::| المــراهقــه ... رعب الأهل .. هنا تجتمع الهجـوله | ::

[SILENCE.98]

بسم الله الرحمن الرحيم

نعــم إنها المراهقه نعم لنا نحن الأولاد أكبــر متعه في الحياة إنها السن الذي بــه

الهجــوله الكامل للولد أو البنت طبعــا أغلبيه ماترون من الحوادث ولأفعال منها كالثــير

بدون توضيح مثل أعمال التخريب وعلا قولتهم السحب على المدرسه وزي كذا ... تكون

من المراهقين بالطبــع .. والمراهقه الأكبر وخوف الآباء وحلم الأولاد ... عندما يملك الولد

السياراه سيارة أحلامه من السيارات القويه مثــل السيارات التي سأذكرها

بالصــور :<< أول مايذكر سيــارته طبعا من كم يوم شاريها ..


~ ~ ~ ~ الهجــولـه والسيــارات ~ ~ ~ ~



تسلمين يالومينــا طبعا الكل يعــرف السيــاراه سيارة السبورت .... آه بــس أزين مافي

اللومينا والي خلاني أشتــريها إذا عطيتهــا عزمها سمع صوت المكينــه بس لا والهجوله

والطبلون ماينزل تحت 140 ... لا والأزين من كذا أتحداك الشرطه طبعا تمسك وهذا أول

سبب لشرائي السياراه .. << ماعنــده رخصه



والآن الكابريس أم العــزوم وأقوى الاتحديات الكابريس إس إس أقوى سياره عزم وشكل

رووعه ا ومكيــنه صوتهــا ولادوج فايبــر منظــرها مع برا قوووي وزي كذا من داخــل

اقوى وأقوى وأنتــم أقوى<< دخلنا ببرنامج فعاليات الصيف .... المهم هاذي

الكابرس إس إس من اقوى السيارات حتى الآن 000 ^ــــ^



المكســيما سيــاراة الشباب المعــروفه .... السياراه

للطارات سياراه شكلها رائع ومنتشرها بين الشباب وإذا لحقتك الشرطه ماعليك الا أنك

تبدل القير من الخامس للثالث وأنــس يالفة الشرطه يعني السيــاراه من السيارات

العزوم ولها مكينات قويه ...



ألله مستعان وينك يا ألتيما أخبر شهرتها طارت ألحين مع شكلها الجديد 2005

صارت منافسه للمكسيما والكامــري من يتذكر الألتيما من زمان مع انها كانت مشهوره

لكن احت شهرتها .. وألأحين جت تستعيد الشهره عزوم وكاين تدهر إدهار




طــــــــــــــامري يــــــــــــــــــــــا كــــــــــــــــــــــــــــامري ... من الي

مايعرف الكامري سياراة الهجــوله سياراة الإبداع تنطيــل وتشطيف وعلى قولتهم

الهدــوله كيف نتركها *** والكامري من يشطف بها *** أربع عقد من يطبقها ؟؟

الكامري عزم وماين وتشطيف وتنطيل وعقد عالســــــــــــــريع ...



لمن يقرأ الموضوع من الآباء سيلاحظ ملاحظه كبيــره إن كانت مع ولده المراهق واحده

من هالسيــارات فسيكون مثلــي لازم المراهق إذا ساق السياراه يسرع بها حيث

ماتنزل تحت 140 -120 قيقه لاخيــال فهذا سبب خوف الآباء وربما يكون هجوله من قبل

المراهق ولاحد يقولي ليش مايقدر السياراه الي شراها له أبوه له بتعبه المراهق

مايتذكر شيء أهم شيء يمسك السيــاراه ويطق طبلونها ويدربها أو ينطل بها كم

نطله عالطريق أو يخمس أو حتى يلوس والضغط على سته وعلى قولة المثل

المهجولي : الطبلون تحت الــ 200 -- ضغط المكينه على سته -- عليك يتسابق الحولين

كلمن تحدا خاب << انا خربطت أخر جمله لأني ناسيــها ... أما الآن بحول الوضوع 360

درجه على اليمين


~ ~ ~ ~ المــاسنجر ~ ~ ~ ~

ههههههههههههههه طرا علي الموضوع عقب ماشفت موضوع عن حملة تطهير

الماسنجــر << What The Hell Is That ?? تطهــرون الماسنجر من البنات والله

شوفو أصلا المراهقين هم يشكلون نسبة 95 % من ممتلكين الماسنجــر وطبعا كل

واحد مراهق أكيد وألف اكيــد بيكــون عنــده بنــت بالماسنجــر يتكلــم معها ووتكلم معه

