عضو جديد
لو سمحتوا يا أعضاء .. استفسار عن قسم الطب وخاصة قسم العيون لا تطنشوني بلييز
لو سمحتوا يا أعضاء هل دراسة قسم العيون صعب
وكم سنة اخذ لما اصير دكتورة 3 سنوات او اكثر
وكم ماده يدرسون وهل هي صعبة
واساسا كم سنة ادرس اذا ابي اصير دكتورة
واخيرا كم النسبة إللي لازم اتخرج فيها علشان اتوظف في مستشفيات كبيرة ( أرامكو .. المانع .. سعد .. الألماني )
أرجوا أن يكون ردكم وافي وشامل
وشكرا
كن في الدنيا كأنك غريب أو عابر سبيل واجعل الله تعالى امامك في كل خطوة
عضو مميز
إنتي من السعودية صح ؟؟ ..
المهم أنا بدرس في كلية الطب السنة الثانية حالياً
أولاً لمن تتخرج من الثانوية لازم يكون معدلك فوق 90% وأيضاً يكون فوق 90% في مواد الفيزياء والأحياء والإنجليزي والكيمياء ..
عشان تصير فقط طبيبة عامة مع شهادة بكالوريوس تاخذ 7 سنين دراسة منها ست دراسية والسابعة إمتياز ( تطبيق ) ..
عدد المواد كثير جداً الله أعلم بها منها الفيسيولوجي والبايوكمستري والجنتكس في البداية ثم تتطور وتتخص إلى علوم المناعة والاناتومي ( التشريح ) الفارماكولوجي الباثولوجي ..
وغيرها الكثير جداً ما أقدر أعدها صراحة كثيرة هي >< ..
طبعاً كله انجلش × انجلش ..
وعشان تتخصصي في قسم العيون لازم تنهي السنوات السبع هنا ..
وتكون لك مشاركات عالمية وتوصيات من عدة دكاترة معروفين << ( يفضل ) ..
وتاخذ بعثة على أمريكا أو كندا عشان تتخص في القسم اللي تبيه ..
وعشان تتخص برة لازم تعدي إختبار usmle..
الشغلة طويلة جداً ..
وإذا تخرجتي من كلية الطب تقدمي أوراقك لوزارة العمل وهم يحطونك في المستشفى المحتاج دكاترة ..
طبعاً أغلب الدكاترة ما يحب يتوظف على طول وإنما يطلع يكمل دراسته برة ( تخصص ) ..
وهذي تقريباً تاخذ على بعضها 8 سنوات تقريباً لدراسة التخصص مع التخصص الدقيق ..
مثل العيون هذا تخصص عام لكن التخصص في القرنية بحد ذاتها يعتبر تخصص دقيق ..
إذا كنتِ طالبة سعودية تريدين التقديم في كلية الطب فممكن تطرحي أي سؤال ..
أما إذا من خارج السعودية يمكن النظام يختلف شوي ..
للإيميل الرسمي رسالة على الخاص ..
Out of order since 2005 ..
Dr. Mustafa, MBBS Intern.
ضوابط المشاركة
