<<ريد بول يعطيك جوااانيح >> ((البانشي بالبر ))

[KLD]

هلااااااااااااااااع

بعد سلسة مواضيعي عن مواقفي مع المشروبات<<هو كلها موضوعين شتقول انت

هذي الموضوعين
رد: >بربيكان هذي حياتي<(انا وبربيكان مع الهندي نور وزيزو)

<<كاديه يحرك الجو >>(بالجمعية وعند باركينغ




وبعد تشجيع من الاعضاء والمراقبين والهيئة العامة والحكومة الموقرة و...<<اخلص

قلت اكمل السلسلة

طبعن كلكم تعرفون ريد بول
ومحد مايعرفه

كنت بالبر انا وطبعا انا من محبي التخييم بالبر واللعب بالبانشي >>بانشي هو دباب هو بقي هو سيكل اربع تواير شنو اكثر من جذي

المهم الوقت العصر

وجاني واحد من الربع اسمه محمد

محمد : خالد ما سمعت عن ريد بول

انا : اي سمعت عنه .... ليش

محمد : مشتهي واحد

انا : لا والله حامل انت

محمد : انثبر هيي شنو حامل

انا : زين شتبيني اسويلك الحين

محمد : بروح اجربه

انا : روح الله معاك

محمد : تكفى تعال معاي

انا : سيارتي مافيها بنزين
محمد : منو جاب طاري سيارتك انت ...البانشيات مشترينهم شحقى

انا : اوكيه نروح بالبانشي بس من وين نشتريه

في : في بقالة قريبة من الشارع

وكل واحد فينا ركب البانشي حقه ورحنا لين ما وصلنا للبقالة
وجا هندي يشتغل فيها

محمد : شلون الصحة

الهندي : لحظة صديق

راح الهندي جاب بطل ماي صحة

انا : انت جايبنا مناك علشان ماي صحة
محمد : خخخخخخخخخخخ انا قلت شلون الصحة مو جيب ماي

انا : تبي اطيح معاه الميانة انت ....صديق في ريد بول

الهندي : اي في حمام مني روح بول

محمد : ... والله الهندي هذا بيمصخرك ههههههههه .....بس شكله مايعرفه

انا : ياولد والله برد خل نرجع للمخيم ...مدري الاربيعينية هذا متى تخلص
محمد : ههههههههههه انت بنفاس الحين

انا : شنو بنفاس عيب هيى

محمد : اسمها مربعانية لحد يسمعك يضحك عليك

انا : زين والحل الحين

محمد : امش للجمعية الي بكيلو 10

للعلم احنا بكيلو 30 الحين

انا : من صجك انت بعيد

محمد : اي عادي منها نقز ومنها نتونس

وبعد طريق طويل وصلنا للجمعية ووجهي ثلج من البرد

دشينا الجمعية

محمد : خويلد ...خويلد

انا : ها شتبي
محمد : اناديك انا

انا : برد ياولد والله برد

محمد : شوف البنت الي هناك اتخزني

انا (بكل عصبية وصراخ ) : انت حيوان انت (عزكم الله ) جيبنا مناك علشان تشرب بهالبرد والحين جاي تقولي طالع البنت هذي ....الله يغربل ابليسك هذي كبرت امك استح ياخي عيب والله

وبعد المحاضرة الطويلة والعريضة

شرينا ريد بول كم حبة وطلعنا حاسبنا ومشينا

محمد : خالد جوعان انت

انا : اي والله ميت

محمد امش لبرجر كنج ناكل

وبعد ما دشينا هناك بالمطعم وطلبنا وعدنا عالطاولة ناكل وشوي ولا يجي امريكان

محمد : هاي فريندز

انا : شششششش لا تحاجيهم لا يقولون عننا ارهابيين

محمد : واتس اب قايز

امريكي : وات ذا هيل يو وونت((يعني شتبي انت ))