يمدحها وتمدحها يعطيها شعر وتعطيه شعــر وكلام يقعد ساعات ربما يتحول من

الماسنجــر إلى الهاتف وهذا شائع كثــيرا خاصه عندما يكون عمر المراهق 15 -17

يعنــي سن المراهقه من 13 - 17 أو حتــى وكما سمعت ربما يستمر عن بعض الناس

إلى الـ 20 يعنــي الحملــــه مغــروغ منها وثاني شيء فيه ناس كثــير تزوحو بطريقة

الماسنجر عالم كثــيرين مره ... يعني الماسنجر واحد من وسائل التعارف

المعروووفه .... وطبعا لكل المراهقين وكما قلت اكيد عنده بنيه يتكلم معها .... يعني

إختصار للموضوع الإنترنت والماسنجــر الأمــر مستحيل يطبق على المراهقيــن

أنــسو .. ههههههههههههه

~ ~ ~ ~ خــوف الآباء والأمهات من التكنلوجيا المتقدمه ~ ~ ~ ~

آهــا هنــا وصلنا للمرحله الحساسه جدا لدا الآباء بالطبع لدى كل مراهق او مراهقه لاب

توب زيي والشباب أو كمبيوتر طبعا يسكره بكلمة ســر وهاذي مشكله فلا يستطيع

الأهل معــرفة ماذل يفعل ومن يكلم ومن ومن .. إلــخ وكذلك الجــوالات يلاحظ على

الشاب حرصه على أن لايقع جواله بين يدي أهليه حتى من عمره 13 - 17 وبالطبع يوزي

ملفات سريه له في أي مكان حتى الرسائل المحفوظه ثم يحولها كي لا يستطيع أحد

معرفتها أو مشاهدتها أكيــد هذا الخوف الأكبــر لدى الآباء والأمهــات ..


~ ~ ~ ~ كيف تعلم أنك دخلت المــراهقه أو أنتهيت منهــا ~ ~ ~ ~

البــدايه :

- إنجذاب كبيــر للنساء بمختلف الأعمار

- إنجــذاب للسيــارات لدى الشاب ويريد الحصول على سيارته بأقــرب وقت

- دخــوله الكثــير للنت وكلامه الكثــير على الماسنجر والمحاوله التواصل مع البنات

- العكــس للبنات : إنجذاب كبيــر للعيــال

- إنجــذاب إلــى التجمــل بكل شــيء

- دخولها إلى النت كثــيرا والتحدث كثيــراومحاولة التحدث للشباب << على طول أي شاب يشوف أسم بنت مضيفته يقبل وهو مشكر وحنا بالحســره لازم قبل ... مايصلح اقول يطردوني هههه

- هذا شــيء ماينفعش نذكره هنا هذا الي يبي وشو يكلمنى على الماسنجر وأعلمه وشو وهو شيء يحصل بالجولات كثــير عاد عليك تعــرفه شيء لازم يصير بجوالات المراهقين

نهايتــه :

- ربما يتحول لبنت واحده وبقع بغرامها هههه أكيد مايروح الإنجذاب طبعا

- خلاص مافيه إنجذاب لسيارات

- التعقل الواضح .... يعني يصير على قولتنا وحنا مطوع نطنز عليه ونقول من وين جانا هالدين ياربي أو يامطووع أو يالداعيه أو شيء من هذا بدافع التهزأ ومادرى انه بيلحقه هههههههههههه


