نطالب بمسابقة في قسم الرسم

[sensei]

السلام عليكم ورحمة الله وبركاته...

إلى المسئولين على قسم رسم أتمنى أنكم تقرون هالموضوع بتمعن وما تهملونه...

قسم التحديات الفنية راقد وما اشوف فيه أي حماس... كل ما نفتح موضوع يفشل وما يكون فيه أي مشتركين....

والاجازة الصيفية بدت واحنا متمللين وفاضيين وما عندنا شغل وكل اللي نبيه منكم انكم تفتحون مسابقة فنية...

مثل ما لاحظت المسابقات اللي يعرضونها المسئولين على هالقسم هي اللي تكون ناجحة ويشترك فيها الأعضاء...

أتمنى أنكم ما تردون هالطلب وخلوا مناسبة المسابقة هي حلول الاجازة الصيفية فالحين هاي الوقت اللي يفضى فيه كل الناس.

والسلام عليكم ورحمة الله وبركاته

[الملاك الأبيض]

إن شاء الله اختي ^_^

[sensei]

مشكوووووووور اخوي على الموافقة على الاقتراح... ما قصرت

وأول مرة تنسمع لي كلمة

[صقر المغرب الأقصى]

توني انتبه للموضوع ^^"

شكرا سنسي على اهتمامك
وقد تم افتتاح المسابقة
بس على الله نشوف مشاركين

[sensei]

العفو اخوي... والصراحة انه اول مرة اسجل في منتدى واتم فيه اكثر من سنة "عادة المنتديات ما اقعد فيها الا شهر او شهرين بالكثير"
فآنه أحب هالمنتدى وايد وما ابي أمل منه
فإذا رقدوا الأعضاء آنه شنو بصير لي؟؟؟
ما أفكر ولا أبي أتخيل أني بفارق هالمنتدى
فأتمنى من الأعضاء أنهم يشاركون بالمسابقة الصيفية ويشاركون في باقي المسابقات اللي طرحها الأعضاء
وآنه أفكر في مسابقات ثانية لأن مب كل عضو يقدر يشارك في أي مسابقة
وشكرا لك ولأخي ملاك على اهتمامكم بالموضوع
والسلام عليكم ورحمة الله

[Monasuger]

شكرا لك اختي سنسي على التفاعل و على هذا الاهتمام الكبير

انا بعد ابغي اشارك اكثر بس ظروفي ما تسمح -_-"

على كل انا مستعدة للمشاركة في ترقية القسم و احاول المساعدة قدر الامكان

[sensei]

أتمنى ان احنا نقدر نسوي شي...
اللي علي سويته فأرسلت رسايل خاصة لبعض الأعضاء "وأظنج وحدة منهم ما اذكر"
مثل ما قال الملاك الأبيض "يد وحدة ما تصفق"
وان شاء الله تفتكين من ظروفج وتشاركين في كل المسابقات...

[لاعبة الخيال]

شكرا حبيبتي اختي الغالية المهتمة sensei على فتحك للموضوع وفعلا مثل ما قال الأخ الكريم ملاك يد وحدة ما تصفق لازم يكون شوي في حركة في المنتدى هو مثل مانتو شايفين مافي مشاركات كثيرة ولا تحس إن في حماس أو تشويق في المواضيع فمن جذي لازم نحركه شوي بالمسابقات الكثيرة والمفيدة وإلي فيها تحديات بين الأعضاء وهي إلي رح تبث فيهم روح الحماس والمشاركة والحركة وشكرا جدا جدا للأخوان الكريمان مراقبانا في منتدى الرسم الأخ Dream Life والأخ الملاك الأبيض على طرحهم للمسابقات والمواضيع المفيدة يالله نتعاون مع بعض علشان نرجع لمنتدى الرسم حيويته كالسابق اتـــــحــــــاد قـــــــوة (( الرجل الحديدي خخخخ ))

[sensei]

لاعبة الخيال!!!! ما بغيتي تدخلين الا الساعة 7 ونص!!!!
آنه انتظرج من الفجر كل دقيقة اجي وأشيك المسنجر
عارفة ان اليوم الاربعاء وعندي موعد واطلع من البيت الساعة 7 وربع قايلة لج من قبل
الله يسامحج بس... لا وطالعة الحين

على العموم هاي مب موضوعنا... حلو أن الكل قام يشارك في هالموضوع مع انه موجه خصيصا للمشرفين...
كل واحد منكم يقدر يساعد ولازم ما نخلي أي ظرف يوقف في طريجنا
يالله اشتطي حبيبتي وحاولي تشاركين في باقي المسابقات

[لاعبة الخيال]

واااااااع حرام عليك يا sensei شسوي نومي ثقيل الله يقطع ابليس أدري أدري يا حياتي إن كان عندك موعد وآآآآآآآسفة وايد وايد وايد بس شسوي النوم وما يسوي خخخخخخ آآآآآسفة وأنا ما طلعت إنما أمي اقطعت الواير من الصالة وفصل عندي النت وقالت لي أروح أبدل ملابسي علشان أسوي أوراقي ساااامحيني يا قلبي والله آسفة ok مو هذا موضوعنا (( تقلدك خخخ )) أنا انشالله رح أحط دروس من صنعي ورح أشتغل عليها وانشالله تكون مفيدة للكل وتفيد الأعضاء والمراقبين وكل الناس وعسى أيضا يتفاعل باجي الأعضاء فيها وانشالله يا جماعة بجهودنا وبحنتنا ورنتنا رح نرجع لمنتدى الرسم حيويته خخخخخخ وانشالله رح أشارك في مسابقات ثانية بس قلت لك عقب ما أضبط الأوادم خخخخ