انا : كااااااااااااااااك والله انك مصخرة ضحكوا عليك

محمد : خويلد شوف شوف

انا : انت ماتيوز من البنات طيح الله حظك

محمد : لا ياغبي مو بنت شوف هذا الي قاعد يلعب بالبانشي

انا : اي والله امش امش

وطلعنا من المطعم ولا واحد امريكي عند البانشي

محمد : خالد : انا ما افهم انجلش انت سولف معاه شوفه شيبي

طبعا انا بترجم الحوار بينا

انا : نعم في شي

امريكي : حلو البقي هذا

انا : شكرا

محمد : ها شيقولك هذا

انا : ولا شي شكله فاضي هذا يقولي البقي حلو

محمد : هذا شكله لاكه بطل ويسكي وجاي اهني خبل هو

وطبعا قعدنا وانا ورفيجي نتكلم عنه

امريكي : اتحسبني لا اعرف العربي

انا ورفيجي : هااااااااااااااااا

لحد يرد ليمن اخلص من الموضوع

[KLD]

امريكي : وبس في كلمة ما فهمتها

انا : شنو هي

امريكي :مصرقع

انا : هذي تلقاها بالمنتدى هههههههههههه

محمد : شنو منتدى فاضي انت .....عمي الامريكي ممكن نروح بحال سبيلنا

زبعد ما مشينا

بالطريق

محمد : خااااااااااااااااااااالد شوف السيارة هذي

وفجأة اوووووووووووووووووووووءءءءءءءءء طباااااااااااه

انقلب البانشي بمحمد وطاح وتعور

انا : سلامات سلاامات تعورت
محمد : لا مافيني شي

انا : شصار

محمد : التاير بنجر (الكفر خرب)

انا : هذا علشان ما اطالع داخل سيارات العالم

محمد : شنسوي الحين

انا : طق على عبدالله يجيك

توووت تووووووووووووووت توووووووووووووت

محمد : الو عبيد

عبدالله : ها وينك ليش تأخرتوا

محمد : بنجر فينا التاير تعالنا ياولد

عبدالله : شباب هههههههه خالد ومحمد بنجر فيهم البقي .....يبا دبر نفسك

وصكر التلفون بوجهه

انا : خل ريد بول ينفعك الحين

محمد : ولييييه شنسوي الحين

انا : مو يقولون ريد بول يعطيك جوانح

محمد : اي وبعدين

انا : نشربه وتطلع لنا اجنحة ونطير

محمد : العن ابو الملاقة ياخي احنا وين وانت وين

انا : حنا شنو تبي تحط حنة نفس الحريم

محمد : انت صارلك شي

انا : والله من البرد وضيقة خلق ياولد

محمد : شوفلك واحد يوقف لنا جيب منه حبل علشان نقلص (نسحب ) البانشي

انا : وانا شكو مالك ولا مالي انت روح

وبعد انتظار قليل وقفت لنا سيارة جيب مظلل

محمد : يالاخ ممك....

انا : شفيك انطرمت ما تسولف

السيارة شفيكم شباب

طبعا انا كنت بعيد عنه شوي

انا : قوله يقصر عالمسجل

محمد : تعال شوف ياولد

وبعد ماقربت للسيارة ولا كلها بنات

انا : والله انك سخيف ..يبا مستحي لا تطلب منهم حبل وانت ماخليت بنت وما كلمتها

محمد : بس انت شوف

انا : يبا وخر زين .... لو سمحتس اختي في عندكم حبل لان البقي بنجر عندنا

النت : اختك بعينك

انا : ليش الغلط في ولا لا

البنت : انت تشوف بنات بالشارع وتحاجيهم جذي

انا : وشنو الفرق يعني انت ملاسكة الحين مو بشر

البنت : انت ضشكلك ماتغازل

انا : لا ما احب السوالف هذي

البنت : زين وصاحبك

انا : اكبر مغازلجي بالكويت

البنت: يالطيب شنو تبي من عندنا

انا : العن ابليسج لي ساعة انا واقف اهني واخر شي ...

