هاي فرصتك تفوز إن كنت ولا مرة فزت!!

[sensei]

السلام عليكم ورحمة الله وبركاته أول شي قبل ما اقول اي شي حبيت اقول... أرجوكم اقروا الموضوع كااااامل لأنكم دايما ما تقرون الموضوع بالكامل فإما ما تفهمون السالفة أو أنكم تسئلون اسئلة أجوبتها موجودة في الموضوع نفسه هاي مسابقة بفكرة جديدة تماماً وهي بعنوان "كم قطعة لابسة شخصيتك؟" وهي ما تعتمد على اسلوب الرسم او التلوين... راح نحاسب على عدد القطع اللي لابستها شخصيتك أياً كانتمن ثياب واكسسوارات شعر وميداليات ودبابيس وحزامات وقفاز وتقويم اسنان واشغابات "الحلق" وسلاسل وميداليات وشنط...الخ، وكل قطعة صغيرة تنحسب بروحها يعني طبجتين الجوتي تعتبر 2 والشغابات بعد كل وحدة نقطة راح ترسمون طبعاً إما بنت أو ولد وما راح تعرضونهم في الموضوع على طول لأن اذا جا شخص بعدكم راح يزيد على رسمته وكذا... فاللي يبي يشارك يحط رد في هالموضوع وبعد ما يرسم يحط رد ثاني ويخبرنا وذا شفت ان في عدد محترم من الأعضاء والمشاركين راح احط موعد محدد لعرض الرسمات وبانشوف من اللي فاز. أما عن نفسي فآنه جهزت الرسمة وانتظر ردودكم... أذكركم... لا تحطون رسوماتكم!! والسلام عليكم

[asail]

وعليكم السلام ...
موضوعك وفكرتك رائعه جدا انا راح اشترك بالتأكيد لازم ينشط هذا المنتدى أكثر..

ومشكووووره جدا على الموضوع..

[لاعبة الخيال]

مشالله مشالله داااائما دااائما الاخت الكريمة الحبوبة الكتكوتة sensei تأتي لنا بأفكار ومواضيع يديدة وحلوة والله العظيم انتِ لازم يحطونك عضوة مميزة في هالقسم لإنك بالفعل تفتحين نفس الأعضاء للرسم وللمثابرة والمنافسة والله جد ما أتغشمر ومواضيعك كلها واحد أحلى من الثاني المهم بما يختص في هالموضوع العجيب فأنا أمووووووت على رسم هالأشياء هذي إلي ذكرتيها سلاسل اكسسوارات ... إلخ فكرة حلوة لكن الله يعينك صج إذا بتعدين كل خرزة في كل رسمة ههههههههههه بس الله يهداك لازم أوادم ما يسير وحوش (( وليه مارح تخلصين من هالسالفة )) وانا انشالله وحدة من المشاركين معاك في هذي المسابقة الحلوة الممتازة

[sensei]

أهلا فيكم اخواني وخواتي... بس لاعبة الخيال... اذا باتشاركين ناس بس مب وحوش... لازم أوادم ^_^ وسوري لأني ما اقدر ادخل الوحوش في السالفة ^.^"

[الملاك الأبيض]

وعليكم السلام ورحمة الله وبركاته
ما شاء الله عليج أختي لاعبة الخيال تموتين في شي اسمه وحوش لوول ^^ ..
فكرة جميلة ^^ ..
عندي رسمة رسمتها من فترة بس بشارك فيها ^^ ..
شكرا أختي سينسي على ابداعج المتواصل والملحوض^^ ..

[sensei]

مشكور اخوي الملاك الأبيض..

الحمد لله صرنا الحين 3 متسابقين اما لاعبة الخيال مترددة... ما يندى متى بيوصل لنا جوابها ^.^"

يالله asail شد حيلك وخلصها بسرعة

[asail]

السلام عليكم..
أخيرا انتهيت من الرسمه ..ومستعده اشارك فيها..
وإن شاءالله يزيد عدد المشاركين ويصير أكثر.. ما نبي تضيع جهودك...

والمعذره أختي sensei..... ترى أنابنت مو بولد...

[لاعبة الخيال]

هــــــــــــــــي لالالا يروح الباص علينا أنا معاكم معاكم يبا أمانة خلك ويانا وأنا بعد وياكم (( ترا فصلت وصارت غراس )) اختي الحبيبة الأمورة العفريتة (( خطأ مطبعي )) sensei أنا مو مترددة أنا 100% معاكم لا تروحون للرحلة في الباص وتخلوني واااااااع خخخخخخ ومثل ما قلت أخوي الملاك الأبيض أنا أموت في شي اسمه وحوش بس علشان خاطر sensei أنا ماني حاطة وحش (( يعني لو مو علشانها لحطيتي مو بكيفك هو أصلا )) ومثل ماقالت الأخت العزيزة المبدعة asail نبي مشاركين يدد وأكثر وما بي نضيع أفكارك الحلوة والجهيدة (( بلدية كإنها ولا أنا غلطانة )) ما بي الأعضاء ينامون

[sensei]

سوري اختي asail انه وانتي لنا نفس الحالة ^.^"

أما الحبوبة لاعبة الخيال فآنه صج ما مصدقة انج باتشاركين... المهم بعد ما تخلصين رسمتج حبيبتي خبرينا ^_^

[sensei]

تبيون كبداية نكون 4 متسابقين بس؟؟ يعني أحط موعد لعرض الرسمات خلاص والا ننتظر متسابقين غير؟؟

[لاعبة الخيال]

هلا والله اختي الحلوة الأمورة sensei والله تدرين الظاهر احنا رح نرضى بـ4 كبداية لإن لي الحين محد شارك بعد شهالبرود إلي نزل على المنتدى الله أعلم مو مشكلة أنا بهذي معاك 4 للبداية يكون أحسن بعدين عاد نبتدي بالأعداد الكبيرة احنا ناطرين متى تقولين موعد الرسمات بس لازم ناخذ راي اختنا asail أول مع الملاك الأبيض وبنشوف شنو يقولون

[sensei]

انتي رسميها باسرع وقت وخلاص... ولما تحطين رد انج رسمتي راح أحدد موعد قريب

[asail]

سلام...
بالنسبه لي انا معاكم الاثنين أفضل أننا نبدا ب4 مشتركين..لاننا اذا جلسنا ننتظر ماراح يزيد عدد المشاركين ابدا..
ومن الافضل اختيSensei انك تحطي الموعد لعرض الرسومات.

[sensei]

أوكي عيل... بحطه شوي بعيد علشان الكل يشوفه ويحط رسمته في الوقت المناسب... اليوم الأحد، فبخلي عرض الرسمات يوم الثلاثاء... إن شاء الله الكل يدخل ويقرا الرد قبل فوات الأوان... يوم الأربعاء ما راح ندخل رسمات أوكي؟؟

[الملاك الأبيض]

أوكي عيل... بحطه شوي بعيد علشان الكل يشوفه ويحط رسمته في الوقت المناسب... اليوم الأحد، فبخلي عرض الرسمات يوم الثلاثاء... إن شاء الله الكل يدخل ويقرا الرد قبل فوات الأوان... يوم الأربعاء ما راح ندخل رسمات أوكي؟؟

علم