اولا.....
انا جاي مهدود حيلي.....وباكتب لكم باختصار مختصر عن اللي صار........
جاني RaEe3 بعد صلاة العشاء مباشرة.......وقال يله خلينا نطلع.......اخذنا لفتين بالجيب حق عزوز.....بعدها دقينا على ارفين....وما امداني اقول له بنطلع........وافق على طول <<<< مسكين ما عنده احد يطلع معه.....
رحنا للثمامة......وبسطنا على الارض.....وقعدنا ناكل....<<< الناس يشوون لحم وحنا خكارية جايبين ساندويتشات من كودو....
بعدها قعدنا ندور بالسيارة وانا وارفين نطلطل من الشباك......والناس يناظرون فينا....حنا كنا نحسبهم يناظرونا من زود الاعجاب.......بعديييييييييين اكتشفنا انهم حاقدين علينا.....لأننا نغبر عليهم وعلى اكلهم....
بعدها هربنا قبل ما يصفقونا ورحنا لمكان سيارة ارفين ((هايلوكس ما فيها مسجل)) وقعدنا نفرفر بالسيارة....وصار لنا موقف ماله داعي....
عزوز اخذ مني الجوال....وما رضى يرجعه.....المشكلة....انه هو راكب قدام وانا ورى مع اخوه ((اخو عزوز جاي معنا))....المهم تطاقينا...ارفين فزع معي....واخو عزوز مع عزوز.....ومع الحماس انكب البيبسي اللي مع عزوز على الكرسي حقه....
الحين تخيلوا شكل عزوز....مبوبز على الكرسي ومعطي الناس اللي في الشارع مقفاه....كل هذا عشان ما يجيه بيبسي على ثوبه.....بعد كذا وقفنا على جنب ونزلنا انا وعزوز وجلسنا نتلاحق.....((كأننا بزران))......في الاخير لحقته وصفقته واخذت منه الجوال وفي غفلة منه ((حلوة غفلة منه)).....ركبت مع ارفين ودعسنا.........بس وييييييييييييييييين.....مع الحماس الزايد ركبت قدام مع ارفين....ونسيت ان فيه بيبسي مكبوب على الكرسي..........و.................قعدت.........((وععععععععععع....بيبسيييييي)).....وركبناهم ورجعوني للبيت عشان أغير ثوبي.....
راحوا ورجعوا لي بعد ربع ساعة بسيارتين....الهايلوكس والددسن حق عزوز.........وتوزعنا على السيارتين....واستلم يا تنطيل وتفحيط.....(((انقهري يا سيلفي
بعدها طبينا انا وارفين في صندوق الددسن.....عزوز ما صدق خبر.....وما فيه حركة يعرفها الا وطبقها علينا.....وما وصلنا للبيت الا وحنا مكسرين وركبنا رايحة فيها ((تخيلوا قاعدين في الصندوق مبوبزين وعزوز قاعد يستلعن وينطل بالددسن)).....ارفين من القهر....تحدانا انا وعزوز نركب في صندوق سيارته.....قال انا بالف لفتين وارجع <<< حنا المخفات صدقناه وركبنا في الصندوق....
ويسوي حركات......قسما بالله انا وعزوز دخلنا في بعض من كثر من نتصاقع ونتصافق.....وبعدييييييييييييييييييييييين وقف.....((حنا ما قوينا نتحرك....انسدحنا في الصندوق))....هو يوم شافنا كذا اعجبته الحركة وشغل السيارة مرة ثانية واسلتم يا تفحيط.......<<<< قسما بالله حقدت عليه
وما رجعت للبيت الا وانا مكسر ورايح فيها.....قعدنا نسولف لما طفشنا وصرفنا بعض وجيت اكتب الموضوع.....
ملاحظة:
1- ارفين هو اللي عزمنا على العشا <<< بالقوة عزمنا...
2- انقهريييييييييييييي يا سيلفي....فحطنا <<<< احس انها ودها تصبخني باقرب زنوبة
3- عشان ما تلخبطون ((عزوز=RaEe3))
وبس.....................باروح انااااااااااااااااااااااااااااااااااااااااام
