الناس .. معادن ..

[ابتسامــــــه]

سلام عليكم ..

أول مره أطرح موضوع فــي هالقسم ..

وللأسف الشعر منقول .. >> إن شاء الله ألف شعر وأحطه في هالقسم >> عشان تنقلونه منتدى المحذوفات ..



المعادن تخـتـلف / شـي تلقى له بريــق
يعجبك شكله ولكن محال إنك تجـــمـعـه

تحسب إنه كنزك اللي حفظته للطريـــق
وإن مســـكته / لقيـتـه قليل المنفــعــه

والرجال أجناس وبعضهم يسوى فريق
مـعـدنه طــيب وغالي / وفعله يرفـعــه

فزعة المضـيــوم لاجاه لقى قلبٍ رقـيق
كل ماصالت همومك / همومك توجعــه

بلسم لجروح مــن كان في همه غــريق
ينتشل عانيه من هــم الزمن لا يصرعه

بسمة تضوي حجاجه ويصبح لها بريق
زيــزم أحــمول ثقال / أبد ما تـفـجـعـــه

وآخر لا جيت عــنده لقيته مســـتضيــق
عابسٍ بالوجه / واجم / عديم المنفعـــه

للمجالس ســــيد القوم مامـثـله رفــيــق
الحكي واجــد لكن من هــو اللي تــتبعه

لو شـــكيت الهم عنده إذا وجدك سويق
فـي جميع المجالـــس / عناك إيوزعـــه

ألزم درب السلامة وخف أمن الـنعـيـق
وآنا ببتعد عـن كل شخصٍ الوفا مايجمعه

[Exodia]

وعليكم السلام ورحمة الله وبركاته

يعطيك العافية أختي ابتسامــــــه

قصيده رائعه بالفعل ...

إن شاء الله نشوف جديدك ولكن من كتاباتك ^_^

ولو قصيده منقوله مثل هذي القصيده أكيد بننتظرها ^_^

تسلم يمينك وحياك الله

[ابتسامــــــه]

وعليكم السلام ورحمة الله وبركاته


يعطيك العافية أختي ابتسامــــــه

قصيده رائعه بالفعل ...

إن شاء الله نشوف جديدك ولكن من كتاباتك ^_^

ولو قصيده منقوله مثل هذي القصيده أكيد بننتظرها ^_^


تسلم يمينك وحياك الله

حــياك الله اخويه اكسوديا ..

الله يسلمك ويسعدك وشاكره لك مرورك ^_^ ..

[essaexample]

يعطيج العافيه اختي وماتقصرين موفقه انشالله