~ ~ ~ ~ النهــــــــــــايــــه ~ ~ ~ ~

الحمدلله خلص موضوعي عن المراهقين
وإن شاء الله نشوف مشاركاتكم وردوكم وشكــرا .. ^ـ^

[TRY NO RACE]

اسمك حلو

[SILENCE.98]

ههههههههههههه غريبه وش عندك ماعندك رد الا أسمك حلوو ^ـ^ ؟؟ وش الطاري

[RICH BOY]

هههههههههههههه

الله يقطع بليسك

احلى السيارات الموجودة هنا والي اموووووت فيها طبعا الكامري والكابرس

[سينيوريتا]

خخخخخخخخخخخخخ
سلامات عسى ماشر وشالسالفه
ماعرفنا شنو الموضوع بس ماشالله كذا موضوع في موضوع واحد
من زمان ماشفنا كذا مواضيع بالمنتدى العام

على طاري سيارات المراهقين
ودي اصور لكم سيارة أخوي قبل مايستلمها وبعد مااستلمها
أبوي عطاه سيارته الكابرس بعد ماعاشت معاه سنين وعطاه السيارة وهي نظيفه حلوه
وماهي الا اسابيع الا والسيارة في حاله لا تحسد عليه
مكسرة ومصدومة من كل الجوانب والمكيف عمري ماشميت ريحته بسيارته دايما تخرب
ابواب السيارة اذا جيت ابنزل من سيارته ينزل اهو يفتح لي الباب لان الباب ماينفتح من الداخل
أخخخخ ادري حكيت لكم قصة حياتنا بي شسوي
والله خساره عليه هالسيارة وحسافه عالسيارة أنا أولى فيها
دايما اقول لابوي مابي اخوي يوديني المشاوير يفشلني بسيارته

[Nnoshah]

ماعرفت اقتبس الا عن سالفة الماسنجر لأن الباقي مافهمت شو السالفه منه , , ,

ههههههههههههههه طرا علي الموضوع عقب ماشفت موضوع عن حملة تطهير

الماسنجــر << What The Hell Is That ?? تطهــرون الماسنجر من البنات

beleive or not

والله

شوفو أصلا المراهقين هم يشكلون نسبة 95 % من ممتلكين الماسنجــر

مب شرط , , ,
والنسبه وايد كبيره ما اتوقع جذيه

وطبعا كل

واحد مراهق أكيد وألف اكيــد بيكــون عنــده بنــت بالماسنجــر يتكلــم معها ووتكلم معه

يمدحها وتمدحها يعطيها شعر وتعطيه شعــر وكلام يقعد ساعات ربما يتحول من

الماسنجــر إلى الهاتف وهذا شائع كثــيرا خاصه عندما يكون عمر المراهق 15 -17

أخطأت اخوي , , ,
مب كل المراهقين , , , قول البعض
لأن هناك اسر والحمدالله متدينه علمت عيالها من اول ان هذا صح وهذا غلط
ويحاولون انهم يشغلون فراغ المراهقين بالصلاه وقراءة القرآن وغيرها من الشغلات المفيده
وهذا عشان يبعدون اطفالهم المراهقين عن احد طرق المواصله مع الجنس الآخر

وثاني شيء فيه ناس كثــير تزوحو بطريقة

الماسنجر عالم كثــيرين مره ... يعني الماسنجر واحد من وسائل التعارف

المعروووفه ....

كل شي يبدا بالغلط بينتهي بالغلط
واذا تزوجوا شوف الحياه اللي عندهم , , ,
او اذا تبى تعرف كيف الحياه بتكون بتزوج من وحده تكلمها بالماسنجر , , ,
واذا كنت ابالغ في كلامي عطني مثال لحياة شخص تزوج عن طريق هذي الوسائل وماصارت حياتهم جحيم , , ,
باختصار كل رجل يبى امرأه ملتزمه لم تكلم غيره ولم تتعرف على غيره من حيث هذه الوسائل
وتخيل ان علمت بأن زوجته كانت قد تكلمت مع اشخاص في الماسنجر
وعندما تستخدم الماسنجر مرة اخرى , , , ألن تشك فيها
ياترى هل لاتزال تتحدث مع الذين سبق وانت تعرفت عليهم
ولا تقول انت واثق فيها بل واثقه واكيد انك بتسأل هالسؤال لنفسك في يوم ما

