والــله فيني الصيــحه " فضفضة"

[Mada Mada Dane]

السلام عليكم ورحمه الله وبركاته ...

ياليت الي ماعنده ضمير يدخل هالموضـــوع ..


ياصبي جيييب القهووووه .. وين القهوووووووه ..

لا من جد .. انا للحين ماني مستوعب .. بسم الله الرحمن الرحيم ..

أقدم قسم بالمنتدى .. القسم الي اعتبره بيتي الثاني .. ان وغبت ووقفت اشارك فتره لازم ادخله واشوف وش صاير فيه .. اغلبيه الاعضاء القدامي .. الي تاركين المنتدى .. لازم يدخلون يشوفون وش صاير بهالقسم حتى لو ما يشاركون .. سنولاكس .. Link.p و ألف قسم أقدر اذكره ...

هذا القسم .. قسم بالله لنا فيه ذكريات .. كانت الادارة حاطه لنا مكان بسيط كذا على جنب .. ما يضر ولا يفيد .. ننبسط فيه .. نتهاوش بينا وبين نفسها ومعنا مراقب يهزئ فينا نزعل من بعض وبكرا نرضى .. اقدم قسم بالمنتدى .. منه استفدنا .. وكبرنا .. وتعلمنا .. قسم بالله يا عالم فيني الصيحه من الي اشــوفه ...

القسم ماله نفع؟ وين النفع اجل بقسم البلاي ستيشن او الالعاب؟ بـ تتحرر فلسطين؟ ولا بتعمر لبنان؟
أو قسم لأفلام .. نقاش عن ناس نعرفهم ولا يعرفونا .. انا اقول لو ننقلهم كلهم هنا احسن .. ونخلي منتدى السياسة لعل وعسى انا نتوصل فيه لحل دبلوماسي سياسي للوضع الراهن بـالشــرق الأوســـط ..

يا اخي الكريم .. يالمشرف .. يا دايركتور .. انت صاااحي؟ من جد يعني .. احنا بقسمنا نناقش .. نتونس .. نستفيد .. مانبي القسم يكون عرضه لكل من هب ودب .. نبي نجلس ببيتنا الصغير الثاني نلف حول نفسنا بسوالفنا والضوء شاب على جنب ونضحك .. يحليلنا كذا .. قسم صغير لنا .. يحل علينا ضيف من بعيد كل فتره وفتره ... يدخل علينا نحفل فيه يزعل بعدين يرضى ويصير من الشلة .. هذا طبعنا من 6- 7 سنين ومبسوطين ..

ماثقلنا عليكم .. تدري؟ انا اقول لو ننقل المنتدى كله هنا .. ياخي كله ما منه فايده .. انا اقول لو انت تنقل هنا تعيش احسن بعد .. استغفر الله ..

الله يجزاك خير .. والله احس اني مظلوم .. يا اخي هذا قسم احنا فيه من سنين .. قبل لاتجي انت ... ياخي احترمنا .. ياخي من انت علشان تقرر عنا؟ مالك حق ياخي .. وش هالدكتاتوريه .. يعني مافي احترام لهذي الدرجة؟
تعال .. استشير .. ياخي انت ما تشارك بهالقسم .. ولا لك دخل فيه طول عمرنا يتعين مراقب من بينا وهو يحل مشاكلنا .. انت لا صرت تشارك ياخي او صرت واحد منا يكون لك حكم علينا ...

لاتصير مثل صدام مع شعبه .. او اليهود لما بنوا الجدار العازل .. إن الله غفور رحيم .. طلب مني كأخ مسلم .. راجع نفسك وقرارك .. ياخي هذا بيتنا وش دخلك تجي تهدم بيتنا؟ ياخي خلك عقلاني ...


وييييييين القهووووووه يااااااااصبي

[abdulaziz1]

صح اني ما أشارك معاكم كتير..بس يوميا أدخل على القسم..والله أنا معاك في كل الا قلتو..

وأخيرا..ألحق على موضوع قبل مايتحرر أو ينحذف..

[Mista Koo]

I Totally Agree With Every Single Letter u Wrote
لكن للأسف ما رح يلحقون الأعضاء يقرون كلامك >.>
لأن مصير هالموضوع يا أما طردك أو حذف الموضوع مثل ما صار مع موضوعي!
للأسف أخ دايركتر ولكني مضطر أقولها...
هل من الحكمة أن تصرف إدارة المنتدى لمراقب الترفيهي السابق؟؟
تقبلها بوجه رحب ولا توقفني لمجرد قراءة إسمك!

[Mada Mada Dane]

والله حاس انها مزحه .. دايركتور يستهبل .. يستخف دمه خخخخخ من جد @_@

يذكرني بواحد لما جاء يمزح بغى يقتل خويه .. شوي شوي .. رفقاً بنا

[Son_OF_Liberty]

والله اتفق معك بكل كلمه قلتها مادا
من جد بصراحه قرار أشوف أنه خاطئ
واتمنى من الاخ دايركتور يعيد النظر فيه

ياجمااعه والله ماهي هينه نشوف القسم الي طالما حبينها وفضلنا على جميع الاماكن الثانيه
كنا والله مثل الاخوان واكثر نضحك ونتريق ونتزاعل من بعض لكن نرجع ونتصالح
واتحدى والله أي منتدى ثاني فيه مثل منتدانا وقسمنا هذا

ورب الكعبه من جد بأصيييح قربوو علبة المناديل مني

[Classic Evil]

صدق والله كلنا زعلنا...
مكانا القديم ...
متعايز أكتب أحسن مافي فايدة ..
ذكرياااات...
أيام حلوة راحت , لكنها حتما ً لن تعود ...

