FMZ]

للوصول إلى الكتابة الجيدة .. هناك دورات في الكتابة وتعتمد الكتابة في الانجليزية بشكل عام على شيئين:
- معرفة طريقة الكتابة ( الكتابة الأكاديمية لها طرق محددة واستخدامات معينة ).
- القراءة ( كلما قرأت اكثر ستكتب افضل ).

طبعاً هذا يقال كحل .. ولكن يبقالك التطبيق .. وفي النقطة هذي بالضبط الظاهر يبيلنا كلنا نطبق .
واضيف ايضاً ان في كتب تعليم الكتابة الاكاديمية .. يوجد تبيين لبعض الاخطاء الشائعة في الكتابة وكيفية تلافيها فاتوقع هذا ايضاً سيفيدك ..
ولا تنسى ( والأولى "ولا ننسى" ) التدريب ثم التدريب ثم التدريب ..
بالتوفيق
Mr.FMZ