محمد : خالد : اشششش نعم اي والله بغيت حبل

البنت : حظك عاد توني مشترية واحد

وبعد ما اخذنا الحبل

انا : جم الحساب

محمد : شنو داش مطعم ....تعلم مني

انا : تكفى الزير سالم قدامي

محمد : تفضلي الحساب

انا : شنو عطيتها

محمد : شرايك يعني ..اكيد الرقم

انا : والله حاس انت تدش النار اول واحد

وبعد ربط البانشيات وسحبها وصلنا للمخيم

انا : ماتسوى الروحة الخايسة

محمد : طافي قزينا

انا : قز براسك عفريت

عبدالله : ها شباب شصارلكم

انا : بكل عصبية : انت ليش ماجيت

عبدالله : قاعد اطالع بلوتوث

انا : اطالع بلوتوث هاا

مسكت صخرة وحذفتها عليه جت براسه


انا : وين ريد بول عطنا اياه

محمد : أأأأأأ

انا : شفيك خلصنا

محمد : نسيته بالمطعم

انا : شنووووووووو

انتهى الموضوع وموقفي مع ريد بول

بس والله يوم ما ينسي

لا تنسونا بالردود

[TiTaN]

محمد : شوف البنت الي هناك اتخزني

صراحة صاحبك راااااايق

محمد : واتس اب قايز

و مسوي إنجليزي

عبدالله : شباب هههههههه خالد ومحمد بنجر فيهم البقي .....يبا دبر نفسك

نذل <<أقول حتورطنا مع الرجال أصحابه كلهم مسخرتهم

انا : اكبر مغازلجي بالكويت

لووووووول

محمد : نسيته بالمطعم

أحسن شي

شكرا على الموضوع الحلو أخ خالد ..

[KLD]

صراحة صاحبك راااااايق

كل ماشافله بنت قال هذي تخزني

نذل

كلمة نذل شوي عليه

أحسن شي

شكرا على الموضوع الحلو أخ خالد

..
شكرا عزيزي على الحضور والرد

[Dark Leon]

خخخخخخخخ

ام النهايه الصعبه ياشيخ

موضوع حلو من عضو احلى <<< كح كح قديمه


مشكوور اخوي

[Kira]

خخخخخخخخخخخخخخخ
احلى شيء سالفة الأمريكي يوم يقول انا اعرف عربي وانتوا انصدمتوا ^^
موضوعك رائع ^^
نشوف جديدك بعد^^ يازين سوالفكم يا أهل الكشتات

[NoOr DrBi]

المهم الوقت العصر
...........إييه المفرووض يزيدوون من وقت المرنابج.


محمد : شلون الصحة
......ههههههههه... ماشاءالله يوجب الكل...


انا : تبي اطيح معاه الميانة انت ....صديق في ريد بول
الهندي : اي في حمام مني روح بول
.... هههه احسن عشان بلاش كسل..الثلاجه قدامك شوف
اذا فيها اللي تبي ولا لا.....


محمد : ههههههههههه انت بنفاس الحين
محمد : اي عادي منها نقز ومنها نتونس
محمد : هاي فريندز
محمد : واتس اب قايز
محمد : شرايك يعني ..اكيد الرقم

خويك هذا فضيييييييييع من جد بمعنى الكلمه....
رايق لأبعد درجه...ههه يا حليله

(((انقلب البانشي بمحمد وطاح وتعور .......سلامات سلامات..
خيرها بغيرها......خخخخ سملى عليه...)))


عبدالله : شباب هههههههه خالد ومحمد بنجر فيهم البقي .....يبا دبر نفسك

هههههههههههههههه.......... احسسسسسسن طحتوا فيها


عبدالله : قاعد اطالع بلوتوث

ههههه...خلصنا من محمد جانا اللي اروق منه
ولا بعد هذا ما يهتم ....هههههههه الله يخليكم لبعض


وبالنسبه للنهايه التعيسه...
عادي هم المخرجين احيانا يحبون يحطون نهايات تعيسه
خخخخخخخخخ... بس ذقته بعدها ولا لا ..

مشكوووووور على قصص ما قبل النوم...لكبارنا
خخخخخخخخخ

يالله: ولا تنسى تجرب مزاااج

يالله:ببا

[MiSs.ChiPs]

ههههههههههه نايس موقف
انا علا بالي بتطلع قصة خياليه خخخخخخخخخخخخخ
طلع موقف حقيقي >>> وخير ياطير
مشكور خيو عالموزوع ابو جوانييييييح
سلام ^^

[TEDUSE 1=BAGGIO]

ههههههههههههه الصراحه ربيعك يبغاله رفسه بنت كلب تطيره لين مكان التخييم مو ريد بول الي يطيره .

