هل تستوي الهديه مع .. الحق !؟

[INTERawee]

السلام عليكم


الكل طبعا سمع بتتويج الانتر بطل للدوري الايطالي لموسم 2005\2006 ..

يأتي هذا التتويج بعد سحب لقب الدوري من اليوفنتوس بعد القرار الذي اصدرته المحاكم الايطاليه .. و " ارجاع " اللقب لأصحابه .. و " عودة " الحق لأهله الشرعيين .. الانتر

طبعا اغلب اليوفاويه يعتبرون هالدوري " هديه " منهم للانتر .. ما يدرون أو انهم يتناسون ان محد يقدر يهدي شي اهو اصلا مو ملكه . وبلا شك الدوري مو ملك لليوفي عشان " يهديه " او " يمنحه " للانتر .

الصحيح .. انك تقول : الانتر " استعاد " حقه من اليوفي


الانتر الشريف .. يكفيه انه لعب كل مبارياته بـ شرف
كسب نقاط من جهد لاعبينه ادارته .. مو من جهد معارفه و فلوسه الي الله يعلم من جم سنه وانت شغال معاهم

الانتر ما يستحق الدوري ؟!

ليش ؟؟



شتبي الانتر يسوي عشان ياخذ الدوري؟؟ .. تبيه يرشي ويتلاعب ويستخدم اساليب غير شرعيه " بدون لا يطيحون عليه " عشان تقولون الانتر يستحق الدوري وما في ادلة تثبت ان يتلاعب

شنو ذنب الانتر عشان ينظلم ؟ .. شنو ذنب جمهوره الي تعطش للبطولات من 89 !!

ذنب الانتر الوحيد .. انه ما سوا سوات غيره.... ولعب بـ شرف وطبق القانون

لكن ربك ما يطق بعصا .. ووصل اليوم الي يرد يظهر فيه الحق

بطوله ما نعتبرها أي بطوله ولا اي دوري ومجرد رقم وزاد .. الدوري رقم 14

هو اكبر انتصار للانتر وباقي الانديه الايطاليه الشريفه على الظلم والمافيا الايطاليه ..

وعندي رد على الي يقول ان هالدوري ماله طعم .. وانت شكو بطعمه !! بالعكس شنو احلا من عوده الحق لاصحابه

ولا عزاء للحاقدين ..

اتمنى تكون هالعقوبه على اليوفي " قرصه " تتعلم منها الاداره
والحمد لله افتكينا من موجي وشلته



ما انسىابارك للانتراويه في الرابطه وكل الانتراويه في المنتدى
ادريانو الريس
بوليث
فيغو النائب
سام ثلاث ستات
والاخ ديفل جزاه الله خير شغال بالرابطه

الموضوع للنقاش
الي بيتناقش حاضر .. وياريت ما يتحول الموضوع ضحك ومصخره !!

[full option]

هذا هو الكلام الصح لكن وين الطرف الثاني اللي يناقش بالعقل!!
دائما ما يحاولوا جر المواضيع الأنتراوية إلي الأغلاق عن طريق الردود الإستفزازية..
وأن شاء الله ما يكون مصير هذا الموضوع كبقية المواضيع..

ما انسى ابارك للانتراويه في الرابطه وكل الانتراويه في المنتدى
ادريانو الريس
بوليث
فيغو النائب
سام ثلاث ستات
والاخ ديفل جزاه الله خير شغال بالرابطه

الله يبارك في عمرك وان شاء الله تباركلنا بالـــ15 قريبا..

[INTERawee]

هذا هو الكلام الصح لكن وين الطرف الثاني اللي يناقش بالعقل!!

دائما ما يحاولوا جر المواضيع الأنتراوية إلي الأغلاق عن طريق الردود الإستفزازية..
وأن شاء الله ما يكون مصير هذا الموضوع كبقية المواضيع..

بعضهم الله يهديهم من الصدمه ماله حيله .. فيقعد يبرر الي صار بأنه الدوري هديه منهم لنا
وعادي ما جنه شي صار .. ويقعد يضحك جدامك واهو من داخل القهر حارق قلبه

الله يبارك في عمرك وان شاء الله تباركلنا بالـــ15 قريبا..

