:-: غــــــــزال الريــــــــم :-:
::::::
::
عرّافه صابتني بعين
قالت تعال يا ولدي أقرا كفك الحزين ..
قلت لها ما عندي أحزان
لكن مركبي غارق بين نهرين ..
أنا عاشق من راسي لساسي
بس أبي أختار
حب الغرام أو حب الناس ..
قالت أشرب قهوتك
وأقلب الفنجان ..
قلت أقلب وجهي أحسن
قبل لا تقلبين الدنيا عليّ ..
أنا صفحاتي بيضه
وسماي تنشد المطر تناجي الرحمن
كيف بالتالي أصدّق عرّافات ؟ ..
غرامي للحب ضميان
وأنا أشعلت النار لجل أشوف " غزال الريم "
يمكن تجي على ضو حطب ناري
وتسلّي غرامي السالي ..
يا كثر من يحب غالي
لكن الغالي ينتظر هزّة الريم
وينتظر حبّات الرمل
تشعل الدنيا وتسقي قلبي العطشان ..
يا كبر نهر المحبّة
لكن ما يسوي من غير غزالة
تشرب من ثنايا شفاها
وتسقي ذاك العطشان
اللي منتظر قطره تروي قلبه الحزين ..
أحلف أن حب الناس
ما يوزن بذهب ولا بفضة ولا بألماس
ويوم أحترت بين حب الغرام وحب الناس
أخترت الناس ..
لأن نهر المحبّة وسيع
ويستاهل من يغامر بحبّه لأهل المحبّة
الجنّة أحلى من الدنيا
لكنها من دون ناس ما تنداس ..
ويوم شربت غزال الريم من النهر حبّها الناس ..
::
::::::
.. تحياتي غالي الساهر ..
المشاركة الأصلية كتبت بواسطة غالي الساهر
..