كل هذا علشان ريد بول و ياريته حلو بعد .

بس هذي اللحظات الي تتذكرها يوم تشيب و تحكيها لاحفادك .

تسلم حبيبي على الموضوع و خلك على فيتامين c أحسن لك من الريد بول .

[Toxic Rain]

امريكي : اتحسبني لا اعرف العربي

امريكي و يتكلم عربي ، عينة نادرة

انا : تبي اطيح معاه الميانة انت ....صديق في ريد بول

الهندي : اي في حمام مني روح بول

على قولتهم .. اللي ما يعرف الصقر يشويه ، و اللي ما يعرف الريد يول ...

محمد : نسيته بالمطعم

إحباط .. كل هالروحة ضاعت ، لكن على الأُقل صار عندك سبب تضرب عبدالله

و تشكر

[رعبه]

ههههههههههههههههههههه
ما توقعت النهايه ابدن
هع هع هعععععععععع
موقف لا ينسى
وزين البنت عطتكم وجه بعد الزف عبالى بتروح وتخليكم
بس ايش اللى جذبه برد بول هذع >.<
وكيف كان البلوتوث حلو اللى طالعه عبد الله ؟؟؟
احلى مقطع

امريكي : اتحسبني لا اعرف العربي
انا ورفيجي : هااااااااااااااااا

وتعريفك لكلمه مصرقع
الموضوووووع مفطوووووور انفطار ما بعدهوش انفطار
تشخرات
وتسلمااااااااااااات

[KLD]

Dark mafia

خخخخخخخخ

ام النهايه الصعبه ياشيخ

موضوع حلو من عضو احلى <<< كح كح قديمه


مشكوور اخوي

شكرا شكرا


Kira

خخخخخخخخخخخخخخخ
احلى شيء سالفة الأمريكي يوم يقول انا اعرف عربي وانتوا انصدمتوا ^^
موضوعك رائع ^^
نشوف جديدك بعد^^ يازين سوالفكم يا أهل الكشتات

الكشتات وبس

NoOr DrBi

المهم الوقت العصر
...........إييه المفرووض يزيدوون من وقت المرنابج.

الدم خفيف
ياشباب اضحكوا لها حرام

......ههههههههه... ماشاءالله يوجب الكل...

اي راعي دواوين

.... هههه احسن عشان بلاش كسل..الثلاجه قدامك شوف
اذا فيها اللي تبي ولا لا.....

ليش التعب الهندي واقف اسأله

خيرها بغيرها......خخخخ سملى عليه...)))

يوصل


~**Chipsa_ya**~

ههههههههههه نايس موقف
انا علا بالي بتطلع قصة خياليه خخخخخخخخخخخخخ
طلع موقف حقيقي >>> وخير ياطير

الذكاء منتشر هالايام

TEDUSE 1=BAGGIO

ههههههههههههه الصراحه ربيعك يبغاله رفسه بنت كلب تطيره لين مكان التخييم مو ريد بول الي يطيره .

والله المفروض اجيبه اترفس لحد ما اوصله للمخيم

كل هذا علشان ريد بول و ياريته حلو بعد .

ماجربته يومها

بس هذي اللحظات الي تتذكرها يوم تشيب و تحكيها لاحفادك

الحين خل يجي العيال بعدين الاحفاد
وحزتها تكون ملايين المواقف

تسلم حبيبي على الموضوع و خلك على فيتامين c أحسن لك من الريد بول .

حياك الله

Toxic Rain

امريكي و يتكلم عربي ، عينة نادرة

وايد امريكان ييتحجون عربي

والجنود هذولا من زمان اهني

رعبه

ههههههههههههههههههههه
ما توقعت النهايه ابدن
هع هع هعععععععععع
موقف لا ينسى
وزين البنت عطتكم وجه بعد الزف عبالى بتروح وتخليكم

والله البنات عندنا ازعاج

وكيف كان البلوتوث حلو اللى طالعه عبد الله ؟؟؟

وين بلوتوث يضيق الخلق
هذا الي صار السعودية الي مات فيه واحد وتقطع جسمه




شكرن اخواني واخواتي عالمرور والتشريف