$$**--قصتي مع النظارة--**$$
أهلا بيكم يا شباب ويا بنات بموضوعي الثاني بالقسم الترفيهي كله
$$**--قصتي مع النظارة ><--**$$
$$**--المقدمة--**$$
"إيش !!!!"
كانت كلمتي لدكتور الأسنان قصدي العيونلمن سمعت الكلمة : تيتان نظرك نزل ل 5/6 لعيب وراثي بعيونك >< --> كداب دحين الدكتور يناديك تيتان
لازم تسوي نظارة وإلا نظرك بيسير أسوأ
و ابن "....." الدكتور قالها كاني بيقول كيف حالك
قال الكلمة دي و انا خلاص بدأت احس الدنيا ضيقة على صدري كأني لابس بلوزة مقاسها XXS و انا مقاسي XXL <<لا تصدقون عاد
سرح تفكيري لفوق و انا أفكر في بداية دا كله
$$**--البداية :--**$$
"يا ابن ال....."<<محذوفة حقاظا للذوق العام
إنطقت الصرخة من فم تيتان <<يعني من فين حتطلع ؟ خشمه ؟
حوالي الساعة 4 صباحا و هو بلعب تيكن في البلاي ستيشن2 بعد هزيمته للمرة العاشرة بسبب إصراره على اللعب في المستوى الصعب
في الحقيقة هدي لم تكن اول مرة تيتان يسهر على البلاي ستشن ، كان دايما يلاحظ أن عيونه تبدأ تحرقه لمن يطول لكنه ما كان يهتم كتير ،
يعني لو واحد جالس يتفرج على النهاية حقت FFX هل حيهتم كتير بشي سخيف زي حرقان العيون ؟
و في كتير من المرات أبوه كان يكفشه و هو جالس يلعب ، و ياخد كم تهزيئة من نوع : "يا أهبل إيش قاعد تسوي ؟"
"والله إنك لساعك نونو جالس تلعب بلاي ستشن"
عاد كان تيتان ما بنطق حرف خلال هذي التهزيئات ، لأن لو نطق بتتضاعف و تتكاثر تكاثر لا جنسي <<الأخ متأثر بالأحياء
لكن كان ينكتم أو ينطم أو يخرس بدون حرف ، يجلس يفكر هو فين وصل في اللعبة ><
بدون حتى إهتمام بعيونه
.....
و في بعض الأحيان حتى السهر على النت ، لكنها كانت بشكل محدود لأنها كانت أيام الدايل أب الحزينة القديمة <<سوى فيها الدي إس إل ما كمل شهرين
و بهذه المناسبة أحب أقول – لكل من سبني او شتمني او شاف إني مجنون أيام الدايل أب – معذور ،
كنت أخش و افصل و أخش و افصل زي الخ >>ملاحظ معنى الخ الحقيقي =دلخ ، لكن في الكتب المدرسية حرفوها
$$**--إكتشاف الحقيقة المرة :--**$$
"إشبه الإعلان الأهبل دا"
كانت كلمتي واحد من الأيام و انا ماشي في الشارع
لاحظت إني مني شايف الإعلان كويس كأنه مغبش و قلت لصاحبي شوف الإعلان الأهبل دا
قام رد علي "((هدفنا خدمتكم)) كله كذب أعرف"
رديت عليه و أنا مفجوع إيش ؟؟؟؟؟؟إنت شايفه كويس ؟؟؟؟
"طبعا ، إنت منتا شايفه ؟"
$$**--الحل:--**$$
ركبت السيارة مع أبي الحبيب <<إلي قلي أهبل و نونو قبل شوية ، فاكرينه ؟
ووصلت إلى مستشفيات بعد كم لعنة من إبي الحبيب على الهنود اللي مايستحقوا يسوقوا
بيني و بينكم : والله يستاهلوا السب ، يعني هندي كان يسوق بقرة ، يجي هنا يسوق بي إم ، بالله دا كلام ><
خلينا نكمل بس ، دخلت المستشفى و دفعت 100 ريال عشان كشف <<حرامية
المهم بعد إنتظار ساعة و نص دخلت عند دكتور بصراحة أظنه عايش في العيادة حقته ،
جفونه كأنه دوبه صاحي من النوم و سودة ، و الروب حقه مكرمش ،
تقول هذا جا ينام ما جا يشتغل
المهم هو قال : أتفضل يا تيتان ، أجلس على الكرسي ..
جلست ، و جلس يوريني كم حرف على شكل E و يكبرها و يصغرها و أنا غلطت في نصها ><
حسيت كأني رسبت في إمتحان دخول الجامعة ><
المهم الأخ حطلي على وجهي شي كأنه منظار غواصة
و جلس يغير العدسات و انا أقول زي المجانين :
أوضح
أسوأ
إلين ما خلاص مسك قلم و حطه في فمه كإنه سجارة حشيش
و قالي الكلمة اللي قريتوها فوق <<ما في أنسخها أطلع أقراها بنفسك ، عندك كيبورد !
و كتب في كرت شوية أرقام ، أرقام حتدد حياتي <<اللي يسمعك يقول شهادة الثانوية العامة
و خرجت من عند الدكتور النايم المحشش
$$**--الحل النهائي :--**$$
"اه ه ه "
قلتها و انا ماشي في شارع التحلية زي المحششين أفكر في حالي <<سواها نهاية العالم
و بس شفت محل إسمه البدر للبصريات أول مرة أنتبهله
وقفت و دخلت المحل
اول ما دخلت فرشوا السجادة الحمرا و قالوا: هلا بتيتان <<كداب
في الحقيقة دخلت و قالولي أتفضل
و إيش تفضل نظارات
و مدري إيش
في الأخير عجبتني نظارة و انا جالس اتكلم معاه عن الشكل سألته بالصدفة كم السعر قال :
4000 ريال
و عرض خاص لك بنخليها 3900 و انا قلت
إيش ؟؟؟؟؟
ليش ؟
قلي : هدا يا حبيبي تيتانيوم و ...
ما سمعته لأني خرجت من المحل
و جلست أقول 4000 ؟ أشتري 500 شريط أحسن <<بعد كل دا التفكير لسة في البلايستيشن
و في الأخير رسخت على نظارة ب 500 ريال إشتريتها من البشاوري للنظارات <<محل جنب البيت
و مشي الحال بيها
على فكرة أنا كسرت او ضيعت للأن 3 نظارات
إشبك ؟ أشوفك تنزل ؟
لسة تنزل ؟
يعني إيش متوقع ؟ النهاية ؟ يعني ما تعرف إن النهاية هي الموت ؟
^^
حط الموضوع و هو معصب
ملاحظة مهمة :
شكرا للأخ ABDULLAH750على تشجيعي على نشر الموضوع
<
المشاركة الأصلية كتبت بواسطة ABDULLAH750
، الأخت تدرس طب ؟؟؟؟