[Mada Mada Dane]

طيب وين القهوه ما قلتوا لي؟ ..

<- خرف من الصدمه T_T

[Mista Koo]

طيب وين القهوه ما قلتوا لي؟ ..

<- خرف من الصدمه T_T

من وين نجيب لك قهوة وانت بأمريكا؟؟؟
ولا نرسل لك بالـDHL ؟

[Mada Mada Dane]

لا انا حاليا بالجبيل .. لي بالسعوديه شهرين وبرجع امريكا يوم الاثنين .. عسى ارجع وانا بالغربه وحيد والقى القسم حبيبي زي ما كان ><

[ODIN]

شباب تعوذوا من ابليس .. جد انا دخلت بالليل وشفت الوضع منقلب ومحيوس

ومع كذا رحت تمرنت سويت رياضه ماهتميت كثير تدرون ليه


لانه انا عضو قديم بهذا القسم سبق وكنت عليه مراقب حتى .. ولا احس انه فرقت ان القسم يتحرك (( مكانه )) بس .. لانه انا هدفي واحد بصراحه من هذا القسم من اول ما كنت اشارك فيه .. وهو

انه طالما الاعضاء والاشخاص الي احبهم واعزهم موجوديين فيهم فخلاص ما تفرق معاي اي شغله ثانيه

على سبيل المثال .. القعقاع شخص اقدره واحترمه ومن اعضاء هذا القسم و اجلس اتناقش معاه بقسم ثاني بمنتدى كمال الاجسام وعادي ماحس فرقت .. لانه العبرة عندي (( بالاشخاص ))

هذا رأيي الشخصي خلاصته ان العبرة بالاشخاص مب في مكان القسم نفسه ..

ولا تنسون بعد ايجابية تجدد الدم .. حلو نتعرف ونزيد عدد اخوانا واصدقاءنا

[SFS]

أنا معاك وين ما رحت يا مادا..

القسم من أقدم أقسام المنتدى..

والي قاعد يصير مهزلة...والسبب خلافات وأهواء شخصية ..

وللأسف حتى أعضاء المنتدى ما تمت استشارتهم وأخذ رأيهم..

والله يهدي ويعقل المسؤول عن هذه الاحداث..

[Yamato]

مادا... ترا بتخليني اصيح معاك

يا خي والله فلة الاسم.. كافتيريا استراحة المنتدى.. لذا عندك حق تطلب قاهي ولا شهوة

دايركتور.. ما ادري شو من نظرة عندك للاعضاء لدرجة انك لا تستشير الاعضاء الملازمين للقسم في هالموضوع.. لا وتقص علينا وتقول بعين مراقب من بينكم واخرتها (طعنة في الظهر لكل عضو) وتعين مراقب ما له خص بهالقسم..
تقول انك تستشير المستشارين.. يا عيني عليهم.. لهم كل تقدير واحترام.. بس مش قاعدين معانا هناك... ومش في كل شي لازم تكون الاستشارة بينك وبين مستشاريك.. في اشياء العضو له دخل فيها.. مثل حركتك هذي اللي ما لها داعي اصلا..

ياخي فيني ضحكة بس احس اني بصيح لو ضحكت.. خخخ.. ياخي انت مدهش..

[قراصنة الغرب]

أتوقع هالحركة اللي سواها دايركتور حركة مبررة جدا


تعرفون ليش ؟


لأنه عضو مشهور كان من أعضاء الترفيهي


وسبق وحاول يكتب عندكم بالقسم كذا موضوع لكن مواضيعه ما لاقت اعجابكم


فقرر بعد استلام الإشراف


انه ينتقم بشكل أو بآخر من الجميع من كل شخص قاله مواضيعك سخيفة وسقيمة


لا وعشان يهينكم اكثر حط مراقب هو في وادي واعضاء العام القدامى بوادي آخر مع احترامي للأخر m.c.c



الموضوع ببساطة اذا قبلتم اللي سواه فيكم فراح يسوي فيكم شي اكبر مستقبلا


فأتمنى من الجميع ترك المشاركة بهالقسم وعدم طرح مواضيع جديدة فيه

لأنه ما يستحق ايضا


وكلمة أخيرة قبولكم بالوضوع هذا يعني انكم انتهيتوا مع احترامي لكل اعضاء المنتدى العام القدامى ...

[HIROSHI_11]

شباب اهدوا شوي..وأكيد دايركتر بيرد على تساؤلاتكم..
لا تهاجموا وتقولوا كلام تندموا عليه بعدين..
ترا ما ناقص مشاكل..
اصبروا وبيصير خير..
وبنتوصل لحل يرضي الكل..
الاعضاء والادارة..

قراصنة الغرب
على حسب تفسيرك..هذا انتقام يعني؟؟
وبعدين نحن نبي منتدانا..كيف تبينا نترك القسم ولا نشارك فيه؟؟
وين نروح يعني؟؟ الترفيهي؟؟ ولا السياسي احسن؟؟

[Yamato]

هيروشيما..
قرصان الغرب ناوي انه يتوقف

وترا كلمنا دايركتور.. وما منه فايدة.. شكلنا بنرفعه للي فوقه.. وخله عاد يتجرا ويقفل ذاك الموضوع