امين الله يسمع منك وشاكر لك مرورك

[اٍحساس حقيقي]

ألف مبروك لنا ولجميع مشجعي الانتر .
أنا أنتريستا وفخور بتشجيعي هذا الفريق .

سيبك من العيال اللي يحبون الاستفزاز ولا ترد عليهم .

[TORNADO]

الانتر استحق اللقب .... واليوفي استحق العقاب

[B A D R]

الله يهديك بس محسن ..

مايستاهل تتعب نفسك وتكتب موضوع كامل..

كـل شي واضـح ..

وإذا مشجعي اليوفي يقلون مهدينه للإنتر مايلعبون علينـا يلعبون ويضحكون على أنفسهم ..

ما انسىابارك للانتراويه في الرابطه وكل الانتراويه في المنتدى
ادريانو الريس
بوليث
فيغو النائب
سام ثلاث ستات
والاخ ديفل جزاه الله خير شغال بالرابطه

الله يبارك بعمرك محسن ..

وإن شاء الله نبارك لبعضنا بالـ15 ..

[ADRIANOOOO 10]

السلام عليكم
الكل طبعا سمع بتتويج الانتر بطل للدوري الايطالي لموسم 2005\2006 ..

يأتي هذا التتويج بعد سحب لقب الدوري من اليوفنتوس بعد القرار الذي اصدرته المحاكم الايطاليه .. و " ارجاع " اللقب لأصحابه .. و " عودة " الحق لأهله الشرعيين .. الانتر

طبعا اغلب اليوفاويه يعتبرون هالدوري " هديه " منهم للانتر .. ما يدرون أو انهم يتناسون ان محد يقدر يهدي شي اهو اصلا مو ملكه . وبلا شك الدوري مو ملك لليوفي عشان " يهديه " او " يمنحه " للانتر .

الصحيح .. انك تقول : الانتر " استعاد " حقه من اليوفي


الانتر الشريف .. يكفيه انه لعب كل مبارياته بـ شرف
كسب نقاط من جهد لاعبينه ادارته .. مو من جهد معارفه و فلوسه الي الله يعلم من جم سنه وانت شغال معاهم

الانتر ما يستحق الدوري ؟!

ليش ؟؟



شتبي الانتر يسوي عشان ياخذ الدوري؟؟ .. تبيه يرشي ويتلاعب ويستخدم اساليب غير شرعيه " بدون لا يطيحون عليه " عشان تقولون الانتر يستحق الدوري وما في ادلة تثبت ان يتلاعب

شنو ذنب الانتر عشان ينظلم ؟ .. شنو ذنب جمهوره الي تعطش للبطولات من 89 !!

ذنب الانتر الوحيد .. انه ما سوا سوات غيره.... ولعب بـ شرف وطبق القانون

لكن ربك ما يطق بعصا .. ووصل اليوم الي يرد يظهر فيه الحق

بطوله ما نعتبرها أي بطوله ولا اي دوري ومجرد رقم وزاد .. الدوري رقم 14

هو اكبر انتصار للانتر وباقي الانديه الايطاليه الشريفه على الظلم والمافيا الايطاليه ..

وعندي رد على الي يقول ان هالدوري ماله طعم .. وانت شكو بطعمه !! بالعكس شنو احلا من عوده الحق لاصحابه

ولا عزاء للحاقدين ..

اتمنى تكون هالعقوبه على اليوفي " قرصه " تتعلم منها الاداره
والحمد لله افتكينا من موجي وشلته

كبير والله كبير يا انتراوي
هذا الكلام السليم حقوق الناس يوم نرجع يقولون هدية
ما اقدر ازيد اي شي على الي قلتة يعطيك العافية
ولا عزاء على الحاقدين

[WLD UAE]

الانتر يستحق القب ليش ما يستحق

[EAGLE 2000]

ماأزيد على كلامك ياانترواي

يعطيك العافية

[_(DEVIL)_]

والاخ ديفل جزاه الله خير شغال بالرابطه

الله يبارك فيك . . .
وان شاء الله الــ15 في الطريق . . .