وطبعا لكل المراهقين وكما قلت اكيد عنده بنيه يتكلم معها .... يعني

غلطان لا تعمم على الجميع , , , قول ان البعض وليس الكل
ونحن امامك بعز المراهقه على قولت بعض البنات
لا نستخدم الماسنجر بطريقه خطأ
وانما علمنا وانتبهنا ونبهنا غيرنا على الطريقه السلبيه التي تستخدمونها

والله يهدي الشباب والفتيات , , ,

ومشكور اخوي على طرحك لهذا الموضوع المفيد , , ,
مع انه في كلام صح قلته بس حبيت اوضح لك بعض النقاط

[SILENCE.98]

هههههه أولا أنا أقول للأخت دينجر ... أختي بالعكــس أنتي فاهمه غلط وثاني شيء من هالأبوين المتدينين الي بيعطون عيالعهم بنات يعني لو الأبو مطوع ماهوب شاري لولده وماهوب معطيه هالخرابيط أختي أنتي ماتعــرفين شيء بالماسنجر وحياة المراهقين به لذا أرجوك لاتفتين علينا بلا علم

[SILENCE.98]

على قولت بعض البنات
لا نستخدم الماسنجر بطريقه خطأ

يمكن الي عمرهن 19 - فما فوق بس هههههههههه وأن بنت قالت كذا وهي مراهقه فهي تكذب 100 %

[Nnoshah]

يمكن الي عمرهن 19 - فما فوق بس هههههههههه وأن بنت قالت كذا وهي مراهقه فهي تكذب 100 %

باقي لي 4 سنوات لانتهاء مرحلة المراهقه

شو بتقول ؟؟

فهي تكذب 100 %

مشكلتك تعمم على المراهقين كلهم , , ,
الله يهديكم

واسمحلي اخوي , , بس انا ماغطلت في شي قلته
اللي اشوفه اتكلم عنه وهذا اللي صاير , , ,

[SILENCE.98]

هههههههههههههه عشان كذا أقولك ماتعرفين شيء أنتي زي ماقلتي أربع سنين وتكملين المراهقه يعني عمرك 13 هههههههههه أقولك لاتفتين هذا أنتي فضحتي نفسك

[Nnoshah]

هههههههههههههه عشان كذا أقولك ماتعرفين شيء أنتي زي ماقلتي أربع سنين وتكملين المراهقه يعني عمرك 13 هههههههههه أقولك لاتفتين هذا أنتي فضحتي نفسك

شكلك ماتعرف الحساب , , ,

انصحك بكورسات عيل

لا تفضح نفسك ياخوي اذا كنت ماتعرف الحساب -_-

[SILENCE.98]

ياختي المراهقه من 13 إلى 17 وأنتي تقول 4 سنين عدي يا أختي كل المراهقه 4 سنين

[SILENCE.98]

سؤال انتي كاتبة هذا الموضوع حق الماسنجر ولا كوبي وبيست وبس ؟؟

[Nnoshah]

انا خليت المراهقه لين سن 20
على قولتك هذا السن الاقصى

يمكن المراهقه اتكون عندك لين 20 او يمكن تكون عندي لين عشرين

محد يدري

يعنــي سن المراهقه من 13 - 17 أو حتــى وكما سمعت ربما يستمر عن بعض الناس

إلى الـ 20

[Nnoshah]

سؤال انتي كاتبة هذا الموضوع حق الماسنجر ولا كوبي وبيست وبس ؟؟

اولا : ماكتبنا موضوع الا للفاائده ^^
ثانيا : مانقلنا موضوع الا للفائده ^^
ثالثا : كل موضوع نكتبه او ننقله نحنا فاهمين كل حرف فيه ,, ماننقل مواضيع بالهبل ونحنا مب فاهمين منه شي ^^

وان شاء الله الجواب كافي لسؤالك , , ,