صدفة ولا شئ متخطط ليه
نبدأ من الأول ولا نبدا من الأخر
أنا بفضل نبدأ من الآخر
إمتى بدأوا
هما مين ... إسرائيل طبعا ... إمتى بدأت الهجوم على لبنان وفلسطين
نرجع بالصورة 4 سنين ورى ونفتكر منظر إسرائيل وهى خارجة ذليلة من لبنان عام 2002
ونرجع سنه واحده ورى وشكلها وهى خارجه ذليلة من قطاع غزة
طب إيه اللى حصل
مقعدوش ساكتين
فى الفترة البسيطه دي نجحوا إنهم يعملوا إنقلابات سياسية فى لبنان ... مئات الاحزاب وخلافات داخل الاحزاب
وحتى فلسطين سابوا اللى هما فيه وفضوا لمين اللى يمسك الوزارات والحكم
نجحوا إنهم يخلوا حزب الله ( مع ملاحظاتى عليه أصلا ) معزول عن لبنان وكل لبنان بطالبه بنزع سلاحه
نجحوا إنهم يخلوا السلطه الفلسطينية بنفسها تنزع سلاح المقاومه
نجحوا إنهم يخلوا السلطه تلقى القبض على حملة السلاح الفلسطينى
لما لقوا إن وجودهم فى جنوب لبنان وغزة بقى خطر وقتها
قالو ننسحب .... مش إسلوبنا إننا نواجه إحنا نخرج ونشتغل بأسلوبنا الخسيس
أسلوب اللى ياما كسبونا بيه ..... فرق تسد
فرق تسد
وزمان كان لما بيحصل حاجه هناك كان زعماء العرب بيعترضوا وبيشجبوا وبينددوا ويعملوا مؤتمر عاجل
وصلنا لدرجه إن معدش فى أى مبالاه
أيه البرود ده
معقوله وصلنا لكده
...... إنت حاسس إن دول إخوانك اللى بيموتوا وأولادك اللى بيموتوا
بالله عليك حاسس ... بجد حاسس
طب ياترى عملت إيه ؟؟
استنى استنى
ده كل ده إحنا ينجيب من الآخر
تيجوا نجيب من الأول
ونشوف أد إيه الصورة وحشة وإحنا للأسف دخلنا جزء منها
نبدأ منين ... إيه رأيكم نبدأ من بروتوكولات حكماء ( أقصد سفهاء ) صهيون
عايز تقرأها إقرأها لتعرف بنفسك
http://www.khayma.com/internetclinic/proto...promanpagef.htm
نشر الإباحية والفاحشة وتدمير أنظمة الحكم والسيطرة على كل وسائل الإعلام
دى أهدافهم .. شغل المسلمين عن دينهم بكل وسيله دي أهدافهم
ياترى نجحوا
إنتوا شايفين إيه
شايفين قنوات الاغانى على النت عامله إزاى
شايفين الشباب بقى إزاى عايش بلا هدف ولا غاية
يبنى إنت مسلم يعنى مش عايش فى الدنيا كده وخلاص إنت مطلوب منك دور تؤديه
وطبعا مننساش كأس العالم
اللى بينما هو شغال ... هما كانوا بيقتلوا فى إخواتنا
وإحنا بلا أى شعور فرحانين بفوز ده وهزيمة ده
ولا حتى أى مشاركة نفسيه مش فعليه
أسيبكم مع الصور شوية
هما كانوا بيحتفلوا .... واحنا ضيعنا 128 ساعة فى مشاهده المتشات غير التحليلات والمتابعات
يعنى ضيعنا من عمرنا أكتر من خمسة أيام هنسال عنهم يوم القيامة
مش بقول إن ده حرام ... لكن إحنا فاضيين لدرجة دي
هل وصلنا للدرجة دي من الرفاهية علشان نضيع أيام من حياتنا
هل خلاص عملنا أعمال ضمنا بيها الجنة
ياما صلوات ضاعت علشان متشات ... مش كده ولا أنا بتكلم كلام خيالى
وفى نفس الوقت كان بدأ قذف غزة وولادنا ماتوا وجرحوا
وبيوتنا اتهدمت
لقونا ساكتين ... قالوا يلا نروح لبنان خلاص المسلمين معدش فى دماغهم غير زيدان طرده صح ولا مش صح
والدورى الإيطالى الفرق هتنزل ولا لأ
وميدو هيلعب فين السنه الجاية
فعلا عذرا فلسطين
عذرا يا مسلمين
ياترى الكلام تقيل ... ولا صعب
لكن للأسف دي الحقيقة يا جماعه
لما اليهود يلاقوا هم المسلمين بقى المتشات والأغانى
خلاص يعملوا اللى هما عايزينه فى فلسطين ولبنان
وبالفعل
لاتزال الامه تحت تأثير تخدير كأس العالم
ولسه مفوقناش
وهما مش عايزنا نفوق أصلا ... من دورى لكأس لكأس عالم لكأس أمم أوربية ...الكورة لا تنتهى أبدا
اللى ملاحظ هيلاقى فعلا معدش فى توقف للكورة ولا للاغانى
لإنهم عارفين إن الحاجات دي لو وقفت المارد المسلم هيقوم وده اللى هما مش عايزينه
الموضوع طول أوى وأنا مش متعود على التطويل
نختم بقى بدورنا فى اللى بيحصل :
- 1- لو مش قادر تساعد بحاجه على الأقل اكفيهم ذنوبك
لإن بالتأكيد ذنوبك إنت ... أيوة إنت من أسباب هزيمة الامة
-2- التوبة ... والعودة إلى الله
-3- شوفلك دور تعمله لخدمة دينك ... واسمع الكلمة دي
مين هينصر الدين لو إنــــــــــــــت منصرتوش
دينا هينتصر هينتصر
بينا باللى بعدنا هينتصر
لكن لو إحنا منصرناهوش إحنا اللى خاسرنين
خلاص ... كده خلصنا كلامنا على قد ما يسمح الموضوع
وإلا فالنار اللى جوه الواحد أكبر بكتير من كده
ياترى ... هل الكلام ده أثر فيك
ولا .... هنفضل عند نفس حالة الجمود تجاه إخوانا
المشاركة الأصلية كتبت بواسطة خيـ KYAL ـال
